వకీల్‌సాబ్‌గా సునీల్.. మరో విలక్షణ పాత్రలో మర్యాద రామన్న..

Sunil New Avatar As Vakeelsaab: లోమేష్‌ పుడిపెద్ది కథానాయకుడిగా.. జయశ్రీ‌ కథానాయికగా నటిస్తోన్న చిత్రం ‘డ్యూడేట్’. కోర్టు డ్రామా నేపథ్యంలో తెరకెక్కుతోంది. ఈ సినిమాలో ప్రణీత పట్నాయక్, విజ్ఞానిలు ఇతర  ముఖ్యపాత్రల్లో నటిస్తున్నారు. వరిష్‌ స్టూడియోస్‌ పతాకంపై పవన్‌ తరిగోపుల, ఏలూరు శ్రీను నిర్మాతలుగా ఈ చిత్రాన్ని ఎక్కడా కాంప్రమైజ్ కాకుండా నిర్మిస్తున్నారు.  ఆనంద్‌.కె. దర్శకత్వం వహిస్తున్నారు. రీసెంట్‌గా పూజా కార్యక్రమాలతో ఈ సినిమా లాంఛనంగా ప్రారంభమైంది. అంతేకాదు ఈ మూవీ రెగ్యులర్‌ షూటింగ్‌ గత కొన్ని రోజులుగా  హైదరాబాద్‌లో కంటిన్యూస్‌గా  జరుగుతోంది.

తొలి షెడ్యూల్‌లో ఇంపార్టెంట్ సీన్స్‌ను పిక్చరైజ్ చేశారు మేకర్స్. రీసెంట్‌గా  కమెడియన్‌ కృష్ణభగవాన్‌ 'డ్యూ డేట్‌' షూటింగ్‌లో జాయిన్‌ అయ్యారు. అంతేకాదు ఈ చిత్రంలో క్రూషియల్ పాత్రలో కనిపించనున్నారు. చాలా గ్యాప్  తరువాత కృష్ణ భగవాన్‌ ఈ చిత్రంలో ఓ మంచి క్యారెక్టర్‌లో కనిపించనున్నారు. ఆయన పాత్ర ప్రేక్షకులకు మంచి వినోదాన్ని పంచే అవకాశాలున్నాయి. కాగా తాజాగా ఈ సినిమా షూటింగ్‌లో నటుడు సునీల్‌ జాయిన్‌ అయ్యారు.

ఈ చిత్రంలో సునీల్‌ వకీల్‌సాబ్ ‌ పాత్రలో నటిస్తున్నాడు. ఆయన కెరీర్‌ల్‌ ఇదొక డిఫరెండ్‌ క్యారెక్టర్‌గా నిలిచిపోనున్నట్టు మేకర్స్ చెబుతున్నారు.  ఈ సందర్భంగా నిర్మాతలు మాట్లాడుతూ ఈ చిత్రంలో నటుడు సునీల్‌ పవర్‌ఫుల్‌ లాయర్‌ శేఖర్‌ చంద్రగా కనిపించబోతున్నాడట. ఈయన క్యారెక్టర్  ఈ చిత్రానికి  పెద్ద ఎస్సెట్‌గా ఉండనుంది. ప్రజెంట్‌ సొసైటీలో జరగుతున్న  బర్నింగ్‌ ఇష్యూ ఆధారంగా అల్లుకున్న ఈ కమర్షియల్‌ కోర్ట్‌ రూమ్‌ డ్రామాగా రాబోతుంది.

కోర్టు ఇచ్చే డేట్‌ల ఆధారంగా ఈ సినిమాకు ‘డ్యూ డేట్’ అనే పేరు ఖరారు చేశారు. ఆద్యంతం ఎంతో ఆసక్తికరంగా ఉత్కంఠభరితంగా ఉంటుంది. ప్రతి మనిషి, ప్రతి నెలా గుర్తుపెట్టుకునే డ్యూ డేట్‌ చుట్టు పూర్తి కమర్షియల్ ఎలిమెంట్స్‌తో ఈ సినిమా రాబోతుంది.  టైటిల్‌ దగ్గర నుంచి సినిమాలోని ప్రతి అంశం ప్రేక్షకులకు కొత్తదనంతో పాటు ప్రేక్షకులకు  పూర్తి సంతృప్తిని కలిగించే కథ, కథనాలు ఈ చిత్రంలో ఉండనున్నాయి. ఈ చిత్రం ప్రేక్షకులకు ఎంటర్‌టైన్‌మెంట్‌ను అందించండతో పాటు  అందరిని ఆలోచింపజేస్తుందని చెప్పుకొచ్చారు.  

ఈ చిత్రంలో లోమేష్‌ పుడిపెద్ది, జయశ్రీ‌ హీరోయిన్లుగా నటిస్తున్నారు. సునీల్, కృష్ణ భగవాన్,  ప్రణీత పట్నాయక్, విజ్క్షాని, అక్షర గౌడ   తదితరులు నటిస్తున్నారు.  ఈ చిత్రానికి జవ్వాడి నాయుడు ఆర్ట్ అందిస్తున్నారు. హరీష్‌ మీనన్‌ మాటలు,సత్య గిడుటూర్ ఎడిటర్‌గా బాధ్యతలు నిర్వహిస్తున్నారు. చెంచు జింక డైరెక్టర్ ఆఫ్ ఫోటోగ్రఫీ అందిస్తుండగా.. పవన్‌ తరిగోపుల, ఏలూరు శ్రీను నిర్మాతలుగా  ఆనంద్‌.కె. దర్శకత్వంలో ఈ సినిమా తెరకెక్కుతోంది.