• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Telugu
  • వార్తలు
  • ఫోటోలు
  • వీడియోలు
  • ఆంధ్రప్రదేశ్

  • తెలంగాణ

Add Zee Business As A Preferred Source
App
  • Live TV
  • ఆంధ్రప్రదేశ్
  • తెలంగాణ
  • జాతీయం
  • అంతర్జాతీయం
  • క్రీడలు
  • వినోదం
  • జీవనశైలి
  • ఆధ్యాత్మికం
  • జీ తెలుగు న్యూస్
  • /ఆంధ్రప్రదేశ్
  • /విశాఖపట్నం
  • /Diviseema Cyclone 1977: 49 ఏళ్లయినా మానని దివిసీమ గాయం.. మృత్యువు విలయతాండవం చేసిన ఆ కాళరాత్రి ఏం జరిగిందంటే..?

Diviseema Cyclone 1977: 49 ఏళ్లయినా మానని దివిసీమ గాయం.. మృత్యువు విలయతాండవం చేసిన ఆ కాళరాత్రి ఏం జరిగిందంటే..?

Diviseema Cyclone History: 1977 నవంబర్ 19న సంభవించిన దివిసీమ ఉప్పెనకు నేటితో 49 ఏళ్లు. వేలాది మంది ప్రాణాలను బలిగొన్న ఆ జలప్రళయం ఎలా మొదలైంది..? ఆ కాళరాత్రి అసలేం జరిగింది..? పూర్తి వివరాలు ఇలా..

Written ByAshok Krindinti
Published: Nov 19, 2026, 16:06 IST|Updated: Nov 19, 2026, 16:08 IST
joinshare
Diviseema Cyclone 1977: 49 ఏళ్లయినా మానని దివిసీమ గాయం.. మృత్యువు విలయతాండవం చేసిన ఆ కాళరాత్రి ఏం జరిగిందంటే..?
Image Credit: Diviseema Cyclone 1977

About the Author

Ashok Krindinti

Ashok Krindinti

అశోక్‌ క్రిందింటి జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. ఇక్కడ 2022 నుంచి స్పోర్ట్స్, వినోదం, క్రైమ్, రాజకీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో ఏడేళ్లకుపైగా అనుభవం ఉంది.
Read More

ట్రెండింగ్

  • వార్తలు
  • ఫోటోలు
  • వీడియోలు
పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

2

బయట ఫుడ్ తినకపోయినా ఫ్యాటీ లివర్ వస్తోందా? ఇంట్లో చేసే ఈ 5 పొరపాట్లే అసలు కారణమా?

3

Congress: సంక్రాంతి తర్వాత 'ప్రజా బలం' చేపడతాం.. నాయకులు గ్రామాలకు వెళ్లండి: రేవంత్‌ రెడ్డి

4

Revanth Reddy: 'ఎమ్మెల్యేలు అనిరుధ్, రాజగోపాల్ రెడ్డిలను ఈసారి క్షమించేద్దాం: రేవంత్ రెడ్డి

5

Kishan Reddy: రెబల్ స్టార్ ప్రభాస్‌తో భేటీ అయిన కేంద్ర మంత్రి కిషన్ రెడ్డి.. అసలు కారణం ఏమిటంటే..?..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Diviseema Cyclone History: మనదేశ చరిత్రలోనే అత్యంత భయానక ప్రకృతి వైపరీత్యాలలో దివిసీమ ఉప్పెన ఒకటి. ఈ జలప్రళయం సంభవించి నేటికి సరిగ్గా 49 ఏళ్లు పూర్తయ్యాయి. 1977 నవంబర్ 19న బంగాళాఖాతంలో ఏర్పడిన పెను తుఫాను ఆంధ్రప్రదేశ్ తీర ప్రాంతాన్ని.. ముఖ్యంగా కృష్ణా జిల్లాలోని దివిసీమను శ్మశానవాటికగా మార్చేసింది. దశాబ్దాలు గడుస్తున్నా.. ప్రతి ఏటా నవంబర్ నెల వచ్చిందంటే చాలు ఆనాటి చేదు జ్ఞాపకాలు గుర్తుకువచ్చి తీర ప్రాంత ప్రజలు ఇప్పటికీ వణికిపోతున్నారు. ప్రస్తుతం నవంబర్ నెలలో వరుస తుఫాన్ల హెచ్చరికలు వస్తుండటంతో దివిసీమ వాసుల్లో మళ్లీ ఆనాటి భయాందోళనలు మొదలయ్యాయి.

నదీ ప్రవాహంతో కొట్టుకొచ్చిన ఒండ్రుమట్టి మేటలు వేసి ద్వీపాలుగా ఏర్పడటం ప్రకృతి సహజం. అందుకు నిలువెత్తు నిదర్శనమే దివిసీమ. బంగాళాఖాతం తీరాన సుమారు 400 చదరపు కిలోమీటర్ల విస్తీర్ణంలో విస్తరించి ఉన్న ఈ ప్రాంతంలో మరో రెండు చిన్న దీవులు ఉండటం విశేషం. కృష్ణా నది సముద్రంలో కలిసే చోట ఉన్న ఈ సస్యశ్యామల ప్రాంతం, 1977 నాటి పెను ఉప్పెనతో ప్రపంచవ్యాప్తంగా విషాదకర గుర్తింపు పొందింది.

ఆ కాళరాత్రి అసలేం జరిగింది..?

1977 నవంబర్ 19వ తేదీ సాయంత్రం వరకు భీకరంగా వీచిన ఈదురు గాలులు, కుండపోత వర్షం అకస్మాత్తుగా తగ్గుముఖం పట్టాయి. తుఫాను ముప్పు తప్పిందని భావించిన దివిసీమ ప్రజలు ప్రశాంతంగా నిద్రలోకి జారుకున్నారు. కానీ, అది పెను ప్రళయానికి ముందు ఆవరించిన నిశ్శబ్దం అని ఎవరూ ఊహించలేదు. అర్ధరాత్రి దాటాక సముద్రం ఒక్కసారిగా ఉగ్రరూపం దాల్చింది. ఆకాశాన్ని తాకేంత ఎత్తులో ఎగసిపడిన రాక్షస అలలు ఊళ్లకు ఊళ్లనే ముంచెత్తాయి. గాఢ నిద్రలో ఉన్న వేలాది మంది ప్రజలు, పశువులు తేరుకునేలోపే జలసమాధి అయ్యారు. తెల్లవారి చూసేసరికి ఎటు చూసినా హృదయవిదారక దృశ్యాలే కనిపించాయి. తుమ్మ పొదల్లో, తాటి చెట్ల కొమ్మలపై మృతదేహాలు చిక్కుకుని కనిపించాయి. ప్రాణాలతో బయటపడిన వారికి తాగడానికి గుక్కెడు మంచినీరు లేక, ఆకలి దప్పులతో అలమటించాల్సిన దుస్థితి ఏర్పడింది. కుళ్లిపోయిన కళేబరాల దుర్గంధంతో ఆ ప్రాంతమంతా నరకప్రాయంగా మారింది.

ఈ జలప్రళయంలో జరిగిన ప్రాణనష్టం యావత్ దేశాన్ని దిగ్భ్రాంతికి గురిచేసింది. అధికారిక ప్రభుత్వ లెక్కల ప్రకారం ఈ ఉప్పెనలో దాదాపు 10 వేల మందికి పైగా ప్రాణాలు కోల్పోయారు. అయితే అనధికారిక అంచనాలు, స్థానిక ప్రత్యక్ష సాక్షుల కథనాల ప్రకారం మృతుల సంఖ్య 15 వేల నుంచి 20 వేల వరకు ఉండవచ్చని చెబుతారు. కొన్ని గ్రామాల్లో అయితే కుటుంబాలకు కుటుంబాలే తుడిచిపెట్టుకుపోయాయి. ఇక 2.5 లక్షలకు పైగా పశువులు మృత్యువాత పడ్డాయి. దాదాపు 30 లక్షల మంది నిరాశ్రయులయ్యారు. లక్షలాది ఎకరాల్లో పంటలు పూర్తిగా నాశనమయ్యాయి. ప్రాణాలతో బయటపడిన వారికి తాగడానికి గుక్కెడు మంచినీరు లేక, ఆకలి దప్పులతో అలమటించాల్సిన దుస్థితి ఏర్పడింది. ఉప్పునీరు భూముల్లోకి చేరడంతో బావులన్నీ కలుషితమయ్యాయి. కుళ్లిపోయిన మృతదేహాలు, పశువుల కళేబరాల దుర్గంధంతో ఆ ప్రాంతమంతా నరకప్రాయంగా మారింది.

ఈ పెను తుఫాను ప్రస్థానం ఇలా..

1977 నవంబర్ 14న నికోబార్ దీవులకు నైరుతి దిశగా సుమారు 520 కిలోమీటర్ల దూరంలో ఈ తుఫాను వ్యవస్థను ఉపగ్రహాలు తొలిసారి గుర్తించాయి. గంటకు 25 కిలోమీటర్ల వేగంతో పశ్చిమ దిశగా కదులుతూ అదే రోజు తీవ్ర వాయుగుండంగా బలపడింది. మధ్యాహ్నం జాయింట్ టైఫూన్ వార్నింగ్ సెంటర్ (JTWC) తొలి హెచ్చరిక జారీ చేసింది. నవంబర్ 15 ఉదయం 8 గంటల సమయానికి గాలుల వేగం గంటకు 75 కిలోమీటర్లకు చేరుకోవడంతో పూర్తిస్థాయి తుఫానుగా మారింది. అనంతరం వాయువ్య దిశగా గంటకు 7 కిలోమీటర్ల వేగంతో నెమ్మదిగా కదులుతూ సముద్రంలో మరింత శక్తిని పుంజుకుంది. నవంబర్ 16 నాటికి ఇది అత్యంత తీవ్రమైన హరికేన్ స్థాయికి చేరింది.

తుఫాను తీరం వైపు దూసుకొస్తుండటంతో నవంబర్ 17న గాలుల వేగం గంటకు 195 కిలోమీటర్లకు పెరిగింది. కేంద్రంలో బారోమెట్రిక్ పీడనం 948 hPa వద్ద నమోదైంది. నవంబర్ 18 సాయంత్రానికి ఆంధ్రప్రదేశ్ తీరానికి 140 కిలోమీటర్ల దూరంలో కేంద్రీకృతమైన ఈ తుఫాను, గంటకు 205 కిలోమీటర్ల వేగంతో విరుచుకుపడింది. IMD అంచనా ప్రకారం.. తీరం దాటే సమయంలో మూడు నిమిషాల పాటు ఏకంగా గంటకు 230 కిలోమీటర్ల వేగంతో పెను గాలులు వీచాయి. దీంతో ఇది అత్యంత విధ్వంసకరమైన 'సూపర్ సైక్లోనిక్ తుఫాను'గా రికార్డులకెక్కింది. 49 ఏళ్లు గడిచినా, ఆనాటి ప్రకృతి ప్రకోపం మిగిల్చిన ఆనవాళ్లు, ఆత్మీయులను కోల్పోయిన బాధితుల కన్నీటి గాథలు దివిసీమ చరిత్రలో చెరగని ముద్రగా మిగిలిపోయాయి.
 


 

Add Zee News as a Preferred Source
TAGS:
AP News
AP Weather