SOCIAL MEDIA

Newsletter

PARTNER SITES
Select Language Select State

Hanuman 2 Vaisshnav Tej: 'హనుమాన్' సీక్వెల్‌పై బిగ్ ట్విస్ట్.. ప్రశాంత్ వర్మకు పోటీగా ఆ నిర్మాతలు మరో సినిమా! హీరో ఎవరంటే?

Hanuman 2 Vaisshnav Tej Announcement: తెలుగులో సూపర్ హిట్‌గా నిలిచిన 'హనుమాన్' సినిమాకు మరో సీక్వెల్ ప్రకటించడంతో టాలీవుడ్‌లో ఆసక్తికర చర్చ మొదలైంది. 'హనుమాన్' నిర్మించిన ప్రైమ్‌షో ఎంటర్‌టైన్‌మెంట్ సంస్థ ఇప్పుడు 'హనుమాన్ 2-వానరుల ఉదయం' సినిమాను రూపొందించనుంది. ఇందులో పంజా వైష్ణవ్ తేజ్ హీరోగా, వీఐ ఆనంద్ దర్శకత్వంలో తెరకెక్కనుంది. అయితే ఇప్పుడీ రెండు సినిమాల పోటీపై అంతర్గత పోరును తెలియజేస్తుంది.

Written By Harish Darla
Published: Nov 21, 2026, 12:29 IST | Updated: Nov 21, 2026, 12:34 IST
Join

Hanuman 2 Vaisshnav Tej Announcement: టాలీవుడ్‌లో సూపర్ హిట్ మూవీ 'హనుమాన్' పేరుతో మరో కొత్త సినిమా ప్రకటన వెలువడటంతో సినీ ప్రేక్షకుల్లో ఆసక్తి పెరిగింది. మెగా హీరో పంజా వైష్ణవ్ తేజ్ కథానాయకుడిగా, దర్శకుడు వీఐ ఆనంద్ కాంబినేషన్‌లో 'హనుమాన్ 2 - వానరుల ఉదయం' తెరకెక్కనున్నట్లు ప్రైమ్‌షో ఎంటర్‌టైన్‌మెంట్ వెల్లడించింది. ఈ ప్రకటనతో హనుమాన్ సినిమాకు సంబంధించిన సీక్వెల్ ఏది? ప్రశాంత్ వర్మ తెరకెక్కిస్తున్న జై హనుమాన్‌తో దీనికి సంబంధం ఉందా? అనే ప్రశ్నలు అభిమానుల్లో మొదలయ్యాయి.

వైష్ణవ్ తేజ్, వీఐ ఆనంద్ కొత్త కాంబినేషన్
'హనుమాన్' సినిమాను నిర్మించిన ప్రైమ్‌షో ఎంటర్‌టైన్‌మెంట్ సంస్థ తాజాగా మరో ప్రతిష్టాత్మక ప్రాజెక్టును ప్రకటించింది. ఈ కొత్త చిత్రంలో వైష్ణవ్ తేజ్ ప్రధాన పాత్రలో నటించనుండగా, వీఐ ఆనంద్ దర్శకత్వ బాధ్యతలు చేపట్టనున్నారు. 'హనుమాన్ 2 -వానరుల ఉదయం' అనే ఆసక్తికరమైన టైటిల్‌ను ప్రకటిస్తూ, హనుమాన్ వారసత్వాన్ని మరింత విస్తృతమైన కథతో ముందుకు తీసుకెళ్తామని నిర్మాణ సంస్థ వెల్లడించింది.

ఈ ప్రాజెక్టు కోసం వైష్ణవ్ తేజ్, వీఐ ఆనంద్ కలయిక కొత్తగా ఉండటంతో అభిమానుల్లో అంచనాలు మొదలయ్యాయి. అయితే సినిమా కథ, ఇతర నటీనటులు, షూటింగ్ ప్రారంభ తేదీ, విడుదల తేదీ వంటి వివరాలను ఇంకా వెల్లడించాల్సి ఉంది.

ప్రశాంత్ వర్మ 'జై హనుమాన్‌'తో గందరగోళం
ఇదిలా ఉండగా, 'హనుమాన్' చిత్ర దర్శకుడు ప్రశాంత్ వర్మ ఇప్పటికే 'జై హనుమాన్' సినిమాను ప్రకటించారు. ఈ ప్రాజెక్టులో రిషబ్ శెట్టి ప్రధాన పాత్రలో నటిస్తున్నట్లు ప్రచారం, ప్రకటనలు వెలువడ్డాయి. గతంలో హనుమాన్ చిత్ర నిర్మాతలు, దర్శకుడు ప్రశాంత్ వర్మ మధ్య ఆర్థిక అంశాలకు సంబంధించి విభేదాలు వచ్చినట్లు కథనాలు పేర్కొన్నాయి.

దీంతో ఇప్పుడు ప్రైమ్‌షో ఎంటర్‌టైన్‌మెంట్ ప్రకటించిన 'హనుమాన్ 2', ప్రశాంత్ వర్మ తెరకెక్కిస్తున్న 'జై హనుమాన్' సినిమాలు వేర్వేరు ప్రాజెక్టులా అనే చర్చ మొదలైంది. రెండు సినిమాలపై అధికారికంగా మరిన్ని వివరాలు వెల్లడైతే వాటి కథలు, నిర్మాణ నేపథ్యం, 'హనుమాన్' సినిమాతో సంబంధం గురించి స్పష్టత వచ్చే అవకాశం ఉంది. అప్పటివరకు ఈ రెండు ప్రాజెక్టులపై ప్రేక్షకుల్లో ఆసక్తి కొనసాగనుంది.

Add Zee News as a Preferred Source
TAGS:

About the Author

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నాకు 8 ఏళ్ల అనుభవం ఉంది. ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నాను. గతంలో ప్రముఖ మీడియా సంస్థల్లో పనిచేశాను.
Read More

ZEENEWS TRENDING STORIES