Xiaomi 18 Pro Series: 200MP కెమెరాలు, 7000mAh బ్యాటరీ.. Xiaomi కొత్త ఫోన్లలో అదిరిపోయే ఫీచర్లు!

Xiaomi 18 Pro: ప్రముఖ అంతర్జాతీయ స్మార్ట్‌ఫోన్ దిగ్గజం షియోమీ తన సరికొత్త ఫ్లాగ్‌షిప్ మొబైల్‌ షియోమీ 18 ప్రో సిరీస్‌ను గ్లోబల్ మార్కెట్‌లోకి లాంచ్‌ చేసేందుకు సిద్ధమైంది.. ఇటీవల చైనాలో లాంచ్ అయ్యి.. విశేషమైన ఆదరణ కూడా దక్కించుకున్న ఈ సిరీస్‌ను అంతర్జాతీయ వినియోగదారుల కోసం అందుబాటులోకి రాబోతున్నట్లు తెలుస్తోంది. ఈ లైనప్‌లో భాగంగా షియోమీ 18 ప్రో, షియోమీ 18 ప్రో మ్యాక్స్ అనే రెండు మోడల్స్‌ను అందుబాటులోకి తీసుకు రాబోతున్నట్లు వార్తలు వస్తున్నాయి. అయితే, ఈ స్మార్ట్‌ఫోన్‌కి సంబంధించిన అన్ని రకాల వివరాలు ఇప్పుడు మనం తెలుసుకుందాం..

సోషల్ మీడియాలో అందించిన సమాచారం ప్రకారం.. నవంబర్ 17వ తేదీన ఫ్రాన్స్‌లోని పారిస్‌లో నిర్వహించనున్న ప్రత్యేక కార్యక్రమంలో ఈ స్మార్ట్‌ఫోన్‌లు ప్రపంచవ్యాప్తంగా విడుదల కాబోతున్నట్లు తెలుస్తోంది. వెనుక వైపులో కూడా అద్భుతమైన సెకండరీ డిస్‌ప్లేతో పాటు ప్రత్యేకమైన కెమెరా సెటప్‌తో లైకా భాగస్వామ్యంతో అందుబాటులోకి రాబోతోంది. అంతేకాకుండా డ్యూయల్ 200 మెగాపిక్సెల్ సెన్సార్లతో విడుదల కాబోతున్నట్లు తెలుస్తోంది.. గ్లోబల్ వేరియంట్లు కూడా చైనీస్ మోడల్ తరహా స్పెసిఫికేషన్లతోనే అందుబాటులోకి రాబోతున్నట్లు సమాచారం..

ఈ స్మార్ట్‌ఫోన్‌ మోడల్స్‌ 120Hz రిఫ్రెష్ రేట్‌తో పాటు 4,000 నిట్స్ గరిష్ట బ్రైట్‌నెస్‌తో కూడిన 6.4-అంగుళాల ఫుల్ హెచ్‌డీ ప్లస్‌ అమోలెడ్ (AMOLED) డిస్‌ప్లేను కూడా కలిగి ఉండబోతున్నట్లు తెలుస్తోంది.. అంతేకాకుండా వెనుక ప్యానెల్‌పై నోటిఫికేషన్లతో పాటు, సెల్ఫీ ప్రివ్యూల కోసం 120Hz రిఫ్రెష్ రేట్‌కు సపోర్ట్‌తో 2.7-అంగుళాల అమోలెడ్ సెకండరీ స్క్రీన్‌ సపోర్ట్‌ను కూడా కలిగి ఉంటుంది. ఇది ఎంతో శక్తివంతమైన శక్తివంతమైన స్నాప్‌డ్రాగన్ 8 ఎలైట్ జెన్ 6 చిప్‌సెట్‌తో అందుబాటులోకి రాబోతున్నట్లు తెలుస్తోంది. అంతేకాకుండా ఆండ్రాయిడ్ 17 ఆధారిత హైపర్‌ఓఎస్ 4 (HyperOS 4) ఆపరేటింగ్‌ సిస్టమ్‌తో లాంచ్‌ కానుంది. ఇందులో 16GB వరకు ర్యామ్, 1TB ఇంటర్నల్ స్టోరేజ్ అందుబాటులో ఉండే అవకాశాలు ఉన్నట్లు తెలుస్తోంది..

కెమెరా వివరాల్లోకి వెళితే.. ఇది OIS సపోర్ట్‌తో 200MP మెయిన్ సెన్సార్‌తో పాటు 200MP పెరిస్కోప్ టెలిఫోటో లెన్స్, 50MP అల్ట్రావైడ్ కెమెరాతో చాలా ప్రత్యేకమైన ట్రిపుల్ రియర్ కెమెరా సపోర్ట్‌ను కూడా కలిగి ఉంటుంది. సెల్ఫీల కోసం.. 50MP ఫ్రంట్ కెమెరాను కూడా అందుబాటులోకి తీసుకు వచ్చారు. ఈ డివైజ్‌లో 7,000mAh భారీ బ్యాటరీని కూడా కలిగి ఉంటుంది. ఇది 100W వైర్డ్, 50W వైర్‌లెస్ ఫాస్ట్ ఛార్జింగ్‌తో పాటు 27W రివర్స్ వైర్డ్ ఛార్జింగ్‌కు సపోర్ట్ చేస్తుంది..

ఈ సిరీస్‌లోని షియోమీ 18 ప్రో మ్యాక్స్‌లో 6.9-అంగుళాల భారీ ఫుల్ హెచ్‌డీ ప్లస్‌ అమోలెడ్ డిస్‌ప్లేను కూడా కలిగి ఉంటుంది.. వెనుక వైపు 2.9-అంగుళాల సెకండరీ డిస్‌ప్లే కూడా లభించబోతోంది. ఈ మోడల్  స్నాప్‌డ్రాగన్ 8 ఎలైట్ ఎక్స్‌ట్రీమ్ జెన్ 6 ప్రాసెసర్‌తో అందుబాటులోకి రానుంది. ఇందులోనూ 16GB ర్యామ్‌తో పాటు 1TB స్టోరేజ్, హైపర్‌ఓఎస్ 4తో పాటు 200MP కెమెరా, అదనంగా.. 200MP కెమెరా, 50MP రియర్ కెమెరాతో పాటు 50MP ఫ్రంట్ కెమెరా సెటప్ అందించారు.