ఇంట్లో చేసే ఫ్రైడ్ రైస్ హోటల్ రుచి రావడం లేదా? చెఫ్‌లు పాటించే ఆ ఒక్క సీక్రెట్ ట్రిక్ ఇదే!

Restaurant Style Fried Rice: మీరు ఎన్నిసార్లు ప్రయత్నించినా హోటల్ స్టైల్ ఫ్రైడ్ రైస్ రావడం లేదా? రోడ్లపై దొరికే ఫ్రైడ్ రైస్ లాగా ఇంట్లో రాకపోవడానికి ప్రధాన కారణాలు మనం వాడే బియ్యం, కూరగాయలు, సాస్‌లు మరియు ఫ్రై పాన్ కావచ్చు. చిన్న చిన్న చిట్కాలు పాటించడం ద్వారా ఇంట్లోనే రెస్టారెంట్ స్టైల్ రుచితో, ఆరోగ్యకరమైన ఫ్రైడ్ రైస్‌ను పొందవచ్చు. ముందుగా కొన్ని మార్పులు చేసుకుంటే ఇంట్లోనే రుచికరమైన ఫ్రైడ్ రైస్ తయారవుతుంది. ఇందులో ఉపయోగించే బియ్యం తాజాగా వండినదైతే అందులో తేమ ఎక్కువగా ఉంటుంది, దీనివల్ల ఫ్రైడ్ రైస్ ముద్దగా అయిపోయే అవకాశం ఉంది. అందుకే కొంచెం సేపు చల్లబడిన అన్నాన్ని ఉపయోగించండి. చల్లటి అన్నం డ్రైగా ఉండటం వల్ల పొడిపొడిగా వస్తుంది, తద్వారా ఫ్రైడ్ రైస్ అద్భుతంగా తయారవుతుంది.

అంతేకాకుండా, ఫ్రైడ్ రైస్ చేసేటప్పుడు ఇంట్లో వాడే సాధారణ పాన్ సరిపోకపోవచ్చు. దీని కోసం ప్రత్యేకంగా కడాయిలను వాడితే మంచి ఫ్రైడ్ రైస్ తయారవుతుంది. ఇందులో ఉపయోగించే నూనె బాగా వేడెక్కాలి. అలాగే పదార్థాలను కలిపేటప్పుడు అవి పాన్‌లో సులభంగా కదిలేలా ఉండాలి.
మంచి ఫలితాల కోసం కొంచెం పెద్ద ఫ్రై పాన్‌ను ఎంచుకోండి, ఎందుకంటే ఫ్రైడ్ రైస్‌తో పాటు కూరగాయలను కూడా కలపాల్సి ఉంటుంది కాబట్టి పెద్ద పాన్ సౌకర్యంగా ఉంటుంది. అలాగే సాస్‌లను మరీ ఎక్కువగా వాడకండి. కొంతమంది సోషల్ సాస్ ఎక్కువగా వాడితే రుచి వస్తుందని అనుకుంటారు. కానీ దీనివల్ల ఉప్పు ఎక్కువగా అయ్యి, రైస్ స్టిక్కీగా మారుతుంది తప్ప రుచి పెరగదు.

ఫ్రైడ్ రైస్ తయారు చేసేటప్పుడు కొన్ని సువాసన ఇచ్చే పదార్థాలను మర్చిపోకూడదు. అల్లం, వెల్లుల్లి ముక్కలు, స్ప్రింగ్ ఆనియన్స్ కచ్చితంగా వాడాలి. దీనివల్ల మంచి అరోమా, రుచి వస్తుంది. నూనె బాగా వేడెక్కిన తర్వాత వీటిని వేసి, మంచి టెక్స్చర్ కోసం ఎక్కువ సమయం పాటు నాన్-స్టాప్‌గా కలుపుతూ ఉండాలి. అలాగే రైస్‌ను పాన్‌లో టాస్ చేస్తూ ఉండాలి. చివరగా, కట్ చేసిన స్ప్రింగ్ ఆనియన్స్, కొద్దిగా సెసామ్ ఆయిల్, పెప్పర్ వంటివి జోడించడం వల్ల రుచి మరింత పెరుగుతుంది. ఈ చిట్కాలన్నీ పాటిస్తే, మీరు ఇంట్లోనే హోటల్ స్టైల్‌లో పర్ఫెక్ట్ ఫ్రైడ్ రైస్‌ను సులభంగా తయారు చేసుకోవచ్చు, దీనివల్ల బయట కొనుగోలు చేయాల్సిన అవసరం ఉండదు.