An anonymous devotee donated 121 kg of gold ornaments to Tirumala temple: కలియుగ ప్రత్యక్ష దైవం, భక్తుల కొంగు బంగారం తిరుమలలో శ్రీవారిని దర్శించుకునేందుకు దేశం నలుమూలల నుంచి తరలివస్తారు. స్వామివారి చల్లని చూపు కోసం ఎన్నిగంటలైన క్యూలైన్లలో వేచి ఉంటారు. చాలా మంది తమ మనసులోని కోరికల్ని శ్రీవారితో చెప్పుకొని తీర్చాలంటూ ముడుపులు కడతారు. అవి నెరవేరిన తర్వాత మరల మొక్కులు తీర్చుకునేందుకు తిరుమల కొండకు వస్తారు. కొంత మంది బంగారం లేదా డబ్బులు, కానుకలు,తమకు వచ్చినలాభాల్లో స్వామివారికి ఏదైన తమకు తోచిన రూపంలో శ్రీవారికి ముడుపులు సమర్పించి తమ మొక్కులు తీర్చుకుంటారు.
ఈ క్రమంలో తిరుమలలో ఒక అజ్ఞాత భక్తుడు స్వామి వారికి ఏకంగా 121 కిలోల బంగారంతో చేసిన సుమారు 40రకాల ఆభరాణాల్ని కానుకగా అందజేయనున్నారు. ఏపీ సీఎం చంద్రబాబు సమక్షంలో టీటీడీకి భక్తుడు ఈ కానుకులను అందజేయనున్నాడు.
నవంబర్ 26న స్వామివారికి 121 కేజీల బంగారు ఆభరణాలు సమర్పించే కార్యక్రమంను నిర్వహించనున్నారు. ఈ భరణాల విలువ దాదాపు రూ. 250 కోట్లు ఉంటుందని టీటీడీ అంచనా వేస్తుంది. తిరుమల చరిత్రలోనే ఇది అత్యంత భారీ కానుకగా టీటీడీ ఒక ప్రకటనలో వెల్లడించింది. ఈ భక్తుడి విరాళంపై గతంలోనే స్వయంగా ఏపీ సీఎం చంద్రబాబు ప్రకటన చేసిన విషయం తెలిసిందే.