SOCIAL MEDIA

Newsletter

PARTNER SITES
Select Language Select State

Mammootty Vs Dulquer Salmaan: మమ్ముట్టి వర్సెస్ దుల్కర్ సల్మాన్.. ఒకేరోజు తండ్రీకొడుకుల సినిమాలతో బాక్సాఫీసు ఫైట్..

Mammootty Dulquer Salmaan Box Office Clash: దక్షిణాది సినీ పరిశ్రమలో అరుదైన బాక్సాఫీస్ పోటీకి రంగం సిద్ధమవుతోంది. మలయాళ మెగాస్టార్ మమ్ముట్టి, ఆయన కుమారుడు దుల్కర్ సల్మాన్ నటించిన సినిమాలు నవంబర్ 20న విడుదల కానున్నట్లు సమాచారం. దుల్కర్ తెలుగు చిత్రం 'ఆకాశంలో ఒక తార', మమ్ముట్టి తమిళ చిత్రం 'O.M' ఒకే రోజున థియేటర్లలో సందడి చేయనున్నాయి.

Written By Harish Darla
Published: Nov 16, 2026, 13:08 IST | Updated: Nov 16, 2026, 13:37 IST
Join

Mammootty Dulquer Salmaan Box Office Clash: సినీ పరిశ్రమలో ఒకే రోజు పలు సినిమాలు విడుదల కావడం సాధారణమే. కానీ ఒకే కుటుంబానికి చెందిన తండ్రీకొడుకులు వేర్వేరు భాషల్లో నటించిన చిత్రాలతో ఒకే తేదీన ప్రేక్షకుల ముందుకు రావడం మాత్రం ఆసక్తికరమైన పరిణామం. మలయాళ సినీ పరిశ్రమకు చెందిన మెగాస్టార్ మమ్ముట్టి, ఆయన కుమారుడు దుల్కర్ సల్మాన్ నవంబర్ 20న బాక్సాఫీస్ వద్ద పోటీ పడనున్నట్లు వార్తలు వినిపిస్తున్నాయి.

దుల్కర్ సల్మాన్ ప్రస్తుతం తెలుగు ప్రేక్షకుల్లోనూ మంచి గుర్తింపు సంపాదించుకున్నారు. ఆయన నటిస్తున్న 'ఆకాశంలో ఒక తార' చిత్రానికి పవన్ సాధినేని దర్శకత్వం వహిస్తున్నారు. వైజయంతి మూవీస్, గీతా ఆర్ట్స్ సంస్థలు సంయుక్తంగా నిర్మిస్తున్న ఈ సినిమాపై ఇప్పటికే ఆసక్తి నెలకొంది. ఈ చిత్రం నవంబర్ 20న థియేటర్లలో విడుదల కానుంది.

ఆసక్తికరమైన విషయం ఏమిటంటే? ఇదే తేదీన తమిళ నటుడు ధనుష్ హీరోగా.. మమ్ముట్టి స్పెషల్ రోల్‌లో నటించిన తమిళ చిత్రం 'O.M' కూడా ప్రేక్షకుల ముందుకు రానుంది. ధనుష్ ప్రధాన పాత్రలో నటిస్తున్న ఈ చిత్రానికి 'అమరన్' ఫేమ్ రాజ్‌కుమార్ పెరియసామి దర్శకత్వం వహిస్తున్నారు. ఇందులో మమ్ముట్టి కీలక పాత్ర పోషిస్తున్నారు. గ్యాంగ్‌స్టర్ నేపథ్యంతో రూపొందుతున్న ఈ సినిమా కోలీవుడ్‌లో ఆసక్తిని పెంచుతోంది.

ఈ రెండు సినిమాలు వేర్వేరు భాషల్లో విడుదలవుతున్నప్పటికీ, తమిళ 'O.M' చిత్రం తెలుగులో డబ్బింగ్ వెర్షన్ విడుదల కానుంది. ఒకే కుటుంబానికి చెందిన ఇద్దరు నటులు ఒకే రోజు బాక్సాఫీస్‌ను పలకరించనుండటం ప్రత్యేక ఆకర్షణగా మారింది. దుల్కర్ తెలుగు ప్రేక్షకులను ఆకట్టుకునేందుకు సిద్ధమవుతుండగా, మమ్ముట్టి తమిళ ప్రేక్షకుల ముందుకు రానున్నారు.

అయితే ఈ పోటీని నేరుగా తండ్రీకొడుకుల మధ్య పోరుగా చూడటం కంటే, రెండు భాషల్లో రెండు సినిమాలకు ఎదురయ్యే ప్రేక్షకాదరణగా చూడాలి. నవంబర్ 20న విడుదలైన తర్వాత తొలి రోజు స్పందన, ప్రేక్షకుల అభిప్రాయాలు, థియేటర్ల ఆక్యుపెన్సీ, వసూళ్లు ఎవరి సినిమాకు ఎక్కువ ఆదరణ లభించిందో నిర్ణయించనున్నాయి. ఈ అరుదైన విడుదల తేదీ సినీ అభిమానుల్లో ఆసక్తిని పెంచుతోంది.

Add Zee News as a Preferred Source
TAGS:

About the Author

దార్ల హరీశ్.. జీ తెలుగు న్యూస్‌లో సీనియర్ కంటెంట్ ఎడిటర్‌గా పనిచేస్తున్నాను. నాకు 8 ఏళ్ల అనుభవం ఉంది. ఎంటర్‌టైన్మెంట్, బిజినెస్, టెక్నాలజీ, హెల్త్, క్రీడలు, రాజకీయాలు వంటి వాటికి సంబంధించిన వార్తలు రాస్తున్నాను. గతంలో ప్రముఖ మీడియా సంస్థల్లో పనిచేశాను.
Read More

ZEENEWS TRENDING STORIES