ఎయిర్‌టెల్ సంచలనం.. రూ.185 ప్లాన్‌తో అన్‌లిమిటెడ్ వాయిస్ కాల్స్! టెలికాం రంగంలో తొలి ఆపరేటర్‌గా రికార్డ్!

Airtel Voice Only Recharge Plan: గత సెప్టెంబర్ నెలలో డేటా వాడే వినియోగదారుల కోసం టెలికాం కంపెనీలకు కొన్ని ఆదేశాలు జారీ అయ్యాయి. కేవలం వాయిస్, ఎస్ఎంఎస్ ప్లాన్లను అందుబాటులోకి తీసుకురావాలని అన్ని టెలికాం కంపెనీలకు సూచించింది. అలాగే, ట్రయ్‌ కొత్త నిబంధనల ప్రకారం 30 రోజులు లేదా అంతకంటే తక్కువ కాలపరిమితితో, ప్రతి నెలా ఒకే తేదీన రీఛార్జ్ చేసుకునే సదుపాయాన్ని కల్పించాలని ఆదేశించింది. ఈ నేపథ్యంలో, టెలికాం దిగ్గజం ఎయిర్‌టెల్ తన వినియోగదారులకు శుభవార్త అందించడమే కాకుండా, నిబంధనలు పాటించిన తొలి ఆపరేటర్‌గా రికార్డు సృష్టించింది. డేటా లేకుండా అన్లిమిటెడ్ వాయిస్ కాల్స్ మరియు ఎస్ఎంఎస్ సౌకర్యాన్ని రూ.185 నుండి ప్రారంభించింది. ఈ ప్రీపెయిడ్ ప్లాన్‌లు ప్రధానంగా డేటా అవసరం లేని వారికి, ఫీచర్ ఫోన్ వాడే వారికి ఎంతో ఉపయోగపడతాయి. ట్రai గడువు అక్టోబర్ 21తో ముగియనుంది, అయితే జియో, వోడాఫోన్ ఐడియా వంటి కంపెనీలు ఇంకా ఇలాంటి ప్లాన్లను తీసుకురాలేదు.

ఎయిర్‌టెల్ ప్రధానంగా రూ.185, రూ.203, రూ.206 ప్లాన్లను పరిచయం చేసింది. ఇవి కేవలం వాయిస్, ఎస్ఎంఎస్ ప్రీపెయిడ్ ప్లాన్‌లు మాత్రమే. ఈ మూడింటిలో కూడా అపరిమిత కాలింగ్, రోమింగ్ కాల్స్, 300 ఎస్ఎంఎస్ సౌకర్యం లభిస్తుంది. వీటి వాలిడిటీ 28 నుండి 30 రోజుల వరకు ఉంటుంది. ఇందులో మొబైల్ డేటా ఉండదు, కానీ ఫ్రీ హలో ట్యూన్స్ అందుబాటులో ఉంటాయి. వినియోగదారులు ఎయిర్‌టెల్ యాప్ లేదా వెబ్‌సైట్ ద్వారా వీటిని రీఛార్జ్ చేసుకోవచ్చు.

ఎయిర్‌టెల్ రూ.185 ప్లాన్‌ వివరాల్లోకి వెళ్తే, ఇది 28 రోజుల వాలిడిటీని అందిస్తుంది. ఇందులో అపరిమిత కాలింగ్, 300 ఎస్ఎంఎస్ సౌకర్యం ఉంటుంది.
అదేవిధంగా, ఎయిర్‌టెల్ రూ.203 ప్రీపెయిడ్ ప్లాన్‌లో అపరిమిత లోకల్, ఎస్టీడీ, రోమింగ్ కాల్స్‌తో పాటు 300 ఎస్ఎంఎస్‌లు లభిస్తాయి, దీని వాలిడిటీ 30 రోజులు ఉంటుంది. ఇందులో కూడా మొబైల్ డేటా ఉండదు.  ఫీచర్ ఫోన్ వాడే వారు దీనిని కూడా రీఛార్జ్ చేసుకోవచ్చు.

Read Also: ఎయిర్‌టెల్ యూజర్లకు అలర్ట్.. రూ.2,249 ప్లాన్‌లో పెద్ద ట్విస్ట్ ఇచ్చేసిన టెలికాం దిగ్గజం!
 

ఫీచర్ ఫోన్ వాడేవారికి లేదా డేటా అవసరం లేని వారికి అదనంగా డబ్బు పెట్టి డేటా ప్యాక్స్‌ను కొనాల్సిన అవసరం లేదు. ఇకపై ఇలాంటి వాయిస్ కాలింగ్, ఎస్ఎంఎస్ సౌకర్యం ఉన్న ప్లాన్లతోనే తమ అవసరాలను తీర్చుకోవచ్చు. ఇది వరకు డేటా వాడని అమ్మలు, బామ్మలకు కూడా డేటా ఉండే ప్లాన్‌తో రీఛార్జీ చేయాల్సి వచ్చేది. ఇక ప్రైవేటు దిగ్గజ కంపెనీ తీసుకున్న నిర్ణయంతో ఇతర టెలికాం కంపెనీలు కూడా ఇదే ఫాలో అవుతారో లేదో చూడాలి.