Peddi Vs The Paradise: మెగా ఫ్యామిలీపై ఎందుకంత ఏడుపు? 'పెద్ది' Vs 'ది ప్యారడైజ్'..టాలీవుడ్‌లో ద్వంద వైఖరికి పరాకాష్ట!

Peddi Vs The Paradise Glamour Show: తెలుగు చిత్ర పరిశ్రమలో మెగాస్టార్ చిరంజీవి కుటుంబంపై నిరంతరం వస్తున్న విమర్శలు, సోషల్ మీడియా మాధ్యమాలలో సాగుతున్న దుష్ప్రచారం తీవ్రమైన చర్చకు దారితీస్తున్నాయి. ఈ కుటుంబానికి చెందిన ఏ హీరో సినిమా వెండితెరపైకి వచ్చినా, హఠాత్తుగా సమాజంలో రకరకాల భావోద్వేగాలు, మనోభావాలు తీవ్రస్థాయికి చేరుకోవడం ఒక గమనించదగ్గ విషయంగా మారింది.

'పెద్ది' సినిమాలో అలా.. 
ఇటీవల రామ్ చరణ్ కథానాయకుడిగా రూపొందిన 'పెద్ది' చిత్రం విడుదల సమయంలో, సోషల్ మీడియా రివ్యూవర్లు హీరోయిన్ జాన్వీ కపూర్ పాత్రను, కొన్ని సన్నివేశాల్లో అశ్లీలంగా ఉన్నాయంటూ, తీవ్రంగా తప్పుబడుతూ పెద్ద దుమారమే రేపారు. అంతేకాకుండా, ఆ సమయంలో టికెట్ ధరలను పెంచడానికి వీల్లేదని తెలంగాణ ఎగ్జిబిటర్ల సంఘం హెచ్చరికలు జారీ చేసింది.

'ప్యారడైజ్' సినిమాలో ఇలా!
అయితే,భారీ అంచనాల నడుమ విడుదలైన 'ది ప్యారడైజ్' చిత్రానికి భారీగా టికెట్ ధరలు పెంచినప్పటికీ, అదే ఎగ్జిబిటర్ల సంఘం స్పందించకుండా మౌనం వహించడం ద్వంద్వ ప్రమాణాలకు పరాకాష్టగా నిలిచింది. అలాగే, 'ది ప్యారడైజ్' చిత్రంలో పరిమితికి మించిన హీరోయిన్  కయాడు లోహార్ శృంగార, చుంబన సన్నివేశాలు ప్రదర్శితమైనా, గతంలో 'పెద్ది' చిత్రాన్ని విమర్శించిన విమర్శకులు ఇప్పుడు పెదవి విప్పకపోవడం వెనుక గొప్ప కుట్ర దాగి ఉందనే బలమైన అనుమానాలు వ్యక్తమవుతున్నాయి.

ఇలాంటి లక్ష్యపూర్వక దాడులు కేవలం ఒక్క సినిమాతో ముగిసిపోవడం లేదు. మెగా కుటుంబం నిర్మించే చిత్రాలపై అహర్నిశలూ ద్వేషభరిత ట్రోల్స్ చేయడం సోషల్ మీడియాలో సాధారణ విషయమైపోయింది. టాలీవుడ్‌లో ఏ చిన్న అవాంఛనీయ ఘటన తలెత్తినా, ఏదైనా సినిమా పరాజయం పాలైనా, లేదా ఇతర వివాదాలు తలెత్తినా, వాటన్నింటినీ చిరంజీవి కుటుంబానికి ఆపాదిస్తూ ప్రచారం చేయడం కొందరికి అలవాటుగా మారింది. కేవలం ఒకే కుటుంబం లక్ష్యంగా జరుగుతున్న ఈ నెగెటివ్ క్యాంపెయిన్ వెనుక సినీ, రాజకీయ రంగాలకు చెందిన శక్తివంతమైన వర్గాల ప్రమేయం ఉందనే వాదనలు విస్తృతంగా వినిపిస్తున్నాయి.

సాధారణ ప్రేక్షకులు చలనచిత్రాలను కేవలం వినోద సాధనంగా పరిగణించాలని భావిస్తున్నప్పటికీ, కొందరు కావాలనే మెగా ఫ్యామిలీపై కక్ష సాధింపు చర్యలకు పాల్పడుతున్నారని మెగా అభిమానులు తీవ్ర ఆందోళన, ఆవేదన వ్యక్తం చేస్తున్నారు. అయినప్పటికీ, ఎంతటి దుష్ప్రచారాలు సాగినా అంతిమంగా ప్రేక్షకుల అభిమానం, ఆదరణే అసలైన బలమని విశ్వసిస్తూ, మెగా అభిమానులు ఇలాంటి వ్యతిరేక ప్రచారాలను ఎప్పటికప్పుడు సమర్థవంతంగా తిప్పికొడుతున్నారు.

(గమనిక: ఇక్కడ పేర్కొన్న సమాచారం కేవలం సమాజంలో ప్రతిబింబిస్తున్న సంఘటనల ఆధారం రచయిత విశ్లేషిస్తూ భావం వ్యక్తపరచడమైనది. ఇది ఏ సినిమాపై వ్యతిరేక వ్యక్తం చేయడం లేదు. సమాజంలో జరుగుతోన్న విద్వేషాలను రెచ్చగొచ్చగొట్టే కొందరి కుట్రను బహిర్గతం చేయడం మాత్రమే. దీన్ని జీ తెలుగు న్యూస్ ధ్రువీకరించడం లేదు.)