Snake Video: మహాఅద్భుతం.. శివలింగంను చుట్టు పడగవిప్పిన మూడు నాగుపాములు.. వీడియో..

Three cobras were spotted at the shiva lingam in Nellore: ఇటీవల పాములు ఎక్కువగా జనావాసాల్లోకి వస్తున్నాయి. ఈ క్రమంలో ఇళ్లలో, గుళ్లలో సైతం  కోబ్రాలు దర్శనమిస్తున్నాయి. అందుకే కోబ్రాలతో అప్రమత్తంగా ఉండాలని నిపుణులు చెబుతున్నారు. ఈ నేపథ్యంలో  నెల్లూరు జిల్లా మనుబోలు చెర్లోపల్లి గేటు వద్ద విశ్వనాథ స్వామి ఆలయంలోకి తెల్లవారుజామున మూడు నాగుపాములు వచ్చాయి. 

శివలింగం చుట్టూ 3 నాగుపాములు.. భక్తుల పరవశం! నెల్లూరు జిల్లా మనుబోలు చెర్లోపల్లి గేటు వద్ద విశ్వనాథ స్వామి ఆలయంలోకి తెల్లవారుజామున మూడు నాగుపాములు వచ్చాయి. శివలింగం ఎదురుగా పడగవిప్పి కాసేపు అక్కడే ఉండటంతో భక్తులు పెద్ద సంఖ్యలో తరలివచ్చారు. ఇటీవల తరచూ పాములు ఆలయంలోకి వస్తుండటంతో పూజారులు సీసీ కెమెరాలు ఏర్పాటు చేశారు.

— greatandhra (@greatandhranews) October 5, 2026

అవి శివలింగం ఎదురుగా పడగవిప్పి కాసేపు అక్కడే ఉండటంతో భక్తులు పెద్ద సంఖ్యలో తరలివచ్చారు. ఉదయం పూట ప్రతి రోజులాగే పూజారీ ఆలయం తలుపులు తీసి చూసే సరికి మూడు పాములు పడగ విప్పి మరీ శివలింగం చుట్టు కూర్చున్నాయి.

 భక్తులు కూడా స్వామి దర్శనం కోసం వచ్చిన  వారు ఈ ఘటన  చూసి భక్తితో పొంగిపోతున్నారు. ముఖ్యంగా సోమవారం రోజు నాగేంద్రుడు, సుబ్రహ్మాణ్యుడు ఈ విధంగా తమకు దర్శన భాగ్యం ఇచ్చారని మాట్లాడుకుంటున్నారు. అయితే.. ఇటీవల తరచూ పాములు ఆలయంలోకి వస్తుండటంతో పూజారులు సీసీ కెమెరాలు ఏర్పాటు చేశారు. దీనిలో పాము కదలికలు స్పష్టంగా రికార్డు అయ్యాయి. ఈ వీడియో ప్రస్తుతం సోషల్ మీడియాలో బాగా వైరల్ గా మారింది.

అయితే గతంలో  నాగుల చవితి రోజున కూడా ఇదే  ఆలయంలో రెండు పాములు శివలింగం చుట్టు పడగ విప్పి నిలబడ్డాయి. మరల ఇప్పుడు మూడు పాములు శివలింగం చుట్టు వచ్చి పడగ విప్పడంతో ఇదంతా దైవమహిమగా భక్తులు భావిస్తున్నారు.