• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Telugu
  • వార్తలు
  • ఫోటోలు
  • వీడియోలు
  • ఆంధ్రప్రదేశ్

  • తెలంగాణ

Add Zee Business As A Preferred Source
App
  • Live TV
  • ఆంధ్రప్రదేశ్
  • తెలంగాణ
  • జాతీయం
  • అంతర్జాతీయం
  • క్రీడలు
  • వినోదం
  • జీవనశైలి
  • ఆధ్యాత్మికం
  • జీ తెలుగు న్యూస్
  • /తెలంగాణ
  • /వరంగల్
  • /Paddy Price Today: వరికి అదిరిపోయే ధర.. పచ్చి ధాన్యానికే క్వింటాకు రూ.3,025

Paddy Price Today: వరికి అదిరిపోయే ధర.. పచ్చి ధాన్యానికే క్వింటాకు రూ.3,025

Paddy Price Today: ఉమ్మడి నిజామాబాద్ జిల్లాలో వరి కోతలు జోరందుకున్నాయి. పండిన పంటను దక్కించుకునేందుకు ధాన్యం వ్యాపారులు పోటాపోటీగా రంగంలోకి దిగారు. రెండు తెలుగు రాష్ట్రాల్లోని నెల్లూరు, మిర్యాలగూడ వంటి ప్రధాన ప్రాంతాల నుంచి వచ్చిన వ్యాపారులు కల్లాల్లోనే వడ్లను కొనుగోలు చేస్తున్నారు. ఆరబెట్టాల్సిన అవసరం లేకుండా పచ్చి ధాన్యానికే క్వింటాకు ఏకంగా 3వేలకు పైగా ధర చెల్లిస్తుండటంతో అన్నదాతల ముఖాల్లో ఆనందం వ్యక్తమవుతోంది. సిరులు కురిపిస్తున్న వరిధాన్యంపై జీ తెలుగు స్పెషల్ ఫోకస్.

Written ByAshok Krindinti
Published: Oct 01, 2026, 15:58 IST|Updated: Oct 01, 2026, 16:01 IST
joinshare
Paddy Price Today: వరికి అదిరిపోయే ధర.. పచ్చి ధాన్యానికే క్వింటాకు రూ.3,025
Image Credit: Paddy Price Today

About the Author

Ashok Krindinti

Ashok Krindinti

అశోక్‌ క్రిందింటి జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. ఇక్కడ 2022 నుంచి స్పోర్ట్స్, వినోదం, క్రైమ్, రాజకీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో ఏడేళ్లకుపైగా అనుభవం ఉంది.
Read More

ట్రెండింగ్

  • వార్తలు
  • ఫోటోలు
  • వీడియోలు
పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

2

బయట ఫుడ్ తినకపోయినా ఫ్యాటీ లివర్ వస్తోందా? ఇంట్లో చేసే ఈ 5 పొరపాట్లే అసలు కారణమా?

3

Congress: సంక్రాంతి తర్వాత 'ప్రజా బలం' చేపడతాం.. నాయకులు గ్రామాలకు వెళ్లండి: రేవంత్‌ రెడ్డి

4

Revanth Reddy: 'ఎమ్మెల్యేలు అనిరుధ్, రాజగోపాల్ రెడ్డిలను ఈసారి క్షమించేద్దాం: రేవంత్ రెడ్డి

5

Kishan Reddy: రెబల్ స్టార్ ప్రభాస్‌తో భేటీ అయిన కేంద్ర మంత్రి కిషన్ రెడ్డి.. అసలు కారణం ఏమిటంటే..?..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Paddy Price Today: ఖరీఫ్ సీజన్ వచ్చిందంటే రాష్ట్రవ్యాప్తంగా అందరికంటే ముందుగా వరినాట్లు పడేది ఉమ్మడి నిజామాబాద్ జిల్లాలోనే. అందుకే ఇతర జిల్లాలతో పోలిస్తే నెలరోజుల ముందే ఇక్కడ పంట కోతలు షురూ అవుతాయి. వారం రోజుల కిందటే ఉమ్మడి జిల్లావ్యాప్తంగా పంట కొతల సందడి మొదలైంది. ఓవైపు కోతలు సాగుతుండగానే, మరోవైపు ప్రైవేటు వ్యాపారులు రైతుల కల్లాల బాట పట్టారు. ఈసారి ఎల్నినో ప్రభావంతో రాష్ట్రంలోని పలు జిల్లాల్లో వరి సాగు తీవ్రంగా పడిపోయింది. గతేడాది ఖరీఫ్‌లో రాష్ట్ర వ్యాప్తంగా 67.30 లక్షల ఎకరాల్లో వరి సాగు కాగా, ఈ సీజన్ నాటికి అది 55.89 లక్షల ఎకరాలకే పరిమితమైంది. అంటే గతంతో పోలిస్తే పంట విస్తీర్ణం దాదాపు 17 శాతం తగ్గింది. ముఖ్యంగా ఉమ్మడి నల్గొండ, మెదక్, కరీంనగర్, వరంగల్ జిల్లాల్లో సాగు నీరు లేక వరి విస్తీర్ణం గణనీయంగా తగ్గిపోయింది.

రాష్ట్రంలోని మిగతా జిల్లాల పరిస్థితి ఎలా ఉన్నా...ఉమ్మడి నిజామాబాద్ జిల్లాలో మాత్రం వరి సాగు సాధారణ విస్తీర్ణంలో 98 శాతానికి చేరింది. టైంకి కురిసిన వర్షాలు, నిజాంసాగర్ ప్రాజెక్టుతో పాటు స్థానిక చెరువుల్లోకి నీరు చేరడంతో రైతులు పైర్లు ఎండకుండా కాపాడుకున్నారు. ఫలితంగా నిజామాబాద్ జిల్లాలో 4.30 లక్షల ఎకరాలు, కామారెడ్డి జిల్లాలో 3.20 లక్షల ఎకరాల్లో నాట్లు పడ్డాయి. ఈసారి ఉమ్మడి జిల్లావ్యాప్తంగా దాదాపు 15 లక్షల క్వింటాళ్ల వడ్ల దిగుబడి వస్తుందని వ్యవసాయ శాఖ అధికారులు అంచనా వేస్తున్నారు.

దిగుబడి ఆశాజనకంగా ఉండటంతో పాటు, బయట మార్కెట్‌లో ధాన్యానికి భారీగా డిమాండ్ ఏర్పడింది. సాధారణంగా ధాన్యం ఆరబెట్టి, తూకం తగ్గకుండా చూసుకోవడం రైతులకు పెద్ద సవాలుగా మారేది. కానీ ఈసారి తూకం తగ్గుతుందనే బాధ లేకుండా, కోసిన పచ్చి ధాన్యానికే క్వింటాకు 3,000 పైచిలుకు ధర పలుకుతోంది. ప్రైవేటు వ్యాపారులు పోటీపడి మరీ కల్లాల్లోనే నగదు చెల్లించి వడ్లను లారీల్లో తరలిస్తున్నారు. ప్రభుత్వం నిర్ణయించిన మద్దతు ధర ప్రకారం 'ఎ' గ్రేడ్ రకం సన్నాలకు క్వింటాకు 2,461 లభిస్తుంది. దీనికి ప్రభుత్వం ఇచ్చే 500 బోనస్ కలిపినా రైతుకు 2,961 మాత్రమే వస్తుంది. కానీ ప్రైవేట్ మార్కెట్‌లో ప్రస్తుతం సన్న వడ్లకు ఏకంగా 3,000 ధర లభిస్తోంది. మరో వారం రోజుల్లో బీపీటీ రకాలు కూడా చేతికి రానున్నాయి. వీటి ధర క్వింటాకు 3,500 వరకు పలికే అవకాశం ఉందని వ్యాపారులు చెబుతున్నారు.

మిర్యాలగూడ, నెల్లూరు నుంచి వచ్చిన మిల్లు వ్యాపారులు రైతుల దగ్గర నేరుగా కొనుగోళ్లు జరుపుతున్నారు. జూన్ నెలలోనే నాట్లు వేసిన రైతులు ఇప్పటికే కోతలు పూర్తి చేసి ధాన్యాన్ని విక్రయించారు. 50 బస్తాల సన్నరకం పచ్చి ధాన్యాన్ని క్వింటాకు 3,025 చొప్పున అమ్ముకున్నామని రైతులు సంతోషం వ్యక్తం చేస్తున్నారు. 7 ఎకరాల్లో సాగు చేసిన రైతులకు 37 క్వింటాళ్ల దిగుబడి రాగా, వ్యాపారులు భారీగా ధర చెల్లించి పచ్చి ధాన్యాన్నే కొనుగోలు చేశారు. ఈ ఏడాది సన్న రకాలకు సగటున క్వింటాకు 3,000 నుంచి 3,500 వరకు ధర లభించే అవకాశం ఉండటంతో రైతాంగంలో ఉత్సాహం నెలకొంది. అయితే వ్యాపారులు కల్లాల్లోనే పోటీపడి అధిక ధరలకు ధాన్యాన్ని కొనుగోలు చేస్తుండటంతో....రానున్న రోజుల్లో బహిరంగ మార్కెట్‌లో బియ్యం ధరలు మరింత ప్రియమయ్యే సూచనలు కనిపిస్తున్నాయి.

 

Add Zee News as a Preferred Source
TAGS:
Telugu News
Telangana News
Warangal