విమానాల్లో పవర్ బ్యాంకులు ఎందుకు పేలుతున్నాయి? అసలు కారణాలు ఇవే

Power Bank Fire In Airplane:ప్రస్తుతం స్మార్ట్‌ఫోన్లతో పాటు ల్యాప్‌టాప్‌లు ఎక్కువగా వినియోగించే ప్రయాణికులకు పవర్ బ్యాంకులు క్రియాశీలక పాత్ర పోషిస్తుంది.. అయితే, ప్రస్తుతం విమాన ప్రయాణాల సమయంలో పవర్ బ్యాంకులు అకస్మాత్తుగా పేలిపోవడం లేదా వాటిల్లో నుంచి మంటలు చెలరేగడం వంటి ఘటనలు తరచుగా జరుగుతూ ఉన్నాయి. ఇలా పవర్ బ్యాంకుల వల్లే ఎందుకు ఈ ప్రమాదాలు జరుగుతున్నాయి? దీనిపై ఏవియేషన్ నిపుణులు, శాస్త్రవేత్తలు ఏం అంటున్నారు. దీనికి సంబంధించిన పూర్తి వివరాలేంటో ఇప్పుడు మనం తెలుసుకుందాం..

సాధారణంగా ఇప్పుడు మార్కెట్లో దొరికే పవర్ బ్యాంకులలో అధిక శక్తిని నిల్వ చేసే లిథియం, అయాన్ బ్యాటరీలను ఎక్కువగా వినియోగిస్తూ ఉంటారు. అయితే, బ్యాటరీ లోపల ఉష్ణోగ్రత విపరీతంగా పెరిగిపోయినప్పుడు.. అది చల్లబడే వేగం కంటే వేడెక్కే వేగమే.. చాలా ఎక్కువగా ఉంటుందట.. దీనినే సాంకేతిక పరిభాషలో .. థర్మల్ రన్‌అవే (Thermal Runaway)గా పిలుస్తారట.. బ్యాటరీ లోపలి ఉష్ణోగ్రత నియంత్రణ పూర్తిగా కోల్పోయినప్పుడు తీవ్రమైన రసాయన చర్య జరడం కారణంగా.. స్వల్ప వ్యవధిలోనే బ్యాటరీ పేలిపోయి భారీగా మంటలు వచ్చే అవకాశాలు కూడా ఉన్నాయి..

అయితే.. విమానాలు వేల అడుగుల ఎత్తులో ఉన్న సమయంలో క్యాబిన్ లోపల.. బయట వాతావరణ పీడనంలో (Air Pressure) గణనీయమైన మార్పులు వచ్చే అవకాశాలు ఉంటాయి.. భూమితో పోలిస్తే.. ఎత్తులో పీడనం తగ్గడం వల్ల లిథియంతో పాటు అయాన్ కణాల లోపలి వాయువులు ఊహించని స్థాయిలో విస్తరించే అవకాశాలు కూడా ఉన్నాయి. దీనివల్ల పవర్ బ్యాంకులు ఉబ్బిపోవడంతో పాటు డిజైన్‌ పూర్తి షేప్‌ అవుట్‌ అవుతూ ఉంటుంది.. నాణ్యత తక్కువగా ఉన్న లేదా పాతబడిన బ్యాటరీలు ఈ ఒత్తిడిని తట్టుకోలేక సులభంగా పేలిపోయే అవకాశాలు ఉన్నాయి..

మరో ప్రధానమైన కారణం ప్రయాణికుల అజాగ్రత్తగా భావించవచ్చు.. విమానాల్లోని ఓవర్‌హెడ్ బిన్స్‌లోని.. క్యాబిన్ లగేజీ బ్యాగులను అతిగా కుక్కడంతో పాటు బలంగా నెట్టడం వల్ల లోపల ఉన్న పవర్ బ్యాంకులపై ఊహించని స్థాయిలో ఒత్తిడి పడే అవకాశాలు ఉన్నాయి.. ఈ మెకానికల్ ఒత్తిడికి బ్యాటరీ ఇంటర్నల్ సర్క్యూట్లు దెబ్బతిని షార్ట్ సర్క్యూట్‌కు దారి తీసే అవకాశాలు ఉన్నట్లు తెలుస్తోంది.

అలాగే విమానం ఎక్కే.. కొద్దిసేపటి ముందే పవర్ బ్యాంకులను అధిక సమయం లేదా ఓవర్‌ఛార్జ్ చేయడం వల్ల కూడా బ్యాటరీ ఇప్పటికే వేడిగా ఉండి.. ప్రమాద తీవ్రత పెరిగే అవకాశాలు ఉన్నట్లు తెలుస్తోంది..అందుకే విమాన సంస్థలు పవర్ బ్యాంకులను చెక్ ఇన్ బ్యాగేజీలో అల్లో చేయ్యకుండా.. కేవలం హ్యాండ్ లగేజీలోనే ఉంచుకోవాలని స్పష్టంగా చెబుతూ ఉంటారు. క్యాబిన్‌లో ప్రమాదం జరిగితే.. సిబ్బంది వెంటనే స్పందించి మంటలను అదుపు చేసే అవకాశాలు ఉంటాయి.