మెడలో నాగుపామును వేసుకుని సెల్ఫీ వీడియో.. చూస్తే షాక్ అవ్వాల్సిందే!

Woman Cobra Selfie Video: సోషల్ మీడియా ప్రపంచంలో వ్యూస్ తో పాటు లైకులు ఫాలో వల్ల కోసం కొందరు ప్రాణాలు సైతం లెక్కచేయకుండా ఎంతటి సాహసానికైనా రెడీ అవుతున్నారు. తాజాగా ఇలాంటి ఘటనకు సంబంధించిన ఓ పిచ్చి చేష్టాలకు సంబంధించిన వీడియో ఇప్పుడు సోషల్ మీడియాలో విపరీతంగా వైరల్ గా మారింది. సాధారణంగా ఒక పాము కనిపిస్తేనే ఎంతో దూరం పరుగులు తీసే జనాలు.. ఓ మహిళ ఏకంగా భయంకరమైన నాగుపామును మెడలో వేసుకొని సెల్ఫీ వీడియో రికార్డు చేయడం సోషల్ మీడియా వినియోగదారులను ఎంతగానో ఆశ్చర్యపోయేలా చేస్తోంది. ఇప్పుడు ఈ ఘటన చూసిన వారంతా షాక్ అయిపోతున్నారు. ఈ వీడియోకు సంబంధించిన పూర్తి వివరాలేంటో మనం ఇప్పుడు తెలుసుకుందాం..

తాజాగా వైరల్ అవుతున్న వీడియో వివరాల్లోకి వెళ్తే.. ఓ మహిళ అత్యంత విషపూరితమైన నల్లటి నాగుపామును పూలదండలా.. మెడ చుట్టూ వేసుకొని ఉండడం మీరు చూడొచ్చు. ఆమె చేతిలో ఫోన్ పట్టుకుని సెల్ఫీ కెమెరా వైపు చూస్తూ వీడియో తీస్తుండగా.. ఆ నాగుపాము ఆమె మెడ పై అటు ఇటు కదులుతూ పడక విప్పడం మీరు గమనించవచ్చు. అంతేకాకుండా అది ఎప్పుడైనా దాడి చేసేలా క్షణక్షణం గుసలు కొడుతూ కనిపించడం తీవ్ర భయాందోళన కలిగిస్తోంది. ఏమాత్రం అటు ఇటు పొరపాటున కంటి రెప్పపాటు తేడాతో వచ్చి నేరుగా ముఖంతో పాటు మెడపై కాటు వేసే ప్రమాదం ఉన్నప్పటికీ.. ఆ మహిళ మాత్రం అస్సలు బెదరకుండా వీడియో తీస్తూ ఉండడం మీరు చూడొచ్చు.

ఈ వీడియో పాతదే అయినప్పటికీ. ఇటీవల సోషల్ మీడియాలో ఊహించని రీతిలో లక్షలాది వ్యూస్తో మళ్ళీ వైరల్ గా మారింది. ఈ వీడియో చూసిన సోషల్ మీడియా వినియోగదారులు అయితే.. రెచ్చిపోయి మరీ కామెంట్లు చేస్తున్నారు.. సోషల్ మీడియాలో హైప్ సాధించడానికి ఇలా విష్ణు సర్పాలతో ఆటలాడడం అస్సలు మంచిది కాదని కొంతమంది వన్యప్రాణి సంరక్షకులు సైతం కామెంట్లు పెడుతూ వస్తున్నారు. ఇది ధైర్యం కాదు ముమ్మాటికి ప్రాణాలతో చెలగాటమే అంటూ మరికొంతమంది కామెంట్లు చేస్తూ వస్తున్నారు. ఏది ఏమైనప్పటికీ యువతను తప్పుదోవ పట్టించే అవకాశం ఉందని.. ఇలాంటి వీడియోలను సోషల్ మీడియాలో పోస్ట్ చేయకూడదని కొందరు కామెంట్లలో తెలుపుతున్నారు..

సాధారణంగా చాలామంది పాములను చూస్తేనే భయపడిపోతూ ఉంటారు.. అలాంటిది ఈ మహిళ ఏమాత్రం భయపడకుండా పాముని పట్టుకొని ఆడడం చూస్తుంటే.. ఇది పెంపుడుపామని అర్థం అయిపోతోంది.. చాలామంది పాములు పట్టేవారు ఎక్కువగా ఇలా పెంచుకుంటారని.. వాటి ద్వారా వారు డబ్బులు సంపాదిస్తారని కొంతమంది చెబుతూ వస్తున్నారు. అయితే, ఇలా పామును హింసించడం అస్సలు మంచిది కాదని వన్యప్రాణి సంరక్షకులు సైతం ఆగ్రహం వ్యక్తం చేస్తున్నారు. ఇలా చేస్తున్న ఈ మహిళపై తప్పకుండా కఠినమైన చర్యలు తీసుకోవాలని వారంటున్నారు.