ATM Cash Withdrawal: ATM నుంచి క్యాష్ తీసుకునే ముందు ఇది తెలుసుకోండి.. లేకపోతే అదనంగా ఛార్జ్!

బ్యాంక్ ATM నియమాలు

RBI నిబంధనల ప్రకారం, సాధారణ సేవింగ్స్ ఖాతాదారులకు తమ బ్యాంకు ATMలలో ప్రతి నెల కనీసం 5 ఉచిత ఆర్థిక లావాదేవీలు అందుబాటులో ఉండాలి. ఇతర బ్యాంకుల ATMలను ఉపయోగించినప్పుడు ఈ పరిమితి ప్రాంతాన్ని బట్టి మారుతుంది.

ATM విత్‌డ్రా ఫీజు

ముంబై, ఢిల్లీ, చెన్నై, కోల్‌కతా, బెంగళూరు, హైదరాబాద్ వంటి ఆరు మెట్రో నగరాల్లో ఇతర బ్యాంకుల ATMలపై నెలకు కనీసం 3 ఉచిత లావాదేవీలు ఉంటాయి. ఈ నగరాల వెలుపల ఇతర ప్రాంతాల్లో నెలకు కనీసం 5 ఉచిత లావాదేవీలు ఉంటాయి. ఈ ఉచిత పరిమితి పూర్తయిన తర్వాత బ్యాంకులు ATM లావాదేవీపై గరిష్ఠంగా రూ.23తో పాటు వర్తించే పన్నులను వసూలు చేయవచ్చు. ఉదాహరణకు రూ.23పై 18 శాతం GST కలిపితే మొత్తం ఛార్జీ రూ.27.14 అవుతుంది.

SBI నియమాలు

SBI సాధారణ సేవింగ్స్ ఖాతాదారులకు ఇతర బ్యాంకుల ATMలపై మెట్రో నగరాల్లో 3, ఇతర ప్రాంతాల్లో 5 ఉచిత లావాదేవీలను అందిస్తుంది. ఉచిత పరిమితి దాటిన తర్వాత నగదు ఉపసంహరణకు రూ.23తో పాటు GST వర్తించవచ్చు. SBIలో కొన్ని ఖాతాల విషయంలో ఉచిత లావాదేవీల సంఖ్య ఖాతా రకం, బ్యాలెన్స్ ఆధారంగా మారవచ్చు.

PNB ఛార్జీలు

PNB సేవింగ్స్ ఖాతాదారులకు తమ ATMలలో నెలకు 5 ఉచిత లావాదేవీలు ఉంటాయి. ఇతర బ్యాంకుల ATMలలో మెట్రో ప్రాంతాల్లో 3, ఇతర ప్రాంతాల్లో 5 ఉచిత లావాదేవీలు లభిస్తాయి. పరిమితి దాటితే నగదు లావాదేవీకి రూ.23తో పాటు పన్నులు వర్తించవచ్చు.

ATM విత్‌డ్రా ఫీజు

ICICI Bank సేవింగ్స్ ఖాతాల్లో తమ ATMలపై మొదటి 5 ఆర్థిక లావాదేవీలు ఉచితం. ఇతర బ్యాంకుల ATMలపై మెట్రో నగరాల్లో 3, ఇతర ప్రాంతాల్లో 5 ఉచిత లావాదేవీలు ఉంటాయి. పరిమితి తర్వాత నగదు ఉపసంహరణకు రూ.23తో పాటు GST వర్తిస్తుంది. HDFC Bankలో కూడా సాధారణంగా తమ ATMలపై 5, ఇతర బ్యాంకుల ATMలపై మెట్రో ప్రాంతాల్లో 3, ఇతర ప్రాంతాల్లో 5 ఉచిత లావాదేవీలు ఉంటాయి. ఉచిత పరిమితి పూర్తయ్యాక నగదు తీసుకుంటే రూ.23తో పాటు పన్నులు చెల్లించాల్సి ఉంటుంది. అందువల్ల ATM నుంచి తరచుగా నగదు తీసుకునే వారు నెలలో ఎన్ని లావాదేవీలు చేశారో గమనించడం మంచిది. ఉచిత పరిమితిని దాటకుండా చూసుకుంటే అనవసరమైన ఛార్జీలను తగ్గించుకోవచ్చు.