మహిళలకు భారీ గుడ్ న్యూస్.. ఏకంగా రూ. 3,160 పతనమైన పసిడి ధర.. నేడు సెప్టెంబర్ 27వ తేదీ ధరలివే..!!

Gold Rate Today: భారతదేశంలో పండుగ సీజన్ ప్రారంభమైంది. ప్రజలు దసరా కోసం కొనుగోళ్లు చేస్తున్నారు. సాధారణంగా దసరా, దీపావళి, ధంతేరస్ వంటి పండుగల సమయంలో బంగారం కొనుగోళ్లు ఎక్కువగా ఉంటాయి. ఈ సమయంలో దేశీయ బంగారం ధరలు అనిశ్చితంగా ఉన్నాయి. పశ్చిమ ఆసియాలో ఉద్రిక్తతలు, యూఎస్ ఫెడరల్ రిజర్వ్ వడ్డీ రేట్ల పెంపు, డాలర్ విలువ, బాండ్ల రాబడులు బంగారం ధరలపై ప్రభావం చూపుతున్నాయి. నిన్న భారీగా పెరిగిన బంగారం ధరలు ఈరోజు కొంత ఊరట లభించింది. అయితే, వెండి ధరలు స్థిరంగా ఉన్నాయి. ఈ నేపథ్యంలో, సెప్టెంబర్ 27న హైదరాబాద్, విజయవాడ, విశాఖపట్నం వంటి బులియన్ మార్కెట్లలో బంగారం, వెండి ధరలు ఎలా ఉన్నాయో తెలుసుకుందాం.

గత వారం నుండి దేశీయ మార్కెట్లో బంగారం ధరలు క్రమంగా తగ్గుతూ వస్తున్నాయి. గత వారంలోనే 10 గ్రాముల పసిడి ధర రూ. 3,160 మేర పడిపోయింది. వెండి ధరలు కూడా ఇదే ధోరణిని అనుసరిస్తున్నాయి. అంతర్జాతీయ పరిణామాలు బంగారం ధరలపై గణనీయమైన ప్రభావాన్ని చూపుతున్నాయి. యూఎస్ ఫెడరల్ రిజర్వ్ వడ్డీ రేట్లను పెంచుతుందనే అంచనాలు పెరగడం, యూఎస్ ట్రెజరీ బాండ్లపై రాబడులు పెరగడం వల్ల పెట్టుబడిదారులు బంగారం నుండి తమ పెట్టుబడులను ఉపసంహరించుకుంటున్నారు. అంతేకాకుండా, దేశీయ డిమాండ్ తగ్గడం వల్ల కూడా ధరలు పడిపోయాయి.

ఆదివారం ఉదయం నాటికి, హైదరాబాద్ బులియన్ మార్కెట్లో 10 గ్రాముల 24-క్యారెట్ల గోల్డ్ రేట్ రూ. 1,52,680గా నమోదైంది. అదే సమయంలో 22-క్యారెట్ల పసిడి ధర రూ.1,39,950 వద్ద స్థిరంగా ఉంది. 18-క్యారెట్ల పుత్తడి ధర రూ.1,14,510గా ఉంది. మరోవైపు, ఒక కిలోగ్రాము వెండి ధర రూ.2.50 లక్షల వద్ద స్థిరంగా ఉంది. ఆంధ్రప్రదేశ్,  తెలంగాణ రాష్ట్రాల్లోని విజయవాడ, విశాఖపట్నం, వరంగల్,  తిరుపతి వంటి ప్రధాన నగరాల్లో ధరలు దాదాపు ఒకే విధంగా ఉన్నాయి.