Dussehra Bank Holidays: బ్యాంకు వినియోగదారలుకు అలర్ట్.. దసరా వారంలో 6 రోజులు బ్యాంకులకు సెలవు..

Dussehra Bank Holidays 2026: బ్యాంకులతో ప్రతి ఒక్కరికీ దైనందిన అవసరాలు ఉంటాయి. రోజువారీ నగదు లావాదేవీలు, డిపాజిట్లు లేదా రుణాలకు సంబంధించిన పనుల కోసం బ్యాంకు శాఖలకు వెళ్లేటప్పుడు ఎటువంటి అసౌకర్యం కలగకుండా ఉండటానికి ఖాతాదారులు హాలీడేస్ వివరాలను తెలుసుకోవాలి. బ్యాంక్ సెలవులు అన్ని రాష్ట్రాల్లో ఒకేలా ఉండవు. 

జాతీయ సెలవులు దేశవ్యాప్తంగా ఉన్న అన్ని బ్యాంకులకు వర్తిస్తే, ప్రాంతీయ పండుగల ఆధారంగా ఒక్కో రాష్ట్రంలో వేర్వేరు రోజుల్లో బ్యాంకులు మూతపడతాయి. ఆర్‌బీఐ విడుదల చేసే క్యాలెండర్ ప్రకారం ఖాతాదారులు తమ లావాదేవీలను ముందే ప్లాన్ చేసుకోవచ్చు.

వచ్చే వారంలో బ్యాంక్ సెలవుల వివరాలు..
వచ్చే వారంలో అక్టోబర్ 11వ తేదీన ఆదివారం సందర్భంగా దేశవ్యాప్తంగా బ్యాంకులకు సాధారణ సెలవు ఉంటుంది. ఆ తర్వాత అక్టోబర్ 12 నుండి 17వ తేదీ వరకు మిగిలిన రోజుల్లో బ్యాంకులు యథావిధిగా పనిచేస్తాయి. 

అయితే, అక్టోబర్ 17న మహా సప్తమి సందర్భాన్ని పురస్కరించుకుని అగర్తలాలోని బ్యాంకులు మాత్రమే మూతపడనున్నాయి. వచ్చే వారంలో ఎటువంటి జాతీయ సెలవులు లేకపోవడంతో దేశవ్యాప్తంగా అన్ని రాష్ట్రాల్లో బ్యాంకింగ్ సేవలు క్రమం తప్పకుండా అందుబాటులో ఉంటాయి.

అక్టోబరు మూడో వారంలో వచ్చే ప్రధాన పండుగ సెలవుల వివరాలు.. 
వచ్చే వివిధ పండుగల సందర్భంగా బ్యాంక్ బ్రాంచ్‌లు మూతపడే తేదీల వివరాలు ఇవే.

అక్టోబర్ 19 (దసరా, దుర్గా పూజ): అగర్తల, భువనేశ్వర్, ఐజ్వాల్, చెన్నై, గౌహతి, ఇటానగర్, ఇంఫాల్, కోహిమా, పాట్నా, కోల్‌కతా, రాంచీ, షిల్లాంగ్‌లలో బ్యాంకులు పనిచేయవు

అక్టోబర్ 20 (దసరా): దసరా పండుగను పురస్కరించుకుని దేశవ్యాప్తంగా అన్ని రాష్ట్రాల్లో బ్యాంకులకు సెలవు ఉండనుంది.

అక్టోబర్ 21 (దుర్గా పూజ): అగర్తల, గ్యాంగ్‌టక్, బెంగళూరు, గౌహతి, కోల్‌కతా, కొచ్చి, తిరువనంతపురంలో బ్యాంకులకు సెలవు ఉంటుంది.

అక్టోబర్ 22, 23 (దుర్గా పూజ): వేడుకల కారణంగా గ్యాంగ్‌టక్‌లో వరుసగా రెండు రోజులు బ్యాంకులు మూతపడతాయి.

అక్టోబర్ 26 (లక్ష్మీ పూజ): సోమవారం రోజున అగర్తల, జమ్మూ, చండీగఢ్, సిమ్లా, శ్రీనగర్‌లలో బ్యాంకింగ్ సేవలు నిలిచిపోతాయి.

అక్టోబర్ 31 (సర్దార్ వల్లభాయ్ పటేల్ జయంతి): అహ్మదాబాద్‌లో బ్యాంకులు మూతపడనున్నాయి.

ఈ విధంగా బ్యాంక్ సెలవులు ప్రాంతాన్ని బట్టి మారుతుంటాయి కాబట్టి, ఖాతాదారులు తమ లావాదేవీలను ముందే సరిచూసుకొని ప్రణాళిక సిద్ధం చేసుకోవడం ఉత్తమం.