రైతుల నిరీక్షణకు తెర.. అక్టోబర్‌లోనే పీఎం కిసాన్ డబ్బులు! మీ ఖాతాలో పడాలంటే ఇది తప్పనిసరి?

PM Kisan 24th Installment Update: రాబోయే నెలల్లో దసరా, దీపావళి పండుగలు రానున్న నేపథ్యంలో, రైతులకు కేంద్ర ప్రభుత్వం నుండి ఒక గొప్ప శుభవార్త లభించే అవకాశం ఉంది. ముఖ్యంగా అక్టోబర్‌లో దసరా, నవంబర్‌లో దీపావళి పండుగలు వస్తాయి కాబట్టి, పండుగల సమయానికి ముందే రైతుల ఖాతాల్లో ఈ నిధులు డైరెక్ట్ బెనిఫిట్ ట్రాన్స్‌ఫర్ ద్వారా జమ అయ్యే అవకాశం ఎక్కువగా ఉంది. ప్రతి ఏడాది రైతులకు రూ. 6,000 ఆర్థిక సహాయం అందిస్తుందని మనందరికీ తెలిసిందే, ఇందులో భాగంగా ప్రతి నాలుగు నెలలకు ఒకసారి రూ. 2,000 చొప్పున నిధులు మంజూరు చేస్తారు. గత ఏడాది గణాంకాలను పరిశీలిస్తే, 2024లో అక్టోబర్ 5వ తేదీన నిధులు విడుదలయ్యాయి.

రైతుల బ్యాంక్ ఖాతాల్లో ఈ పథకం కింద నిధులు ఎటువంటి అడ్డంకులు లేకుండా నేరుగా జమ కావాలంటే, ముందుగా ఆధార్ కార్డ్ లింకింగ్, ఈ-కేవైసీ (e-KYC) ప్రక్రియలను ఖచ్చితంగా పూర్తి చేయాలి. అప్పుడే పీఎం కిసాన్ డైరెక్ట్ బెనిఫిట్ ట్రాన్స్‌ఫర్‌ యోజన ద్వారా లబ్ధి పొందే అవకాశం ఉంటుంది. ఇండస్ట్రీ ఎక్స్‌పర్ట్స్ నివేదిక ప్రకారం, 24వ విడత నిధులు అక్టోబర్‌లో వచ్చే అవకాశం ఉంది, ఇది దసరా నవరాత్రి పండుగ రాకముందే అందుబాటులోకి వచ్చే అవకాశం ఉంది. ఒకవేళ గతంలో 23వ విడత నిధులు రాని వారు ఉంటే, వారు వెంటనే ఈ కేవైసీ ప్రక్రియను పూర్తి చేసుకుంటే ప్రస్తుత విడతలో లబ్ధి పొందవచ్చు.

రాబోయే రోజుల్లో ప్రధానమంత్రి కిసాన్ యోజన నిధులను సకాలంలో పొందాలంటే రైతులు ముందుగానే కొన్ని పనులను పూర్తి చేసుకోవడం అత్యవసరం. ముఖ్యంగా ఆధార్ సీడింగ్ ప్రక్రియ తప్పనిసరిగా పూర్తి చేయాలి. ప్రస్తుతం జిల్లాల్లో కొన్ని లక్షలాదిమంది రైతులు పీఎం కిసాన్ ఫోటోలు, ఆధార్, ఈ-కేవైసీ, ల్యాండ్ రికార్డ్స్ వంటి పనులను పూర్తి చేయాల్సి ఉండటం వల్ల నిధులు రావడంలో ఆలస్యం జరుగుతోంది.

ఈ పనులను వెంటనే పూర్తి చేసిన రైతులు మాత్రమే తదుపరి విడత నిధులను ఎటువంటి ఇబ్బంది లేకుండా పొందుతారు. ఈ ప్రక్రియలను రైతులు తమ సమీపంలోని కామన్‌ సర్వీస్‌ సెంటర్‌లో కూడా పూర్తి చేసుకోవచ్చు, లేదా స్మార్ట్‌ఫోన్ లోని యాప్ ద్వారా కూడా సులభంగా పూర్తి చేయవచ్చు. PMkisan.gov.in ద్వారా మీరు కూడా మీ కిసాన్ పథకానికి సంబంధించిన లబ్ధిదారుల స్టేటస్‌ను ఎప్పటికప్పుడు చెక్ చేసుకోవచ్చు.