- జీ తెలుగు న్యూస్
- /ఫోటోలు
- /Khushbu Sundar: మహిళల శరీరం ఎంటర్‌టైన్‌మెంట్ కోసం కాదు.. జాన్వీ కపూర్ చుట్టమల్లే పాటపై ఖుష్బూ సుందర్…
Khushbu Sundar: మహిళల శరీరం ఎంటర్‌టైన్‌మెంట్ కోసం కాదు.. జాన్వీ కపూర్ చుట్టమల్లే పాటపై ఖుష్బూ సుందర్…
Written ByVishnu Priya
Published: Oct 04, 2026, 05:19 PM IST|Updated: Oct 04, 2026, 05:27 PM IST
Khushbu Sundar: ఆర్టిఫిషియల్ ఇంటెలిజెన్స్ (AI) టెక్నాలజీ రోజురోజుకూ పెరుగుతోంది. అయితే ఈ టెక్నాలజీని తప్పుగా ఉపయోగించడం వల్ల చాలా సమస్యలు కూడా వస్తున్నాయి. ముఖ్యంగా సినీ తారల ఫొటోలు, వీడియోలను మార్ఫింగ్ చేసి సోషల్ మీడియాలో ప్రచారం చేయడం ఇప్పుడు పెద్ద సమస్యగా మారింది. తాజాగా నటి జాన్వీ కపూర్‌కు సంబంధించిన ఓ మార్ఫింగ్ వీడియోపై నటి, రాజకీయ నాయకురాలు ఖుష్బూ సుందర్ తీవ్రంగా స్పందించారు.
1/5ఖుష్బూ సుందర్ ఏఐ వీడియో
జాన్వీ కపూర్, జూనియర్ ఎన్టీఆర్ కలిసి నటించిన దేవర సినిమాలోని చుట్టమల్లే పాటలోని జాన్వీ లుక్‌ను ఉపయోగించి ఈ డిజిటల్ వీడియోను తయారు చేసినట్లు తెలుస్తోంది. జాన్వీ అనుమతి లేకుండా ఆమె రూపాన్ని మార్చి వీడియోను తయారు చేయడంపై సోషల్ మీడియాలో కూడా ఆందోళన వ్యక్తమవుతోంది.
2/5ఖుష్బూ సుందర్
ఈ ఘటనపై ఖుష్బూ సుందర్ సోషల్ మీడియా వేదికగా స్పందించారు. ఒక మహిళగా మరో మహిళపై జరుగుతున్న ఇలాంటి దాడిని చూస్తూ తాను మౌనంగా ఉండలేనని ఆమె అన్నారు. AIని ఉపయోగించి ఒక మహిళను అవమానించడం, ఆమె గౌరవాన్ని దెబ్బతీయడం ఏమాత్రం సరైనది కాదని స్పష్టం చేశారు.
3/5జాన్వీ కపూర్ ఏఐ వీడియో
ఇలాంటి వీడియోలను తయారు చేయడం మాత్రమే కాదు, వాటిని సోషల్ మీడియాలో షేర్ చేయడం, ప్రచారం చేయడం కూడా తప్పేనని ఖుష్బూ అన్నారు. టెక్నాలజీని ఒకరి గౌరవాన్ని దెబ్బతీయడానికి ఆయుధంగా మార్చకూడదని చెప్పారు. “ఈ రోజు బాధితురాలు జాన్వీ కావచ్చు. రేపు నేను కావచ్చు, మీరు కావచ్చు, మన కుమార్తె కావచ్చు, మన తల్లి లేదా సోదరి కావచ్చు” అనే భావనతో మహిళలంతా ఇలాంటి ఘటనలను వ్యతిరేకించాలని ఖుష్బూ పిలుపునిచ్చారు.
4/5జాన్వీ కపూర్ మార్ఫింగ్ వీడియో
ఇలాంటి మార్ఫింగ్ కంటెంట్‌ను తయారు చేసే వారిపై, కావాలని ప్రచారం చేసే వారిపై చట్టపరమైన చర్యలు తీసుకోవాలని ఆమె కోరారు. తప్పు చేసిన వారికి శిక్ష పడితేనే ఇలాంటి ఘటనలు తగ్గుతాయని అన్నారు. అంతేకాదు, “మహిళ శరీరం ఎంటర్‌టైన్‌మెంట్ కంటెంట్ కాదు. ఆమె గౌరవం వినోదం కాదు. ఆమెను అవమానించడం జోక్ కాదు” అని ఖుష్బూ స్పష్టం చేశారు. జాన్వీకి ధైర్యం చెబుతూ తాను ఆమెకు అండగా ఉంటానని తెలిపారు.
5/5జాన్వీ కపూర్
ఇటీవల జూనియర్ ఎన్టీఆర్ కూడా AI ద్వారా తయారు చేస్తున్న నకిలీ వీడియోలపై స్పందించారు. ఇలాంటి వీడియోలు తయారు చేసే వారిపై, వాటిని ప్రచారం చేసే వారిపై చట్టపరమైన చర్యలు తీసుకోవచ్చని హెచ్చరించారు. నటులు విజయ్ దేవరకొండ, చిరంజీవి కూడా AI దుర్వినియోగాన్ని వ్యతిరేకించారు. AI టెక్నాలజీ ఉపయోగకరమైనదే అయినప్పటికీ, దాన్ని బాధ్యతగా ఉపయోగించడం ప్రతి ఒక్కరి బాధ్యత.TAGS:
Trending
- News
- Photos
- Videos
)