వైభవంగా జరిగిన శ్రీవారి సాలకట్ల బ్రహ్మోత్సవాల అంకురార్పణ ఘట్టం..

Salakatla Brahmothsavalu 2026: తిరుమల శ్రీవారి బ్రహ్మోత్సవాలు ఈ యేడాది అధిక మాసం సందర్భంగా రెండు సార్లు జరగనున్నాయి. ఈ సందర్భంగా  బ్రహ్మోత్సవాలు విజయవంతంగా జరగాలని సంకల్పిస్తూ భూమాతకు ప్రత్యేక పూజలు నిర్వహించి నవధాన్యాలను నాటారు. ముందుగా శ్రీవారి సేనాధిపతి శ్రీ విష్వక్సేనులవారిని ఆలయ నాలుగు మాడ వీధుల్లో ఊరేగించారు.. బ్రహ్మోత్సవాల ఏర్పాట్లను స్వయంగా పర్యవేక్షించేలా విష్వక్సేనులవారి ఉత్సవాన్ని నిర్వహించారు.

వైఖానస ఆగమ సంప్రదాయం ప్రకారం శాస్త్రోక్తంగా నిర్వహణ..
ఈరోజు సాయంత్రం తిరుమలకు సీఎం చంద్రబాబు రానున్నారు. శ్రీవారికి పట్టు వస్త్రాలు సమర్పిస్తారు. శ్రీవారి దర్శనం అనంతరం రంగనాయకుల మండపంలో వేదాశీర్వచనం, తీర్థ ప్రసాదాల స్వీకరిస్తారు. పెద్దశేష వాహన సేవలో పాల్గొని హారతి స్వీకరించనున్నారు సీఎం చంద్రబాబు. ఈ రోజు  ఉదయం తిరుమలలో పలు అభివృద్ధి కార్యక్రమాలకు ప్రారంభోత్సవాలు చేస్తారు.

కార్యక్రమంలో పాల్గొన్న పెద్దజీయర్ స్వామి,చిన్న జీయర్ స్వామి..

అనంతరం ఆలయంలోని యాగశాలలో అంకురార్పణ కార్యక్రమం జరిగింది.  భూమాతకు ప్రత్యేక పూజలు నిర్వహించి. పుట్టమన్నుతో నింపిన పాలికల్లో నవధాన్యాలను నాటారు.. వేద మంత్రోచ్ఛారణలు, మంగళవాయిద్యాల నడుమ అంకురార్పణ ఘట్టాన్ని నిర్వహించారు. ఈ రోజు ధ్వజారోహణ కార్యక్రమాన్ని నిర్వహించారు. బ్రహ్మోత్సవాలు ఎలాంటి ఆటంకాలు లేకుండా విజయవంతంగా జరగాలని.. స్వామివారి ఆశీస్సులు లభించాలని సంకల్పిస్తూ ఈ క్రతువును నిర్వహిస్తారు. అంకురార్పణలో నాటిన నవధాన్యాలు బ్రహ్మోత్సవాలు జరిగే తొమ్మిది రోజుల పాటు ప్రత్యేకంగా సంరక్షిస్తారు. ఉత్సవాల చివరి రోజున వీటిని స్వామివారికి సమర్పిస్తారు. ఈ కార్యక్రమంలో తిరుమల పెద్దజీయర్ స్వామి, చినజీయర్ స్వామి, టీటీడీ అధికారులు పాల్గొన్నారు.