RK Roja: చంద్రబాబు, పవన్‌ కల్యాణ్‌ భక్తుల కాళ్లు కడిగి.. తిరుమల మెట్లు కడగాలి: రోజా

Tirumala Laddu Ghee Row: 'తిరుమల శ్రీవారి లడ్డూపై సీబీఐ విచారణ కొవ్వు కలవలేదని చాలా స్పష్టంగా చెప్పింది. పవిత్రమైన శ్రీవారి ప్రసాదం ఎలా విషం చిమ్మాలని అనిపించింది. సీబీఐ నెల్లూరు కోర్టులో అనుబంధ ఛార్జిషీట్‌లో ఎక్కడ కొవ్వు కలవలేదని స్పష్టంగా చెప్పింది. అయినా పవన్ కల్యాణ్, చంద్రబాబుకు మనిషి పుట్టుక పుట్టి సిగ్గు తెచ్చుకుని మౌనంగా ఉన్నారు. అసెంబ్లీలో సాక్షిగా కెమికల్స్ కలిశాయని అబద్ధాలు చెప్పలేదా?' అని మాజీ మంత్రి ఆర్‌కే రోజా నిలదీశారు. తిరుమల లడ్డూ గురించి తప్పుగా మాట్లాడిన చంద్రబాబు, పవన్ కల్యాణ్, హోం మంత్రి అనిత రాజీనామా చేయాలని డిమాండ్‌ చేశారు. తిరుమల వెంకటేశ్వర స్వామికి క్షమాపణలు చెప్పాలని కోరారు. వెన్నుపోట్లు, కత్తిపోట్లు, గుండెపోటు, గొడ్డలి పోట్లు చంద్రబాబు అధికారంలో ఉన్నప్పుడు జరిగాయని మాజీ మంత్రి ఆర్‌కే రోజా ఆరోపించారు.

చిత్తూరులో ఏర్పాటుచేసిన బుధవారం మీడియా సమావేశంలో వైఎస్సార్‌సీపీ సీనియర్‌ నాయకురాలు, మాజీ మంత్రి ఆర్‌కే రోజా కూటమి ప్రభుత్వంపై తీవ్ర ఆగ్రహం వ్యక్తం చేశారు. ముఖ్యంగా తిరుమల లడ్డూ వివాదంపై చంద్రబాబు, పవన్‌ కల్యాణ్‌పై విరుచుకుపడ్డారు. తిరుమల లడ్డూ వ్యవహారంలో మాజీ ముఖ్యమంత్రి వైస్ జగన్‌ మోహన్ రెడ్డిపై నిందలు మోపిన వారు బహిరంగ క్షమాపణలు చెప్పాలని ఆర్‌కే రోజా డిమాండ్‌ చేశారు. హెరిటేజ్ అనుబంధ సంస్థ ఇందాపూర్‌కు నెయ్యి టెండర్లు కట్టబెట్టేందుకు నెయ్యిపై విషం చిమ్మారని తెలిపారు. హిందూ భక్తులు కాళ్లు కడిగి.. ఏడుకొండల మెట్లు కడిగి ప్రాయశ్చిత్తం చేసుకోవాలని చంద్రబాబు, పవన్‌ కల్యాణ్‌కు వైఎస్సార్‌సీపీ నాయకురాలు రోజా సూచించారు.

అందరీ కొవ్వు కరిగించే రోజూ దగ్గరలోనే ఉందని కూటమి నాయకులకు మాజీ మంత్రి ఆర్‌కే రోజా హెచ్చరించారు. 'హైదరాబాద్ చిడతలు కొట్టుకుంటూ వచ్చిన మహిళ ఎక్కడ? తప్పుడు ప్రచారం చేసిన చంద్రబాబు, పవన్ కల్యాణ్‌ను నిలదీయాలని కోరారు. హిందూ ధర్మాన్ని, హిందూ మతాన్ని గౌరవించినవాళ్లు అవుతారని పేర్కొన్నారు. మోదీ, పవన్ కల్యాణ్ హిందువులు మనోభావాలు దెబ్బతీసిన వీరిపై క్రిమినల్ కేసులు నమోదు చేయాలని మాజీ మంత్రి రోజా డిమాండ్‌ చేశారు. సుప్రీంకోర్టు సుమోటోగా వీళ్లపై కేసు నమోదు చేయాలని విజ్ఞప్తి చేశారు.

'మిమ్మల్ని చూసి ప్రజలు నవ్వుకుంటున్నారు. టిడిపి,జనసేన గ్రాఫ్ పడిపోయింది, సొంత సర్వేల్లో నిజమైంది. నిరుద్యోగులను నట్టేట ముంచారు, నిరుద్యోగ భృతి లేదు. పవన్ కల్యాణ్ నిరుద్యోగులకు ఉపాధి కల్పించాల్సిన బాధ్యత మీపై ఉంది. మీరు ఒత్తిడి తీసుకోవాలి. యువత పక్కా రాష్ట్రాలకు వలస వెళ్లిపోతున్నారు' అని మాజీ ఎమ్మెల్యే రోజా ఆవేదన వ్యక్తం చేశారు. 'చంద్రబాబు నాయుడు కరువు కవలపిల్లలు అని ఎప్పుడో వైఎస్సార్ చెప్పారు. ఇప్పుడూ అదే జరుగుతుంది' అని మాజీ మంత్రి ఆర్‌కే రోజా తెలిపారు. స్థానిక సంస్థలు ఎన్నికలు నేపథ్యంలో నాటకాలు ఆడుతున్నారని చంద్రబాబుపై మండిపడ్డారు.

'ముఖ్యమంత్రి స్థాయిలో ఉన్న వ్యక్తి వైఎస్ వివేకానంద రెడ్డి హత్య గురించి అబద్ధాలు మాట్లాడుతున్నారు. వివేక హత్యతో వైఎస్‌ జగన్‌ మోహన్ రెడ్డికి సంబంధం లేదని సీబీఐ విచారణలో చాలా స్పష్టంగా చెప్పింది. మీరు ముఖ్యమంత్రిగా ఉన్న సమయంలో ఈ హత్య జరిగింది వాస్తవం కాదా?' అని మాజీ మంత్రి ఆర్‌కే రోజా ప్రశ్నించారు. సీబీఐ విచారణలో వైఎస్ జగన్‌కు ఈ హత్య కేసులో స్పష్టంగా చెప్పిందని గుర్తుచేశారు. సుప్రీంకోర్టులో సునీతతో పిటిషన్ వేయించావో ప్రజలు అందరికి తెలుసని పేర్కొన్నారు.

'హత్యతో సంబంధం ఉన్న వాళ్లతో నిందితులను నువ్వు కాపాడుతున్నది వాస్తవం కాదా? రాజారెడ్డి హత్య కేసుతో, వివేక హత్య నేరస్తులను కాపాడుతుంది నువ్వు కాదా చంద్రబాబు! దస్తగిరి నేనే హత్య చేశానని చెబుతున్నాడు. నీ లాయర్‌ అతడికి వాదిస్తున్నాడు. మీ ఆఫీస్ చుట్టూ దస్తగిరి తిరుగుతున్నది వాస్తవం కాదా? వంగవీటి రంగ హత్య, ఎన్టీఆర్ మృతి వెనుక మీరు లేరా?' అని చంద్రబాబుపై మాజీ మంత్రి రోజా తీవ్ర ఆరోపణలు చేశారు.