ముఖం కాంతివంతంగా మెరిసిపోవాలా? సెలూన్‌ను కూడా మరిపించే 5 బెస్ట్ హోమ్ మేడ్ ఫేస్ ప్యాక్స్!

Glowing Skin Tips: ఎటువంటి సైడ్ ఎఫెక్ట్స్ లేకుండా, అందరి ముందు చంద్రబింబంలా మెరిసే కాంతివంతమైన ముఖం పొందాలంటే ఇంట్లో ఉండే ఈ మూడు వస్తువులను ఉపయోగించండి. దీనివల్ల మీరు ఎలాంటి ఖర్చు లేకుండా, పార్లర్‌కు వెళ్లకుండానే సులభంగా అందమైన ముఖాన్ని పొందవచ్చు. ఇవన్నీ సాధారణంగా మన ఇంట్లోనే అందుబాటులో ఉంటాయి కాబట్టి, మీరు సులభంగా ఫేస్ ప్యాక్‌లను తయారు చేసుకోవచ్చు. వీటి ద్వారా సైడ్ ఎఫెక్ట్స్ లేకుండా సహజంగానే మెరిసే ముఖాన్ని పొందవచ్చు.

పసుపు..
పసుపులో యాంటీ బ్యాక్టీరియల్ గుణాలు ఉంటాయి కాబట్టి దీనిని ముఖానికి ఉపయోగించవచ్చు. ఇది మన కిచెన్‌లో ఎప్పుడూ అందుబాటులో ఉంటుంది, కాబట్టి ప్రత్యేకంగా కొనాల్సిన అవసరం లేదు. ఒక టేబుల్ స్పూన్ పెరుగులో ఒక చిటికెడు పసుపు కలిపి ముఖం, మెడ భాగంలో అప్లై చేసి, అరగంట పాటు ఆరనివ్వండి. ఆ తర్వాత గోరువెచ్చని నీటితో ముఖాన్ని కడుక్కోవాలి. పసుపు చర్మానికి మంచి మెరుపును ఇవ్వడమే కాకుండా, పెరుగు మాయిశ్చరైజర్‌గా పనిచేసి గ్లోయింగ్ స్కిన్‌ను అందిస్తుంది.

శనగపిండి, రోజ్ వాటర్..
శనగపిండి, రోజ్ వాటర్ కూడా సాధారణంగా అందరి ఇంట్లో అందుబాటులో ఉంటాయి. ఎటువంటి సైడ్ ఎఫెక్ట్స్ లేకుండా సహజమైన మెరుపు పొందడానికి ఈ రెండింటినీ కలిపి ముఖం మరియు మెడ భాగంలో అప్లై చేయాలి. వీటితో ఒక మెత్తని పేస్టులా తయారు చేసుకుని ముఖంపై రాసి, అది ఆరిపోయే వరకు ఆగండి. ఇది ముఖంపై ఉండే ఓపెన్ పోర్స్‌ను తగ్గించడమే కాకుండా, అదనపు నూనెను కూడా గ్రహించి ముఖానికి మంచి తాజాదనాన్ని ఇస్తుంది. దీనివల్ల క్రమంగా మీ ముఖం కాంతివంతంగా మారుతుంది.

ముల్తానీ మట్టి..
ముల్తానీ మట్టి, టమాటో ఉపయోగించి కూడా మీ ముఖం మంచి అందాన్ని పొందవచ్చు. ముల్తానీ మట్టితో టమాటో గుజ్జును కలిపి పేస్టులా తయారు చేసుకుంటే అది మంచి నేచురల్ ఎక్స్‌ఫోలియేటర్‌గా పనిచేస్తుంది. ఇది ముఖంపై ఉండే అదనపు నూనెను గ్రహించడమే కాకుండా, ముఖ రంధ్రాలను కూడా తగ్గిస్తుంది.

అరటిపండు..
అరటిపండును తేనెతో కలిపి ఫేస్ ప్యాక్‌లా వేసుకోవడం వల్ల మంచి యాంటీ ఏజింగ్ ప్రయోజనాలు లభిస్తాయి. దీనిని సుమారు 20 నిమిషాల పాటు ఉంచి ఆ తర్వాత ఫేస్ వాష్ చేయండి. అరటిపండులో విటమిన్ ఏ, సి ఉంటాయి. ఇది చర్మానికి మంచి సాగే గుణాన్ని అందిస్తుంది, దీనివల్ల మీరు నిత్య యవ్వనంగా కనిపిస్తారు.

కుంకుమపువ్వు..
మీరు కొంచెం ఖర్చు చేయగలిగితే, కుంకుమపువ్వును తేనెతో కలిపి కూడా ముఖానికి అప్లై చేయవచ్చు. కుంకుమపువ్వు ముఖానికి మంచి రంగును ఇవ్వడమే కాకుండా, పిగ్మెంటేషన్ సమస్యను తగ్గిస్తుంది. గ్లోయింగ్ స్కిన్ పొందడానికి ఈ ప్యాక్ చాలా ఉపయోగపడుతుంది.

వేప..
వేప ముల్తానీ మట్టితో కలిపి వాడితే మొటిమలను తగ్గించవచ్చు. ముల్తానీ మట్టి, రోజ్ వాటర్ మరియు వేప ఆకులను కలిపి పేస్టులా తయారు చేసుకుని ముఖానికి అప్లై చేయండి. వేపలో ఉండే యాంటీ బ్యాక్టీరియల్ గుణాలు బ్యాక్టీరియా పెరగకుండా చేస్తాయి. దీనివల్ల ముల్తానీ మట్టితో పాటు ముఖానికి మంచి మృదువైన చర్మం లభిస్తుంది.(Disclaimer: పాఠకులారా ఈ వ్యాసం కేవలం సాధారణ సమాచారం, సలహాలను మాత్రమే అందిస్తుంది. ఇది ఎంతమాత్రం వృత్తిపరమైన సలహా కాదు. ఈ సమాచారానికి జీ తెలుగు న్యూస్ ఎటువంటి బాధ్యత వహించదు.)