Madhya Pradesh: భార్యతో కలిసి జూకు వెళ్లిన భర్త.. బైక్ పార్క్ చేసే గ్యాప్‌లో ఊహించని ట్విస్ట్ ఇచ్చిన మహిళ.. వీడియో..
Womam Elope with lover in mp: గ్వాలియర్ లో ఉన్న జంతు ప్రదర్శనశాలను చూసేందుకు తన భార్యతో కలసి సరదాగా వెళ్లాడు. ఇంతలో భార్య చేసిన పనికి షాక్ అయ్యాడు. మధ్య ప్రదేశ్ లో చోటు చేసుకున్న ఈ ఘటనకు చెందిన వీడియో వైరల్గా మారింది.
Married woman Elopes with boy friend in Gwalior zoo: ఇటీవల సమాజంలో భార్యభర్తలకు చెందిన ఘటనలు ఎక్కువగా వార్తలలో ఉంటున్నాయి. ముఖ్యంగా ప్రతిరోజు దంపతులు గొడవలు పడటం, ఆతర్వాత కొట్టుకొవడం నిత్యం వార్తలలో ఉంటుంది. కొంత మంది సుపారీలు ఇచ్చి మరీ కట్టుకున్న వాళ్లను కాటికి పంపుతున్నారు. ప్రతి రోజు భార్యభర్తలు ఒకర్ని మరోకరు చంపుకుంటున్న ఘటనలు వెలుగులోకి వస్తున్నాయి. మరికొంత మంది పెళ్లైన, పిల్లలున్న కూడా వివాహేతర సంబంధాలు పెట్టుకుని దారుణాలకు పాల్పడుతున్నారు. ఈ క్రమంలో మధ్య ప్రదేశ్ లోని గ్వాలియర్ లో ఒక షాకింగ్ ఘటన వెలుగులోకి వచ్చింది.
మధ్యప్రదేశ్ లో శివపురి జిల్లాలోని నర్వార్ కు చెందిన 21 ఏళ్ల యువకుడు తన 18 ఏళ్ల యువతికి ఇటీవల పెళ్లి జరిగింది. ఎన్నో ఆశలతో కొత్త జీవితంలోని అడుగు పెట్టిన జంట కాస్త సరదగా ఎంజాయ్ చేద్దామని బైక్ పై గ్వాలియర్ కు వచ్చారు.అక్కడున్న జూకు వెళ్దామని చూశారు. కానీ ఆ మహిళకు పెళ్లికి ముందే మరో యువకుడితో ఎఫైర్ ఉంది.
పెద్దల బలవంతంతో ఈ పెళ్లి జరిగినట్లు తెలుస్తొంది. జూ వద్ద తన భార్యను బైకు మీద దింపి, పార్కింగ్ కోసం భర్త వెళ్లాడు.ఈ గ్యాప్ లో భార్య అప్పటికే తన వెనకాల రెడీగా ఉన్న ప్రియుడి బైక్ ఎక్కి అక్కడి నుంచి పరారయ్యింది. సదరు వ్యక్తి పాపం.. తన భార్య కోసం బైక్ పార్క్ చేసి వచ్చి చూసి షాక్ అయ్యాడు. చుట్టుపక్కల వారిని అడిగాడు.
ఆ తర్వాత పోలీసులకు ఫిర్యాదు చేశాడు. ఆ ప్రాంతంలోని సీసీఫుటేజీనిచూడగా.. ఆమె మరోక యువకుడి బైక్ మీద ఎక్కడంను గమనించాడు. దీంతో తాను మోసపోయినట్లు గ్రహించాడు. దీనిపై ఆరాతీయగా పెళ్లికి ముందే ఆమెకు మరో యువకుడితో వివాహేతర సంబంధం ఉందన్న విషయం వెలుగులోకి వచ్చింది. ఈ ఘటనకు చెందిన వీడియో ప్రస్తుతం నెట్టింట వైరల్గా మారింది.
