తరుణ్ భాస్కర్ పెళ్లిపై హింట్ ఇచ్చిన తల్లి .. ఈషా రెబ్బపై ఎమోషనల్ ..
Tharun Bhascker Eesha Rebba Marriage: టాలీవుడ్ నటీనటులు ఒకరినొకరు ప్రేమించుకొని పెళ్లి చేసుకోవడం కన్నాంబ కాలం నుంచి ఉన్నదే. అంతేకాదు ఎంతో దర్శకులు, హీరోయిన్స్ను పెళ్లి బంధంతో ఒకటైన వాళ్లు చాలా మందే ఉన్నారు. ఈ కోవలో దర్శకుడు కమ్ నటుడు తరుణ్ భాస్కర్, ప్రముఖ హీరోయిన్ ఈషా రెబ్బాతో మూడు ముళ్ల బంధంతో ఏడడుగులు వేయడానికి రెడీ అవుతున్నాడనే వార్త గత కొన్ని రోజులుగా ప్రచారం జరగుతుంది. తాజాగా ఈ విషయమై తరుణ్ భాస్కర్ వాళ్ల అమ్మ తరుణ్, ఈషా రెబ్బ పెళ్లిపై ఓపెన్ అయింది.
Tharun Bhascker Marriage News:ప్రస్తుతం తెలుగు సినీ ఇండస్ట్రీలో ఒక ఇంట్రెస్టింగ్ లవ్ స్టోరీ హాట్ టాపిక్గా మారింది. డైరెక్టర్ కమ్ యాక్టర్ తరుణ్ భాస్కర్.. హీరోయిన్ ఈషా రెబ్బా మధ్య ఏదో ఉందంటూ గత కొంతకాలంగా వార్తలు వినిపిస్తున్నాయి. అయితే ఇప్పుడు ఈ ఇద్దరి బంధంపై తరుణ్ భాస్కర్ తల్లి చేసిన వ్యాఖ్యలు సామాజిక మాధ్యమాల్లో తెగ వైరల్ అవుతున్నాయి. 'పెళ్లి చూపులు', 'ఈ నగరానికి ఏమైంది' సినిమాలతో దర్శకుడిగా మంచి గుర్తింపు తెచ్చుకున్న తరుణ్ భాస్కర్.. నటుడిగానూ ప్రేక్షకులను ఆకట్టుకుంటున్నారు.
మరోవైపు ఈషా రెబ్బా కూడా తెలుగు ప్రేక్షకులకు సుపరిచితమైన హీరోయిన్.వీరిద్దరూ కలిసి గతంలో 'ఓం శాంతి శాంతిః' సినిమాలో జోడిగా నటించారు. అప్పటి నుంచి వీరి మధ్య మంచి రిలేషన్ ఏర్పడిందనే వార్తలు వినిపిస్తూనే ఉన్నాయి.అంతేకాదు గత కొన్నిరోజులుగా ఎయిర్పోర్ట్ సహా పలు ప్రాంతాల్లో వీరు తరుచుగా జంటగా దర్శనమిస్తున్నారు.
ఈఎన్ఈ ప్రీ రిలీజ్ ఈవెంట్లో గీతా భాస్కర్ ఎమోషనల్..
అయితే తాజాగా 'ఈ నగరానికి ఏమైంది రిపీట్' ప్రీ రిలీజ్ ఈవెంట్లో తరుణ్ తల్లి గీతా భాస్కర్ చేసిన వ్యాఖ్యలు అందరి దృష్టిని ఆకర్షించాయి.
తన కొడుకు గత రెండేళ్లుగా ఎన్నో ఇబ్బందులు ఎదుర్కొన్నాడని ఆమె చెప్పారు. కోర్టు కేసులు, ఇంటి నిర్మాణానికి సంబంధించిన సమస్యలతో తరుణ్ చాలా ఒత్తిడిని ఎదుర్కొన్నాడని గుర్తుచేసుకున్నారు.
అలాంటి సమయంలో ఈషా రెబ్బా తన కొడుకుకు అండగా నిలిచిందని ఆమె వెల్లడించారు.కొన్నిసార్లు తరుణ్ అర్ధరాత్రి రెండు గంటలకు, నాలుగు గంటలకు ఇంటికి వచ్చినా.. అతడిని చూసుకోవడంలో ఈషా ఎంతో శ్రద్ధ చూపించిందని చెప్పి.. వీరిద్దరు డేటింగ్ చేస్తోన్న విషయాన్ని చెప్పకనే చెప్పింది.
ఈషా తన కుమారుడి సోలో మేట్..
అంతేకాదు.. తన కొడుకుకు ఒక మంచి స్నేహితురాలిగా, జీవితంలో తోడుగా నిలిచే వ్యక్తిగా ఈషా మారిందని భావోద్వేగంగా మాట్లాడారు. తన వయసు పెరుగుతోందని, తన తర్వాత కొడుకుకు తోడుగా ఎవరు ఉంటారోనని గతంలో ఆందోళన చెందేదాన్నని.. ఇప్పుడు ఈషా రూపంలో మంచి తోడు దొరకడంతో ఎంతో సంతోషంగా ఉందని ఆమె చెప్పుకొచ్చారు. ముఖ్యంగా ఈషాను తన కొడుకు సోల్మేట్గా అభివర్ణిస్తూ కృతజ్ఞతలు తెలిపారు.
ఇక ఈ వ్యాఖ్యలు బయటకు రావడంతో సోషల్ మీడియాలో అభిమానుల నుంచి ఆసక్తికరమైన స్పందనలు వస్తున్నాయి. అయితే ఇక్కడ మరో విషయం కూడా ఉంది. తరుణ్, ఈషా ఇద్దరూ తమ పెళ్లి గురించి ఎలాంటి అధికారిక ప్రకటన చేయలేదు. కాబట్టి పెళ్లి త్వరలోనే అంటూ వస్తున్న వార్తలను ఇప్పుడే నిజమని చెప్పలేం.మొత్తానికి ఒక తల్లి తన కొడుకు జీవితంలో మరో వ్యక్తి ఇచ్చిన మద్దతును ఇంత ప్రేమగా చెప్పడం ఈ కథలో స్పెషల్ అట్రాక్షన్ అని చెప్పాలి. మరి తరుణ్ భాస్కర్, ఈషా రెబ్బా తమ బంధంపై ఎప్పుడు స్పందిస్తారు? త్వరలో పెళ్లి వార్త చెబుతారా? అనేది ఇప్పుడు ఆసక్తికరంగా మారింది.