విశ్వక్‌ సేన్ ‘కల్ట్’ మూవీ మెప్పించిందా..

Cult Telugu Movie Review: మాస్ కా దాస్ విశ్వక్‌సేన్ హీరోగా నటిస్తూ డైరెక్ట్ చేసిన చిత్రం ‘కల్ట్’. సరికొత్త కథాంశంతో ఆడియన్స్ ముందుకు వచ్చింది. ఈ రోజు విడుదలైన ఈ సినిమాతో విశ్వక్‌సేన్ హిట్ అందుకున్నాడా లేదా మన మూవీ రివ్యూలో చూద్దాం.

కథ విషయానికొస్తే.. 
గోవాలో ఓ మారుమూల ప్రాంతంలో జరిగే పార్టీకి వెళ్లిన యవతీ యువకులు అనుకోకుండా ఓ ప్రమాదం ఎదురువుతుంది. కొంత మంది ఆగంతకులు వాళ్లను లక్ష్యంగా చేసుకుంటారు. ప్రాణాలతో బయటపడాలంటే డేంజరస్ గేమ్ ఆడాల్సిన పరిస్థితి కల్పిస్తారు. ఈ నేపథ్యంలో డీఎస్పీ శంకర్ నాయక్ (విశ్వక్‌సేన్) అక్కడ వరుసగా జరుగుతున్న హత్యల వెనక రహస్యాన్ని ఛేదించేందుకు ట్రై చేస్తాడు. అసలు ఈ దారుణాల వెనక ఉన్న ఉన్నదెవరు..?  అక్కడ చిక్కుకున్నవారు ప్రాణాలతో ఎలా బయటపడ్డారు. చివరకు ఏం జరిగిందనేదే ఈ సినిమా స్టోరీ.  

కథనం, టెక్నికల్ విషయానికొస్తే..

మాస్ కా దాస్ విశ్వక్‌సేన్ మల్టీ టాలెంటెడ్. తన సినిమాలకు సంబంధించిన కథలతో పాటు అన్నింట్లో ఇన్వాల్వ్ అయి బెటర్ ఔట్ పుట్ ఇచ్చే ప్రయత్నం చేస్తున్నాడు. ఈ కోవలో ఈయన దర్శకుడిగా గోవాలో ఓపెన్ చేశాడు. అక్కడ నుంచి ఒక్కసారిగా పూర్తిగా వాతావరణం మారిపోతుంది. కొంత మంది ఆగంతకులు యువతీ యువకులను కిడ్నాప్ చేసి వారితో ప్రాణాంతకమైన ఆటలను ఆడిస్తుంటారు. అంతేకాదు అక్కడున్న వారు ఒక్కొక్కరుగా హత్యకు గురవుతుంటారు. ఈ మిస్టరీని ఛేదించే పోలీస్ ఆఫీసర్‌గా శంకర్ నాయక్‌గా కేసును ఇన్వెస్టిగేట్ చేస్తుంటాడు.  అయితే స్టార్టింగ్‌లో చూపించిన ఎమోషన్ ఆ తర్వాత మిస్ అయింది. కథలో కీలక మలుపులు పెద్దగా ఆకట్టుకునేలా లేకపోవడం మైనస్. కథ బాగానే ఉన్న దాన్ని తెరకెక్కించడంలో అక్కడక్కడా తడబడ్డాడు. అసలు కథ ఎటు వెళుతుందో సందేహాన్ని కలిగిస్తాయి.

అయితే విశ్వక్ సేన్ ప్రయత్నం కొత్తది అయినా.. దాన్ని ప్రేక్షకులు అరటి పండు ఒలిచేలా చెప్పడంలో తడబడ్డాడు. ముఖ్యంగా కథనం కంటే హింసాత్మక దృష్యాలపైనే ఎక్కువగా ఫోకస్ పెట్టినట్టు అయింది. సినిమా నిర్మాణ విలువలు బాగున్నాయి. దర్శకుడు విశ్వక్ తన మార్క్ చూపించే ప్రయత్నం చేశాడు. సినిమాటోగ్రఫీ బాగుంది. సాంకేతికంగా బాగున్నా.. ఎమోషన్  పూర్తి స్థాయిలో కనెక్ట్ కాలేదు. రవి బస్రూర్ సంగీతం ఈ చిత్రానికి పెద్ద ఎస్సెట్.

నటీనటుల విషయానికొస్తే..

విశ్వక్ సేన్ తన మార్క్ నటనతో ఆకట్టుకున్నాడు. తన మార్క్ హీరోయిజంతో పాటు యాక్షన్ సీన్స్ ‌లో అలరించాడు. గాయత్రి భరద్వాజ్ పర్వాలేదు. తారక్ పొన్నప్ప, మురళీ శర్మ, శ్రీకాంత్ అయ్యర్ తమ పాత్రల్లో ఒదిగిపోయారు.

పంచ్ లైన్ .. ‘కల్ట్’ విశ్వక్ సేన్ మార్క్ యాక్షన్ అడ్వెంచర్ థ్రిల్లర్

రేటింగ్: 3/5