AP School Holiday: అర్నబ్ తుపాన్ బీభత్సం.. ఏపీలోని 10 జిల్లాల్లో రేపు స్కూళ్లకు సెలవులు.!.

School declared holiday in these district in ap due to arnab cyclone: అర్నబ్ తుపాన్ ఏపీని అతలాకుతలం చేసింది. ఈ క్రమంలో ఏపీలో అనేక జిల్లాలు వరద ప్రభావంకు చిగురుటాకుల్లా వణికిపోయాయి. బలమైన ఈదురు గాలులతో రోడ్లపై చెట్లన్ని కూలీపోయాయి.  పలు చోట్ల కరెంట్ స్తంభాలన్ని  నెలకూలాయి. సామాన్య జనజీవనం అంతా అస్తవ్యస్తంగా మారిపోయింది.  సీఎం చంద్రబాబు నాయుడు నిరంతరం అధికారులతో సమీక్ష నిర్వహిస్తు కీలక ఆదేశాలు జారీ చేశారు. గ్రౌండ్ లెవల్ లో ఉండి సహాయక చర్యల్లో అప్రమత్తంగా  ఉండాలన్నారు. మరోవైపు అర్నాబ్ తుపాన్ యానాంకు నైరుతి దిశలో నరసాపురానికి సమీపంలో  తీరం దాటినట్లు వాతావరణ శాఖ తెలిపింది. 

రానున్న ఏడు రోజుల పాటుకూడా భారీ నుంచి అతి భారీ వర్షాలు పడుతాయని వాతావరణ కేంద్రం అలర్ట్ జారీ చేసింది.  ఇప్పటికే రాష్ట్రవ్యాప్తంగా ముఖ్యంగా కోస్తాంధ్ర జిల్లాల్లో భారీ వర్షాలు దంచి కొడతున్నాయి. తీరంవెంబడి గంటకు  110 కిలోమీటర్ల వేగంతో బలమైన ఈదురుగాలులు వీచే అవకాశం ఉందని వాతావరణ  శాఖ అధికారులు తెలిపారు. మరోవైపు ఏపీలోని మరో వారం పాటు వర్షాలు అలర్ట్ నేపథ్యంలో అధికారులు పది జిల్లాలకు స్కూళ్లకు సెలవుల్ని ప్రకటించారు.

అర్నాబ్ నేపథ్యంలో.. అక్టోబరు 29న గురువారం రోజున పది జిల్లాల్లోని స్కూళ్లకు అధికారులు సెలవుల్ని ప్రకటిస్తు ఉత్తర్వులు జారీ చేశారు. విజయ నగరం, అల్లూరి సీతారామారాజు, ఏలూరు, పోలవరం, తూర్పుగోదావరి, పశ్చిమ గోదావరి, కోనసీమ,కృష్ణ, అనకాపల్లి, కాకినాడ జిల్లాల్లోని స్కూళ్లకు అధికారులు సెలవుల్ని ప్రకటిస్తు ఉత్తర్వులు జారీ చేశారు.

అర్నబ్ బాధితులకు ప్యాకేజీ ప్రకటన..

అర్నబ్ తుపాన్  బాధితులకు ఏపీ సీఎం చంద్రబాబు భారీ ప్యాకేజీ ప్రకటించారు. తుపాన్ వల్ల ఇళ్లలోనికి నీళ్లు చేరిన కుటుంబాలకు 25 కేజీల బియ్యం, మత్స్యకారులు మరియు చేనేత కార్మికులకు 50 కేజీల బియ్యం, ప్రతి కుటుంబానికి కేజీ కందిపప్పు, లీటర్ పామాయిల్, కేజీ ఉల్లిపాయలు, కేజీ చక్కెర, కేజీ బంగాళదుంపలు ఉచితంగా పంపిణి చేస్తామని ప్రకటించారు. 

తక్షణ ఖర్చుల కోసం ప్రతి ఒక్క కుటుంబానికి రూ. 1000 నుంచి గరిష్టంగా రూ. 3000 వరకు ఆర్థిక సాయం ప్రకటించారు. తుపాను కారణంగా మరణించిన వారి కుటుంబాలకు రూ. 5 లక్షల ఎక్స్‌గ్రేషియాతో పాటు, పాక్షికంగా ఇల్లు దెబ్బతింటే రూ. 10,000 ఆర్థిక సహాయంను ఏపీ ప్రభుత్వం ప్రకటించింది.