ఆసక్తి రేకిస్తోన్న ‘జయహో రామానుజ’ ట్రైలర్.. 24న వరల్డ్ వైడ్‌గా రిలీజ్..

Jayaho Ramanuja Release Date: రామానుజ చార్యుల  జీవిత చరిత్రపై తెలుగులో పలు చిత్రాలు, ధారావాహికలు  వచ్చాయి. ఈ నేపథ్యంలో రామానుజచార్యుల జీవిత చరిత్రపై ‘జయహో రామానుజ’అనే మరో  మూవీ రాబోతుంది. తాజాగా ఈ సినిమాకు సంబంధించిన ట్రైలర్‌ లాంఛ్ గ్రాండ్‌గా జరిగింది. ఈ చిత్రంలో లయన్ డాక్టర్ సాయి వెంకట్  ఈ సినిమాలో టైటిల్ రోల్ రామానుజ చార్యుల వేషంతో పాటు శ్రీ మహావిష్ణువుకు సంబంధించిన పలు అవతారాల్లో విభిన్న పాత్రల్లో  కనువిందు చేయనున్నారు. ఈయనే డైరెక్ట్ చేస్తున్నారు.

సుదర్శనం ప్రొడక్షన్స్ లో సాయిప్రసన్న, ప్రవళ్లిక ఎక్కడా కాంప్రమైజ్ కాకుండా నిర్మిస్తున్నారు. అమెరికా నటి జో శర్మ కథానాయికగా నటించారు. సీనియర్ హీరో సుమన్, ప్రవళ్లిక ఇతర కీలక పాత్రల్లో కనిపించనున్నారు. ఈ నెల 24న "జయహో రామానుజ" సినిమా వరల్డ్ వైడ్ గ్రాండ్‌గా రిలీజ్ చేస్తున్నట్టు ప్రకటించారు. రీసెంట్‌గా ఈ సినిమాకు సంబంధించిన  ట్రైలర్ లాంఛ్ ఈవెంట్ ను హైదరాబాద్ లో ఘనంగా నిర్వహించారు.

ఈ కార్యక్రమంలో హీరో, డైరెక్టర్ లయన్ సాయి వెంకట్ మాట్లాడుతూ - సినిమా ఇండస్ట్రీలో పాతికేళ్ల సినీ ప్రయాణం తనదని గుర్తు చేసుకున్నారు.  మొదటి సినిమా హీరో సుమన్. ఆయన ఇప్పటికీ అలుపెరుగక సినీ ప్రయాణం కొనసాగిస్తున్నారు.  "జయహో రామానుజ" చిత్రంలో మంచి క్యారెక్టర్ చేశారు. ఆధ్యాత్మిక విప్లవకారుడు రామానుజాచార్యుల జీవిత కథతో ఈ సినిమాను ఎంతో వ్యయప్రయాసలకు ఓర్చి తెరకెక్కించిన విధానాన్ని ఈ సందర్భంగా గుర్తు చేసుకున్నారు.  గొప్ప సినిమాలను ప్రజలు తండోపతండాలుగా థియేటర్స్ కు వెళ్లి చూస్తుంటారు. మా సినిమాకు కూడా అలాంటి ఆదరణే దక్కుతుందనే ఆశాభావం వ్యక్తం చేశారు. ఈ చిత్రాన్ని  డబ్బుల కోసం తీయలేదన్నారు.  రామానుజాచార్యుల వారి గొప్ప కథను ఈ తరం వారికి చూపించాలని ప్రయత్నంలో భాగంగా ఈ చిత్రాన్ని నిర్మించామన్నారు. టెక్నికల్ గా మంచి క్వాలిటీతో మా సినిమా ప్రేక్షకుల ముందుకు ఈ నెల 24న తీసుకొస్తున్నట్టు చెప్పారు.

నటి, ప్రొడ్యూసర్ ప్రవళ్లిక మాట్లాడుతూ - "జయహో రామానుజ" సినిమాను నిర్మించే అవకాశం రావడం తన పూర్వజన్మ సుకృతం అన్నారు.  అందుకు మా నాన్నకి  థ్యాంక్స్ చెబుతున్నా. ఈ సినిమాలో నిర్మాణ బాధ్యతల వహిస్తూనే పాటు కృష్ణుడు, నారదుడు, రఘునాథస్వామి పాత్రల్లో నటించాను. ఈ తరం ప్రేక్షకులకు రామానుజాచార్యుల వారి గొప్పదనం తెలియాలనే ఉద్దేశ్యంతో ఈ చిత్రాన్ని రూపొందించాము.  ఆయన జీవితం నుంచి మనం నేర్చుకోవాల్సింది ఎంతో ఉందని నమ్మి ఈ సినిమాను నిర్మించిన విషయాన్ని ప్రస్తావించారు.

నటుడు సుమన్ మాట్లాడుతూ - ఈ సినిమా గురించి సాయి వెంకట్  చెప్పినప్పుడు చాలా కష్టంతో కూడుకున్న మూవీ కదా అన్నాను. ఆయన మేము ఈ సినిమాను నిర్మించాలని లక్ష్యంగా పెట్టుకున్నట్టు  చెప్పారు. ఆయన చాలా కన్విక్షన్ తో ఈ సినిమాను రూపొందించారు. ఈ సినిమాలో మంచి క్యారెక్టర్ చేసే అవకాశం దక్కింది. మన దేశంలో ఎన్నో మతాలు, కులాలు, వర్గాలు ఉన్నాయి. అయినా మనమంతా కలిసే ఉంటున్నాం. ఈ భావనకు మొదట కృషి చేసింది రామానుజాచార్యులవారు. మనమంతా ఒక్కటే అని ఆయన చెప్పిన గొప్ప మాటలు మనల్ని ఇప్పటికీ ఐక్యంగా నడిపిస్తున్నాయన్నారు. ఈ సినిమా మీ ఫ్యామిలీతో కలిసి సంతోషంగా చూడండి పిలుపునిచ్చారు.  రామానుజాచార్యులవారి గొప్పదనం ఏంటో ఈ సినిమా చూస్తే తెలుస్తుందన్నారు.