78 నెలల్లో 25 మందితో పెళ్లిళ్లు? యువతి అరెస్ట్.. అసలు మోసం ఇదే!

Marriage Fraud Case News: పెళ్లిళ పేరుతో అమాయక యువకులను.. వారి కుటుంబాలను లక్ష్యంగా చేసుకుని నిలువునా దోచుకుంటున్న ఒక అంతర్రాష్ట్ర ముఠా రాజస్థాన్ పోలీసులు అరెస్ట్ చేశారు.. 78 నెలల వ్యవధిలోనే అనేక రాష్ట్రాల్లో సుమారు 25 మంది పురుషులను వివాహం చేసుకుని.. ఆపై డబ్బులతో పాటు బంగారు ఆభరణాలతో ఉడాయించిన.. 23 ఏళ్ల యువతి అనురాధ పాశ్వాన్‌ను మధ్యప్రదేశ్‌లోని భోపాల్‌లో పోలీసులు ఇటీవలే అరెస్ట్ చేశారు..

పోలీసుల విచారణలో భాగంగా అందుబాటులోకి వచ్చిన వివరాల ప్రకారం.. అనురాధ ఒక మ్యాట్రిమోనియల్ ముఠాలో సభ్యురాలిగా గత కొన్ని రోజుల నుంచి పని చేస్తూ వస్తోంది.. వివాహం కోసం ఎదురుచూస్తున్న యువకులతో పాటు వారి కుటుంబాలను ఈ గ్యాంగ్ లక్ష్యంగా చేసుకుని చేయకూడని పనులు చేస్తూ వస్తోంది.. మధ్యవర్తులు సంబంధాలు కుదిర్చి.. వివాహం జరిపించినందుకు వరుడి కుటుంబాల నుంచి రూ.2 లక్షల నుంచి రూ.5 లక్షల వరకు భారీ మొత్తంలో కమీషన్ రూపంలో వసూలు చేసేవారట..

పెళ్లి తంతు ముగిసిన తర్వాత నిందితురాలు అనురాధ సదరు భర్త వద్ద కేవలం 5 నుంచి 15 రోజుల పాటు మాత్రమే కాపురం చేసేదట.. ఆ తర్వాత ఇంట్లోని వారు నిద్రపోతున్న సమయంలో లేదా వారిని నమ్మించి ఇంట్లోని నగదుతో పాటు బంగారు నగలు, విలువైన ఎలక్ట్రానిక్ వస్తువులను తీసుకుని గుట్టుచప్పుడు కాకుండా అక్కడి నుంచి పారిపోయేదట..

రాజస్థాన్‌లోని సవాయ్ మాధోపూర్‌కు చెందిన విష్ణు శర్మ అనే బాధితుడు పెళ్లి పేరిట తాను దారుణంగా మోసపోయినట్లు పోలీసులకు ఫిర్యాదు చేయడంతో ఈ మోసం వెలుగులోకి వచ్చిన్నట్లు తెలుస్తోంది.. కేసు నమోదు చేసుకున్న అధికారులు.. ప్రత్యేక దర్యాప్తు బృందంతో సాంకేతిక ఆధారాల సాయంతో నిందితురాలు భోపాల్‌లో ఉన్నట్లు గుర్తించినట్లు సమాచారం. అక్కడ కూడా ఆమె గతంలో మోసగించిన మరో వ్యక్తితో కలిసి నివసిస్తున్నట్లు తెలుస్తోంది..

అయితే, ఆ నిందితురాలిని పక్కాగా పట్టుకునేందుకు.. రాజస్థాన్ పోలీసులు ప్రత్యేక వ్యూహం రచించిన్నట్లు తెలుస్తోంది.. ఒక పోలీసు అధికారిని నకిలీ వరుడిగా రంగంలోకి దించి.. మధ్యవర్తుల ద్వారా అనురాధతో సంబంధం కుదిర్చేందుకు ప్రయత్నించారట.. ఈ ఉచ్చులో పడిన అనురాధను భోపాల్‌లో చాకచక్యంగా అదుపులోకి తీసుకున్నట్లు తెలుస్తోంది..

ఈ ముఠా వెనుక ఉన్న సూత్రధారులు ఎవరు? మధ్యవర్తులుగా వ్యవహరించిన వ్యక్తుల నెట్‌వర్క్ ఎంతవరకు విస్తరించింది? అనే అంశాలపై పోలీసులు లోతుగా విచారణ కూడా చేస్తున్నట్లు తెలుస్తోంది.. వివాహ సంబంధాలు కుదుర్చుకునే సమయంలో మధ్యవర్తులను గుడ్డిగా నమ్మకుండా.. పూర్తి వివరాలను తెలుసుకోవడం చాలా మంచిదని పోలీసు అధికారులు తెలుపుతున్నారు. ఈ ఘటన ఇప్పుడు సోషల్ మీడియాలో కూడా విపరీతంగా వైరల్ అవుతోంది.