‘DNK’ సినిమా రివ్యూ.. ‘దొంగ నా కొడుకు’ సినిమా ఎలా ఉందంటే..!!

DNK Public Talk: గత కొంత కాలం సోషల్ మీడియాలో తన వీడియోలతో అలరించిన మౌళి హీరోగా నటించిన రెండో చిత్రం ‘డీఎన్‌కే’. లాస్ట్ ఇయర్ ‘లిటిల్ హార్ట్స్‌’ తో మంచి విజయాన్ని అందుకున్న ఇతను.. తాజాగా శ్రీను కంబాల అనే కొత్త దర్శకుడు తెరకెక్కించాడు. మరి ఈ సినిమాతో మౌళి హీరోగా మరో సక్సస్‌ను తన ఖాతాలో వేసుకున్నాడా ? లేదా మన మూవీ రివ్యూలో చూద్దాం.

కథ విషయానికొస్తే..

ఈశ్వర్ (మౌళి) చదువు సరిగా అబ్బదు. దీంతో క్రికెట్ బెట్టింగ్స్, ఆన్ లైన్ జూదాలతో ఈజీ మనీ సంపాదించి కోటీశ్వరుడు కావాలనుకునే టైపు. తల్లిదండ్రులు (అలీ, రజిత)వాడికి ఎంత నచ్చ చెప్పినా చెవికెక్కించుకోడు. ఈ క్రమంలో అతడు దీపు (సుష్మిత శెట్టి) అనే డబ్బున్న అమ్మాయి ప్రేమిస్తాడు. ఆమె కూడా అతన్ని ప్రేమిస్తుంది. దీన్ని అడ్వాంటేజ్‌గా తీసుకొని ఆమె దగ్గర రూ. 10 లక్షలు అత్యవసరం అని డబ్బు తీసుకొని క్రికెట్ బెట్టింగ్‌లో పెట్టి పోగొట్టుకుంటాడు. ఈ విషయం తెలుసుకున్న దీపు తండ్రి (రఘుబాబు) తన బిడ్డ దగ్గర నుంచి తీసుకున్న 10 లచ్చలు కట్టమని చెబుతాడు. కట్టకపోతే తీవ్ర పరిణామాలుంటాయని బెదిరిస్తాడు. పోయిన రూ. 10 లక్షల కోసం ఈశ్వర్ ఏం చేశాడు.. ? చివరకు తనకున్న సమస్యల వలయం నుంచి ఎలా బయటపడ్డాడనేదే ఈ సినిమా స్టోరీ.

కథనం, టెక్నికల్ విషయానికొస్తే..

అల్లరి చిల్లరిగా చదవుకు అబ్బని కుర్రాడు. అతడి ప్రేమలో పడే అమ్మాయి.. అతన్ని నమ్మి కొన్ని డబ్బులు ఇవ్వడం.. బెట్టింగ్‌లో దాన్ని పోగోట్టుకున్న హీరో.. హీరోయిన్ తండ్రి తన డబ్బు తిరిగి ఇవ్వకపోతే తీవ్ర పరిణామాలుంటాయని చెప్పడం.. ఈ క్రమంలో తక్కువ సమయంలో ఎక్కువ డబ్బు సంపాదించడానికి ఎలాంటి ఎత్తులు వేశాడు. ఈ క్రమంలో ఎలాంటి పరిణామాలు చోటు చేసుకున్నాయనేది ఎన్నో సినిమాల్లో అరిగిపోయిన రికార్డే. ఇలాంటి రొటిన్ స్టోరీలను ప్రేక్షకులు ఆకట్టుకునే స్క్రీన్‌ ప్లే‌తోనైనా మెప్పించాలి కదా. దర్శకుడు ఈ విషయంలో రొడ్డ కొట్టుడు స్టోరీ చుట్టి పడేశాడు. ఒక దాని తర్వాత మరొకటి ప్రేక్షకులకు ఊహకు అందేలా సాగడం రొటీన్ అనిపిస్తోంది.

సినీ ఇండస్ట్రీలో మన దర్శక, నిర్మాతలు మొత్తంగా ఏడెమిది కథలనే అటు ఇటు తిప్పి తెరకెక్కిస్తున్నారు. అందులో సినిమాను ఎంత బాగా ప్రేక్షకులకు కనెక్ట్ అయ్యేలా చెప్పారనే దానిపైనే సినిమా విజయం ఆధారపడి ఉంటుంది. ఈ విషయంలో దర్శకుడు నిరాశ పరిచాడు. క్రైమ్ కామెడీని ఏ మాత్రం ఆకట్టుకోలేని పేలమైన స్క్రీన్ ప్లే‌తో నీరసం తెప్పించాడు. దర్శకుడు ఎంచుకున్న పాయింట్ ఓకే కానీ.. దాన్ని చెప్పిన విధానం బాగాలేదు. కామెడీ కోసం ‘గే’ పాత్రను వాడుకోవడం.. డబుల్ మీనింగ్ డైలాగులను నమ్ముకోవడం రొటీన్ అనిపిస్తుంది. మొత్తంగా ఓల్డ్ సూపర్ హిట్ సినిమాల్లోని కొన్ని సీన్స్‌ను తీసుకొని అల్లుకున్నాడు. అన్న ప్రాసన రోజే ఆవకాయ అన్నం తిన్నట్టు మాములు కామెడీ హీరో తనకు తాను ఎక్కువ ఊహించుకొని మాస్ హీరో రేంజ్‌లో ఎలివేషన్స్ రాసుకోవడం బాగాలేదు. ఈ సినిమాలో పాటలు అసలు బాగాలేదు. బ్యాక్ గ్రౌండ్ స్కోర్ పై మంచి శ్రద్ద పెడితే బాగుండేది. కెమెరా వర్క్ బాగుంది. నిర్మాణ విలువులు బాగున్నాయి. ఎడిటింగ్, స్రీన్ ప్లే  పెద్ద మైనస్.

నటీనటుల విషయానికొస్తే..

మౌళి తన కామెడీ టైమింగ్ తో మెప్పించాడు. మాస్ హీరోగా చేసిన సీన్స్ అతిగా అనిపిస్తాయి. కొన్ని సీన్స్‌లో నాచురల్‌గా ఒదిగిపోయాడు. ఇలాంటి తరహా కథలనే మంచి దర్శకులను నమ్ముకుంటే ప్రామిసింగ్ హీరోగా నిలదొక్కుకున్నట్టే. హీరోయిన్ సుష్మితా శెట్టి ఎందుకు పెట్టారో అసలు తెలియదు. అలీ, రజిత తల్లిదండ్రుల పాత్రలో ఒదిగిపోయారు. మిగిలిన నటీనటులకు పెద్దగా నటించే స్కోప్ దక్కలేదు. పెద్దగా ఆకట్టుకోలేకపోయారు.

లాక్కొచ్చే ప్రయత్నం బాగానే చేశాడు కానీ క్యారెక్టరైజేషన్ లో ఆ నాచురాలిటీ మిస్ అవ్వడంతో అంతగా వర్కవుట్ కాలేదు. హీరోయిన్ సుష్మిత శెట్టి పాత్రకు ఎలాంటి ప్రాధాన్యత లేదు, నటన కూడా ఆకట్టుకునేలా లేదు. భద్రం ఒక వెరైటీ కామెడీ విలన్ రోల్ లో కనిపించినా అతనికి ఆ పాత్ర సెట్ కాలేదు. రఘుబాబు, అలీ, రజిత, ప్రియ లాంటి సీనియర్ ఆర్టిస్టులు ఉన్నా వాళ్ళ పాత్రలు కూడా రొటీన్ గానే సాగుతాయి. స్క్రీన్ మీద కనిపించే ప్రతి ఆర్టిస్ట్ లౌడ్ గా కనిపించారు.

బ్యాటమ్ లైన్: DNK బిల్డప్ ఎక్కువ.. బిజినెస్ తక్కువ..

రేటింగ్: 2.25/5