ఎయిర్టెల్ ధమాకా ప్లాన్.. 56 రోజుల వాలిడిటీ, రోజుకు 3GB డేటా, ఉచితంగా అమెజాన్ ప్రైమ్, ఎక్స్‌స్ట్రీమ్ ప్రీమియం!
ప్రైవేట్ రంగంలోని దిగ్గజ టెలికాం కంపెనీ ఎయిర్టెల్ ఇప్పటికే కొన్ని మిలియన్ల మంది వినియోగదారులను కలిగి ఉంది. దీని యూజర్ ఫ్రెండ్లీ రీఛార్జీ ప్లాన్ల ద్వారా చాలామంది వివిధ సేవలను పొందుతున్నారు. అంతేకాకుండా, బడ్జెట్ ప్లాన్లలో అప్పుడప్పుడు కొత్త ప్లాన్లను కూడా ఎయిర్టెల్ వినియోగదారులకు పరిచయం చేస్తూనే ఉంది. ఈరోజు మనం రూ.838 రీఛార్జ్ ప్లాన్ ద్వారా మీరు పొందే ప్రయోజనాలు ఏమిటో తెలుసుకుందాం.
మీరు ఎయిర్టెల్ వినియోగదారులైతే, త్వరలోనే మొబైల్ రీఛార్జ్ చేసుకోవాలని అనుకుంటున్నారా? నెల, మూడు నెలలు, తొమ్మిది నెలలు, సంవత్సరం.. ఇలా మీకు ఏ ప్లాన్ ఉత్తమమో ఆలోచిస్తున్నారా? ఈ మధ్య రూ.838 రీఛార్జ్ ప్లాన్ బాగా ట్రెండింగ్లో ఉంది. ఇందులో ఓటీటీ సబ్స్క్రిప్షన్ కూడా లభిస్తుంది. ప్రతిరోజూ ఇంటర్నెట్ డేటా, అపరిమిత వాయిస్ కాలింగ్, ఎస్ఎంఎస్ సౌకర్యాలు కూడా పొందవచ్చు. ఈ ప్రీపెయిడ్ ప్లాన్తో రీఛార్జ్ చేసుకుంటే ప్రతిరోజు 3 జీబీ డేటా లభిస్తుంది, అలాగే ప్రతిరోజు 100 ఎస్ఎంఎస్లు పొందుతారు. ఈ ప్లాన్తో పాటు అమెజాన్ ప్రైమ్, ఎయిర్టెల్ ప్రీమియం, అడోబ్ ఎక్స్‌ప్రెస్ ప్రీమియం ప్రయోజనాలు కూడా లభిస్తాయి.
ఎయిర్టెల్ రూ.838 ప్రీపెయిడ్ రీఛార్జ్ ప్లాన్..
ఈ ఎయిర్టెల్ రూ.838 ప్రీపెయిడ్ రీఛార్జ్ ప్లాన్ వ్యాలిడిటీ 56 రోజుల పాటు లభిస్తుంది. ఇందులో మీరు ప్రతిరోజు 3 జీబీ డేటా పొందుతారు. అలాగే అపరిమిత లోకల్, ఎస్టీడీ, రోమింగ్ కాల్స్ కూడా లభిస్తాయి. ప్రతిరోజు 100 ఎస్ఎంఎస్లు అందుతాయి. దీంతో పాటు 5జీ నెట్‌వర్క్ అందుబాటులో ఉన్న ప్రాంతాల్లో అధిక వేగంతో ఇంటర్నెట్ సేవలను కూడా ఆస్వాదించవచ్చు.
అమెజాన్ ప్రైమ్ మరియు ఎయిర్టెల్ ఎక్స్ట్రీమ్ ప్రీమియం
ఈ రీఛార్జ్ ప్లాన్తో మీరు పొందే అతిపెద్ద ప్రయోజనం ఓటీటీ సబ్స్క్రిప్షన్. 838 రీఛార్జ్తో దీర్ఘకాలిక వ్యాలిడిటీతో పాటు, ఓటీటీ కోసం అదనంగా డబ్బు ఖర్చు చేయాల్సిన అవసరం ఉండదు. ఈ ప్రీపెయిడ్ ప్లాన్తో 56 రోజుల పాటు ఉచిత అమెజాన్ ప్రైమ్ ట్రయల్ లభిస్తుంది. ఇందులో వన్-డే షిప్పింగ్ ప్రయోజనం కూడా పొందవచ్చు. అంతేకాకుండా, ఎయిర్టెల్ ఎక్స్ట్రీమ్ ప్రీమియం సబ్స్క్రిప్షన్ కూడా లభిస్తుంది. దీని ద్వారా 18కు పైగా ఓటీటీ ప్లాట్‌ఫారమ్‌లో కంటెంట్‌ను వీక్షించవచ్చు. ఇందులో సోనీ లివ్, లయన్స్ గేట్ ప్లే, ఆహా, చౌపాల్, సన్ నెక్స్ట్ వంటి ప్లాట్ ఫామ్స్ యాక్సెస్ కూడా లభిస్తుంది.
12 నెలల పాటు అడోబ్ ఎక్స్‌ప్రెస్ ప్రీమియం..
ఈ రీఛార్జ్ ప్లాన్తో మీరు 12 నెలల పాటు ఎయిర్టెల్ ఎక్స్ట్రీమ్ అడోబ్ ఎక్స్‌ప్రెస్ ప్రీమియం కూడా పొందుతారు. దీని విలువ సుమారు రూ.4,000. ఈ టూల్ ద్వారా పోస్టర్లు, సోషల్ మీడియా పోస్టులు, థంబ్నెయిల్స్ ఇతర డిజైన్లను సులభంగా తయారు చేసుకోవచ్చు. కంటెంట్ క్రియేటర్స్ కు ఇది ఎంతగానో ఉపయోగపడుతుంది. అలాగే సోషల్ మీడియాలో తరచూ పోస్టులు చేసేవారికి కూడా ఇది చాలా ఉపయోగకరంగా ఉంటుంది.
