November School Holidays: విద్యార్థులు ఎగిరి గంతేసే వార్త.. నవంబరు నెలలో స్కూళ్లకు 9 రోజులు సెలవులు..

November School Holidays 2026: భారతదేశంలో పండుగల సీజన్ ఊపందుకోవడంతో నవంబర్ 2026 నెల పలు ప్రధాన పండుగలకు వేదిక కానుంది. వివిధ రాష్ట్రాల్లో వచ్చే ముఖ్యమైన దినోత్సవాలు, పండుగల కారణంగా స్కూళ్లు, కాలేజీలకు భారీగా సెలవులు రానున్నాయి. నవంబర్ నెలలో దీపావళి, గోవర్ధన పూజ, భాయ్ దూజ్, ఛత్ పూజ, గురునానక్ జయంతి వంటి అనేక ప్రాముఖ్యమైన పండుగలు రానున్నాయి.

వీటితో పాటు వివిధ రాష్ట్రాల ఆవిర్భావ దినోత్సవాలు, ప్రత్యేక సందర్భాల వల్ల పాఠశాలలకు సెలవులు లభించే అవకాశం ఉంది. అయితే, ప్రాంతీయ ఆచారాలు, రాష్ట్ర ప్రభుత్వాల అధికారిక క్యాలెండర్లు, బోర్డు పరీక్షల షెడ్యూల్‌ను బట్టి ఈ సెలవుల్లో మార్పులు ఉండవచ్చని తల్లిదండ్రులు, విద్యార్థులు గమనించాలి.

నవంబరు నెలలో రాబోయే సెలవులు వివరాలు ఇలా ఉన్నాయి.. 
నవంబరు 1 (ఆదివారం): కర్ణాటక రాజ్యోత్సవం కారణంగా కర్ణాటకలోని స్కూళ్లు, కాలేజీలకు సెలవు ప్రకటించారు.
నవంబర్ 6 (శుక్రవారం): ధనత్రయోదశి (ధంతేరాస్) పండుగను దేశవ్యాప్తంగా జరుపుకుంటారు. అయితే ఇది అన్ని పాఠశాలలకు సెలవు ఉండకపోవచ్చు.
నవంబర్ 8 (ఆదివారం): దీపావళి, నరక చతుర్దశి పండుగలను దేశమంతటా వైభవంగా జరుపుకుంటారు.
నవంబర్ 9 (సోమవారం): గోవర్ధన పూజ (అన్నకూట్) సందర్భంగా ఉత్తరప్రదేశ్, ఢిల్లీ, రాజస్థాన్ మొదలైన రాష్ట్రాల్లో సెలవు దినంగా పరిగణిస్తారు.
నవంబర్ 11 (బుధవారం): ఉత్తర, పశ్చిమ భారతదేశంలోని పలు రాష్ట్రాల్లో భాయ్ దూజ్ పండుగకు పాఠశాలలకు సెలవు ఉంటుంది.
నవంబర్ 14 (శనివారం): జాతీయ బాలల దినోత్సవం సందర్భంగా దేశవ్యాప్తంగా పాఠశాలల్లో ప్రత్యేక వేడుకలు నిర్వహిస్తాయి. ఇది సాధారణ సెలవు కాదు.
నవంబర్ 15 (ఆదివారం): ఛత్ పూజ పండుగ సందర్భంగా బీహార్, జార్ఖండ్, ఉత్తరప్రదేశ్, ఢిల్లీలోని కొన్ని ప్రాంతాల్లో విశేష ప్రాధాన్యత ఉంటుంది.
నవంబర్ 16 (సోమవారం): వీరాంగన ఉదా దేవి అమరవీరుల దినోత్సవం సందర్భంగా ఉత్తరప్రదేశ్ రాష్ట్రంలో సెలవు ఉంటుంది.
నవంబర్ 24 (మంగళవారం): గురునానక్ జయంతి (గురుపురబ్ / కార్తీక పౌర్ణమి) సందర్భంగా పంజాబ్, హర్యానా, ఢిల్లీ తదితర రాష్ట్రాల్లో పాఠశాలలకు సెలవు ప్రకటించనున్నారు. తెలుగు రాష్ట్రాల్లోనూ కార్తీక పౌర్ణమి సందర్భంగా సెలవు ఉండే అవకాశం ఉంది.

రాష్ట్రాల వారీగా సెలవుల్లో వ్యత్యాసాలు
పాఠశాల సెలవులనేవి కేవలం పండుగలపైనే కాకుండా, ఆయా రాష్ట్ర ప్రభుత్వాలు విడుదల చేసే అధికారిక సెలవుల క్యాలెండర్లు, ప్రాంతీయ ఆచారాలపై ఆధారపడి ఉంటాయి. ఒక రాష్ట్రంలో సెలవుగా ఉన్న పండుగ మరో రాష్ట్రంలో సాధారణ పనిదినం కావచ్చు. అందువల్ల ప్రతి ఒక్కరూ తమ సంబంధిత రాష్ట్ర ప్రభుత్వాలు, పాఠశాలల అధికారిక ప్రకటనల ద్వారా సెలవులను ధృవీకరించుకోవాలి.

10వ తరగతి బోర్డు పరీక్షల సన్నాహాలు
పండుగల సెలవులతో పాటు కొన్ని రాష్ట్రాలు ఇప్పటికే 10వ, 12వ తరగతి బోర్డు పరీక్షల షెడ్యూల్‌ను ప్రకటించగా.. మరికొన్ని రాష్ట్రాలు త్వరలోనే విడుదల చేయనున్నాయి. పరీక్షలకు హాజరయ్యే విద్యార్థుల కోసం కొన్ని పాఠశాలలు నవంబర్ నెలలో 'ప్రీ - బోర్డు' పరీక్షలను నిర్వహించవచ్చు లేదా వారికి పరీక్షా సన్నాహాల నిమిత్తం ప్రత్యేక సెలవులను కేటాయించవచ్చు. ఈ షెడ్యూల్ ఆయా పాఠశాలల విధానాలను బట్టి మారుతూ ఉంటుంది.