8th Pay Commission: రూ.47,600 బేసిక్ జీతం.. కొత్త పే కమిషన్‌తో రూ.1.5 లక్షలు..కేంద్ర ఉద్యోగులకు గుడ్ న్యూస్!

8వ వేతన సంఘం

కేంద్ర ప్రభుత్వ ఉద్యోగులకు 8వ వేతన సంఘం గురించి ఆసక్తి పెరుగుతోంది. ముఖ్యంగా లెవల్ 8 ఉద్యోగుల జీతం ఎంత వరకు పెరుగుతుందనే చర్చ జరుగుతోంది. ప్రస్తుతం లెవల్ 8లో ఉన్న ఉద్యోగికి కనీస బేసిక్ జీతం రూ.47,600గా ఉంది. 8వ వేతన సంఘం అమల్లోకి వచ్చిన తర్వాత ఈ జీతంలో గణనీయమైన మార్పు వచ్చే అవకాశం ఉందని అంచనాలు ఉన్నాయి.

8వ పే కమిషన్ హెచ్ఆర్ఏ

అయితే ఉద్యోగులు ఒక విషయం గుర్తుంచుకోవాలి. ఫిట్‌మెంట్ ఫ్యాక్టర్ ఎంత ఉంటే అంత శాతం మొత్తం జీతం పెరుగుతుందని అనుకోవడం సరైంది కాదు. ఫిట్‌మెంట్ ఫ్యాక్టర్ ప్రధానంగా కొత్త బేసిక్ పేను లెక్కించడానికి ఉపయోగిస్తారు. మొత్తం నెలవారీ జీతంలో డీఏ, హెచ్‌ఆర్‌ఏ, ట్రాన్స్‌పోర్ట్ అలవెన్స్ వంటి ఇతర అంశాలు కూడా ప్రభావం చూపుతాయి.

రూ.1.5 లక్షల జీతం

7వ వేతన సంఘం సమయంలో 2.57 ఫిట్‌మెంట్ ఫ్యాక్టర్‌ను ఉపయోగించారు. అయితే దీన్ని నేరుగా 157 శాతం జీతం పెరుగుదలగా భావించకూడదు. ఎందుకంటే అప్పటి జీతం లెక్కల్లో డీఏ, ఇతర అలవెన్సులు కూడా కీలకంగా ఉన్నాయి.

ప్రభుత్వ ఉద్యోగుల జీతాల పెంపు

ప్రస్తుతం 8వ వేతన సంఘం ఉద్యోగులు, పెన్షనర్లు, ఇతర వర్గాలతో సంప్రదింపులు నిర్వహిస్తోంది. అక్టోబర్ 7, 8 తేదీల్లో బెంగళూరులో, అక్టోబర్ 22, 23 తేదీల్లో ముంబైలో సమావేశాలు జరగనున్నాయి. సెప్టెంబర్‌లో కూడా చండీగఢ్, చెన్నై, పుదుచ్చేరి, జైపూర్ వంటి ప్రాంతాల్లో చర్చలు జరిగినట్లు సమాచారం.

లెవల్ 8 బేసిక్ పే

ఒక ఉదాహరణగా, ప్రస్తుతం లెవల్ 8 ఉద్యోగి బేసిక్ జీతం రూ.47,600, స్థూల జీతం సుమారు రూ.90,440గా తీసుకుని లెక్కలు వేస్తున్నారు. ప్రస్తుత డీఏ 60 శాతం, హెచ్‌ఆర్‌ఏ 30 శాతం అని, కొత్త విధానంలో హెచ్‌ఆర్‌ఏ 24 శాతంగా ఉంటుందని ఒక అంచనా లెక్కలో పరిగణించారు.

8వ సీపీసీ జీతం

అలాగే 8వ వేతన సంఘం సిఫార్సులు 2027 రెండో భాగంలో ఆమోదం పొందితే అప్పటి డీఏ స్థాయి కూడా తుది జీతంపై ప్రభావం చూపుతుంది. కొత్త పే నిర్మాణంలో డీఏను మళ్లీ సున్నా నుంచి ప్రారంభించే విధానం ఉండొచ్చని అంచనా. అందువల్ల లెవల్ 8 ఉద్యోగుల జీతం రూ.1.5 లక్షలు దాటుతుందా లేదా అనేది ఇప్పుడే ఖచ్చితంగా చెప్పలేం. తుది ఫిట్‌మెంట్ ఫ్యాక్టర్, డీఏ, హెచ్‌ఆర్‌ఏ, ఇతర అలవెన్సులపై ఆధారపడి అసలు జీతం నిర్ణయమవుతుంది.