The Paradise Twitter Review: 'ది ప్యారడైజ్' బొమ్మ పడింది.. తెలంగాణ కథకు థియేటర్లు దద్దరిల్లాయి
Srikanth Odela Another Blockbuster With Nani The Paradise Movie Here Twitter Review: థియేటర్‌లలో 'ది ప్యారడైజ్' బొమ్మ పడింది. తెలంగాణ దర్శకుడు ఓదెల శ్రీకాంత్‌ దర్శకత్వంలో రూపొందించిన ఈ సినిమా భారీ అంచనాలతో విడుదల కాగా.. ఈ సినిమాకు ప్రేక్షకుల నుంచి భారీ స్పందన వస్తోందని తెలుస్తోంది. సోషల్ మీడియా వేదికగా ప్రేక్షకులు పంచుకుంటున్న అభిప్రాయాల ప్రకారం 'ది ప్యారడైజ్' రివ్యూ ఇలా ఉంది.
Srikanth Odela Blockbuster: భారీ అంచనాలు నెలకొన్న 'ది ప్యారడైజ్' సినిమా ప్రీమియర్స్‌ బుధవారం సాయంత్రం థియేటర్‌లలో పడ్డాయి. ప్రత్యేక షోలకు తెలుగు రాష్ట్రాల ప్రభుత్వాలు అనుమతివ్వడంతో తెలంగాణ, ఏపీలో 'ది ప్యారడైజ్' హంగామా మొదలైంది. తెలంగాణ దర్శకుడు ఓదెల శ్రీకాంత్‌ దర్శకత్వంలో నటుడు నాని నటించిన ది ప్యారడైజ్ సినిమాకు ప్రేక్షకుల నుంచి ఊహించని స్పందన లభిస్తోంది. భారీ అంచనాలతో విడుదలైన ఈ సినిమా అంచనాలకు మించి ఉందని ప్రీమియర్స్‌లో సగటు ప్రేక్షకుడి నుంచి వస్తున్న మాట. ఇక ఎక్స్‌ వేదికగా పలువురు సినిమాపై తమ అభిప్రాయాలు వ్యక్తం చేస్తున్నారు. సోషల్ మీడియాలో అయితే ది ప్యారడైజ్ సినిమాకు సంబంధించిన క్లిప్స్‌ వైరల్‌గా మారాయి.
నాని నటించిన 'ప్యారడైజ్' సినిమా ప్రీమియర్ షోలు తెలుగు రాష్ట్రాల్లో కొనసాగుతున్నాయి. సినిమా చూస్తున్న వారు సోషల్ మీడియాలో ఎప్పటికప్పుడు అప్డేట్స్ పోస్ట్ చేస్తున్నారు. నాని ఇంట్రడక్షన్ ఫైట్, మోహన్ బాబు ఎంట్రీ, 'ఆయా షేర్' సాంగ్, అనిరుధ్ బ్యాక్‌గ్రౌండ్‌ మ్యూజిక్‌ (బీజీఎం) అదిరిపోయిందని పలువురు సోషల్ మీడియా వేదికగా పంచుకుంటున్నారు. మరికొందరు ఈ సినిమాపై మిక్స్డ్ రియాక్షన్స్ ఇస్తున్నారు.
ఇక సినిమాలో నాని స్టెప్స్‌ థియేటర్‌లో ప్రేక్షకులను సీట్లపై కూర్చోనివ్వలేదని అర్థమవుతోంది. ముఖ్యంగా ఆయా షేర్‌తోపాటు ఏషనాగుల కట్ట మీద పాటలకు థియేటర్‌లలో ప్రేక్షకులు స్టెప్పులు వేస్తూ నానా రచ్చ రచ్చ చేశారు. తెలంగాణ ఇతివృత్తంతో తెరకెక్కించిన ఈ చిత్రంలో తెలంగాణకు సంబంధించిన ప్రముఖ కవి, గాయకుడు గద్దర్‌ను చిత్రబృందం స్మరించుకుంది. మరికొందరినీ స్మరించుకోవాల్సిన అవసరం ఉండగా.. వివాదం రేగుతుందని భావించిన చిత్రబృందం ఆ ప్రయత్నాన్ని విరమించుకుందని తెలుస్తోంది.
సినిమాకు కథ ప్రధాన బలం అని సోషల్ మీడియాలో నెటిజన్లు పంచుకుంటున్న అభిప్రాయాల ఆధారంగా చెప్పవచ్చు. ఓదెల శ్రీకాంత్‌ తాను నమ్మిన కథను వెండితెరపై దించేశాడని.. అతడి దర్శకత్వ ప్రతిభ ఏమిటో మరోసారి సినీ పరిశ్రమకు చూపించాడని తెలుస్తోంది. దసరా సినిమాతో భారీ హిట్‌ ఖాతాలో వేసుకున్న తెలంగాణ దర్శకుడు ఓదెల శ్రీకాంత్‌.. ఇప్పుడు రెండో సినిమాను అంతకుమించి హిట్‌ సాధించాడని అర్థమవుతోంది.
ఇక సినిమాకు నాని ప్రాణం పోసి నటించాడని.. నటనలో మరో మెట్టు ఎదిగాడని సినిమా చూస్తే అర్థమవుతుందని ప్రేక్షకులు చెబుతున్నారు. దసరా సినిమాను మించి నాని ఈ సినిమాలో నటించాడని తెలుస్తోంది. కీర్తి సురేశ్‌ డ్యాన్స్‌తో మెరవడం ఆకట్టుకుంది. ఇక సినిమాకు మరో ప్రధాన బలం పాటలు. తెలంగాణ రచయిత కాసర్ల శ్యామ్‌ రాసిన పాటలు.. డైలాగ్‌లు థియేటర్‌లలో పూనకాలు వచ్చేశాయని టాక్‌. ఆయా షేర్, ఏశనాగుల పాటలకు థియేటర్లు దద్దరిల్లిపోయాయి. మొత్తానికి 'ది ప్యారడైజ్'తో మరో బంపర్‌ హిట్‌ను నాని తన ఖాతాలో వేసుకున్నాడని అర్థమవుతోంది.
