MLA Raghuraj Pratap Singh: వందలాది తుపాకుల మధ్య ఎమ్మెల్యే రాజా భయ్యా ఆయుధ పూజ.. వీడియో వైరల్..

MLA Raghuraj Pratap Singh performed ayudha puja: దేశ వ్యాప్తంగా దసరా పండగను కన్నుల పండుగలా జరుపుకుంటున్నారు. ముఖ్యంగా దసరా నేపథ్యంలో పలు చోట్ల ఆయుధ పూజలను కూడా చేస్తారు. చాలా మంది ఈ రోజున శమీ చెట్టును దర్శించుకుంటారు. అమ్మవారికి తమ మొక్కులు తీర్చుకుంటారు. అయితే ప్రతి ఏడాదిలానే ఈసారి కూడా యూపీలోని ప్రతాప్ గఢ్ కు చెందిన ఎమ్మెల్యే రఘురాజ్ ప్రతాప్ సింగ్  ఆయుధ పూజతో వార్తలలో నిలిచారు. 

🔴 యూపీ: తుపాకుల మధ్య రాజా భయ్యా పూజ! 📍 ఎవరు: ప్రతాప్‌గఢ్ జిల్లా కుండా ఎమ్మెల్యే రఘురాజ్ ప్రతాప్ సింగ్ అలియాస్ రాజా భయ్యా 🙏 ఏం జరిగింది: విజయదశమి వేళ తన పూర్వీకుల ఇల్లు బెంతి కోఠిలో ఆయుధ పూజ చేశారు 🔫 ఆయుధాలు: తన దగ్గరున్న రకరకాల వెపన్స్‌తో పాటు అనుచరుల లైసెన్స్ గన్స్‌నూ ఒకేచోట పెట్టి పూజ చేశారు 📱 వైరల్: ఈ వీడియో ఇప్పుడు వైరల్ అవుతుండగా, పూజ చూసేందుకు అనుచరులు, స్థానికులు భారీగా ఇంటికి తరలివచ్చారు

— ముచ్చట్లు | Stories • Voices • Views (@muchatlu_) October 20, 2026

ఉత్తరప్రదేశ్‌లోని కుండా నియోజక వర్గ ఎమ్మెల్యే రఘురాజ్ ప్రతాప్ సింగ్ దసరా నేపథ్యంలో ఆయుధ పూజ చేశారు. అనాదీగా తమ పూర్వీకుల నుంచివస్తున్న...వందలాది తుపాకులు, రైఫిళ్ల ను ఎర్రటి క్లాత్ పరిచి దాని మీద పెట్టారు. దాదాపుగా 500 వరకు ఆయుధాలు ఉన్నాయని చెబుతుంటారు.

దీనిలో స్వదేశీ, విదేశీ తుపాకులు ఉన్నాయి. అయితే అన్నింటికి కూడా లైసెన్స్ ఉన్నాయి. అనాదీగా తమ వంశంలో ఆయుధ పూజ చేస్తారని  ఎమ్మెల్యే రఘురాజ్ ప్రతాప్ సింగ్ తెలిపారు.  ఈ పూజలో ఆయన కుటుంబ సభ్యులతో పాటు అనుచరులు, నియోజక వర్గ ప్రజలు కూడా పాల్గొంటారు.  గతంలో ఆయన ఆయుధాలకు లైసెన్స్ విషయంలో వివాదం తలెత్తింది. దీనిపై ఎమ్మెల్యే ప్రతాప్ సింగ్ పోలీసులకు స్వయంగా క్లారిటీ ఇచ్చారు. దసరా పండగ వేళ ఆయుధ పూజలతో మరోసారి రాజా భయ్యా సోషల్ మీడియాలో వైరల్గా మారారు.