మాజీ సీఎం వైయస్ జగన్ మోహన్ రెడ్డిపై కేసు..

YS Jagan Case: మున్సిపల్ ఎన్నికల కోడ్ ఉల్లంఘించారంటూ విభజిత ఆంధ్ర ప్రదేశ్ ముఖ్యమంత్రి  వై.యస్. జగన్ మోహన్ రెడ్డిపై కేసు నమోదైంది. పులివెందుల అర్బన్ పోలీస్ స్టేషన్లో పోలీసులు  కేసు పెట్టడం గమనార్హం. నవంబర్ 1న పోలింగ్ సందర్భంగా పులివెందుల మున్సిపల్ ఆఫీసు ఎదుట నిబంధనలను ఉల్లంఘించి జగన్ ధర్నా చేశారని ఫిర్యాదు రావడంతో పోలీసులు ఈ నిర్ణయం తీసుకున్నారు. ఎంపీ అవినాశ్ రెడ్డి, మరో 70 మందిపైనా కేసు పెట్టినట్లు తెలుస్తోంది. అయితే ఈ కేసులేవి పట్టించుకునే రకం కాదని జగన్మో హన్ రెడ్డి అభిమానులు చెబుతున్నమాట. ఇలాంటి కేసులు ఆయన ఎన్నో చూసిన విషయాన్ని గుర్తు చేస్తున్నారు.

అంతకు ముందు  కడప జిల్లా పులివెందుల మున్సిపల్‌ ఎన్నికల ఓట్ల లెక్కింపుకు లైన్‌ క్లియర్‌ అయింది. రీపోలింగ్‌కు దాఖలైన పిటిషన్‌ హైకోర్టు డిస్మిస్‌ చేసింది. ఎన్నికల ఓట్ల లెక్కింపును నిలిపివేయాలని కోరుతూ దాఖలైన పిటిషన్ పై హైకోర్టు కొట్టివేసింది.  పులివెందుల మున్సిపాలిటీ పరిధిలో 80 పోలింగ్ బూత్ లకు గాను 70 బూత్‌లలో తమ ఏజెంట్లను టీడీపీ నాయకులు అడ్డుకుని..వైసీపీ మున్సిపల్ చైర్‌పర్సన్ అభ్యర్థి వైఎస్ ప్రమీల, వైఎస్సార్‌సీపీ కడప ఎంపీ వైఎస్ అవినాష్ రెడ్డి పిటిషన్  దాఖలు చేశారు. అధికార పత్రాలు చించేశారని, బోగస్ ఓట్లు వేశారని వైసీపీ ఆరోపించారు. తమ నియోజకవర్గ పరిధిలోని 70 బూత్ లలో రీపోలింగ్ నిర్వహించాలని డిమాండ్ చేసినా అధికారులు కేవలం నాలుగు బూత్ లకు మాత్రమే పరిమితమై పోయారు. అధికారుల నిర్ణయం సరికాదని వైసీపీ నేతలు కోర్టుకు తెలిపారు.

పులివెందుల కౌంటింగ్‌కు హై కోర్టు గ్రీన్ సిగ్నల్.. 
ఇప్పటికే ఈ అంశంపై ప్రధాన పిటిషన్ దాఖలు కాగా దీనికి అనుబంధంగా కడప ‌జిల్లా ఎంపి అవినాష్‌‌రెడ్డి తరఫున మరో పిటిషన్‌ ‌దాఖలు చేశారు. కౌంటింగ్ కొనసాగితే ఫలితాలపై ప్రభావం పడుతుందన్నారు.  విచారణ పూర్తయ్యే వరకు లెక్కింపు ఆపడమే న్యాయసమ్మతమని పిటిషనర్ల తరపు న్యాయవాదులు వాదించారు. సుదీర్ఘ వాదనల అనంతరం తీర్పును హైకోర్టు రిజర్వ్ చేసింది. ఇవాళ ఉదయం రీపోలింగ్‌కు దాఖలైన పిటిషన్‌ను డిస్మిస్‌ చేస్తూ హైకోర్టు ఉత్తర్వులు ఇచ్చింది.

అటు మాజీ మంత్రి అంబటి రాంబాబుకు ఈడీ నోటీసులు జారీ చేసింది.  రేపు విచారణకు హాజరు కావాలని ఆదేశించింది. మద్యం రవాణా టెండర్ల కుంభకోణం కేసు'లో అంబటి రాంబాబుకు ఈడీ నోటీసు ఇవ్వడం గమనార్హం.