ఒక రోజు ముందుగానే భారత్‌లో ‘అవెంజర్స్: డూమ్స్‌డే’ విడుదల..

Avengers Doomsday Update:  మార్వెల్ స్టూడియోస్ వారు డాక్టర్ డూమ్‌గా రాబర్ట్ డౌనీ జూనియర్, స్టీవ్ రోజర్స్‌గా క్రిస్ ఎవాన్స్  భారతీయ ప్రేక్షకుల ప్రత్యేక శుభాకాంక్షలు తెలియజేశారు. అంతేకాదు ఈ చిత్రాన్ని  అమెరికా కంటే ఒక రోజు ముందుగానే డిసెంబర్ 17న భారత్‌లో విడుదల చేస్తున్నట్టు ప్రకటించారు.  

ఈ చిత్రం ఇంగ్లీష్‌తో పాటు  హిందీ, తమిళం, తెలుగు భాషల్లో ప్రేక్షకుల ముందుకు రానుంది. సినిమా విడుదలకు మరో 50 రోజులు మాత్రమే ఉండటంతో అభిమానుల్లో ఆసక్తి రేకిత్తిస్తోంది. ఈ సందర్భంగా హాలీవుడ్ ప్రముఖ నటులు రాబర్ట్ డౌనీ జూనియర్, క్రిస్ ఎవాన్స్ భారతీయ అభిమానులకు దీపావళి శుభాకాంక్షలు తెలియజేస్తూ ప్రత్యేక వీడియో సందేశాన్ని రిలీజ్ చేశారు. ఈ చిత్రంలో రాబర్ట్ డౌనీ జూనియర్ డాక్టర్ డూమ్‌గా, క్రిస్ ఎవాన్స్ స్టీవ్ రోజర్స్‌గా కనిపించనున్నారు.

వీడియో సందేశంలో వారు మాట్లాడుతూ.. ‘‘నమస్తే ఇండియా! దీపావళి అంటే చీకటి అధ్యాయం ముగిసి, మరో కొత్త అధ్యాయం ప్రారంభం కావడం. ఈ విషయం గురించి మాకు బాగా తెలుసు. అయితే, చీకటి నుంచి వెలుగులోకి వెళ్లడానికి బదులుగా, ఈసారి బహుశా వెలుగు నుంచి చీకటివైపు ప్రయాణం సాగుతుందేమో అని కాస్త ఫన్నీగా సినిమా గురించి చెబుతూ భారతీయులకు అమెరికాలో స్థిరపడ్డ భారతీయ అమెరికన్లకు  దీపావళి శుభాకాంక్షలు తెలియజేశారు. అంతేకాదు త్వరలో‘అవెంజర్స్: డూమ్స్‌డే’లో కలుద్దాం’’ అని చెప్పారు. ఈ సినిమా మిమ్మల్ని ఎంతమాత్రం నిరాశ పరచదన్నారు.

ఈ చిత్రంలో మూడు విభిన్న విశ్వాలకు చెందిన ఫేవరే‌ట్ హీరోలు ఒక ప్రమాదకరమైన పరిస్థితిలో ఎదురెదురుగా నిలవనున్నారు. వారు ఎన్నడూ ఎదుర్కోని అత్యంత భయంకరమైన ముప్పును ఎదుర్కోన్నారు. ఈ నేపథ్యంలో సాగే పోరాటాలు, ఉత్కంఠభరిత సీన్స్ ప్రేక్షకులకు సరికొత్త సినిమాటిక్ ఎక్స్ పీరియన్స్ ను  అందించనున్నాయి.

ఆంథోనీ రుస్సో, జోరుస్సో ద్యయం  ఈ చిత్రాన్ని డైరెక్ట్ చేశార.  కెవిన్ ఫైజ్, లూయిస్ డి'ఎస్పోసిటో, జోనాథన్ ష్వార్ట్జ్ నిర్మిస్తున్నారు. ఈ సినిమాలో రాబర్ట్ డౌనీ జూనియర్, క్రిస్ ఎవాన్స్‌లతో పాటు క్రిస్ హేమ్స్‌వర్త్, పెడ్రో పాస్కల్, పాల్ రూడ్, ఆంథోనీ మాకీ, ఫ్లోరెన్స్ ప్యూ, వెనెస్సా కిర్బీ, ఈబన్ మాస్-బాచ్రాక్, వ్యాట్ రస్సెల్, చానింగ్ టాటమ్, సిము లియు, ఇయాన్ మెక్‌కెల్లెన్, హేలీ అట్వెల్, టామ్ హిడిల్‌స్టన్, జేమ్స్ మార్స్‌డెన్, పాట్రిక్ స్టీవర్ట్, జోసెఫ్ క్విన్, సెబాస్టియన్ స్టాన్, డేవిడ్ హార్బర్, లెటిటియా రైట్ తదితర ప్రముఖ నటీనటులు ముఖ్య పాత్రల్లో నటిస్తున్నారు.

దీపావళి శుభాకాంక్షలతో పాటు అమెరికా కంటే ముందుగానే సినిమా విడుదల కానుండటంతో భారతీయ అభిమానుల్లో ‘అవెంజర్స్: డూమ్స్‌డే’పై అంచనాలు మరింత పెరిగాయి.  మార్వెల్ అభిమానులకు ఈ చిత్రం మరో భారీ సినిమాటిక్ వేడుకగా నిలవనుంది.

డిసెంబర్ 17, 2026న ప్రపంచ వ్యాప్తంగా ప్రేక్షకుల ముందుకు రానున్న ఈ చిత్రం, భారతీయ థియేటర్లలో అదే రోజు ప్రత్యేక ప్రీమియం ఫార్మాట్లతో పాటు మార్వెల్ స్టూడియోస్ అందించే ఇన్ఫినిటీ విజన్ ఫార్మాట్‌లోనూ ప్రదర్శించనున్నారు.