Rashmika Mandanna: పెళ్లయిన వ్యక్తితో ప్రేమ.. ఇంటి నుంచి వచ్చేసిన ఎంఎస్ సుబ్బలక్ష్మి.. రష్మిక నటిస్తున్న బయోపిక్‌లో లవ్ స్టోరీ ఇదే..!

రష్మిక లేటెస్ట్ న్యూస్

రష్మిక ఇప్పటివరకు ఎన్నో విభిన్నమైన పాత్రలు చేసింది. అయితే ఎంఎస్ సుబ్బులక్ష్మి వంటి గొప్ప కళాకారిణి పాత్రలో కనిపించడం ఆమె కెరీర్‌లో మరో ప్రత్యేకమైన ప్రయత్నంగా నిలిచే అవకాశం ఉంది. సంగీతం, వ్యక్తిగత జీవితం, కుటుంబం, కష్టాలు, విజయాలు ఇలా ఆమె జీవితంలో ఎన్నో ఆసక్తికరమైన అంశాలు ఉన్నాయి.

ఎంఎస్ సుబ్బలక్ష్మి బయోపిక్

ఈ బయోపిక్ గురించి చర్చ జరుగుతున్న సమయంలో సుబ్బులక్ష్మి వ్యక్తిగత జీవితంపై కూడా ప్రేక్షకుల దృష్టి పడుతోంది. ఆమె జీవితంలో టి. సదాశివంతో ఉన్న అనుబంధం చాలా ముఖ్యమైనది. 1936 ప్రాంతంలో సుబ్బులక్ష్మికి సదాశివంతో పరిచయం ఏర్పడినట్లు జీవిత చరిత్రలు చెబుతున్నాయి. తరువాత ఆయన ఆమె జీవితంలో ముఖ్యమైన వ్యక్తిగా మారారు.

సుబ్బలక్ష్మి లవ్ స్టోరీ

సదాశివం ఆమె సంగీత, సినీ ప్రయాణానికి ఎంతో సహకరించారు. సుబ్బులక్ష్మి సినిమాల్లోకి రావడంలో కూడా ఆయన పాత్ర ఉందని పలు జీవిత చరిత్రల్లో పేర్కొన్నారు. ఇద్దరూ 1940లో వివాహం చేసుకున్నారు. సదాశివానికి మొదటి భార్య ద్వారా ఉన్న పిల్లలను కూడా సుబ్బులక్ష్మి ప్రేమగా చూసుకున్నారని సమాచారం.

ఎంఎస్ సుబ్బలక్ష్మి

అయితే సదాశివంతో వివాహానికి ముందు సుబ్బులక్ష్మి, ప్రముఖ కర్ణాటక సంగీత కళాకారుడు జి.ఎన్. బాలసుబ్రహ్మణ్యంతో సన్నిహితంగా ఉన్నారని కొన్ని రచనలు పేర్కొంటాయి. ఇద్దరూ కలిసి శకుంతలై అనే చిత్రంలో నటించారు. ఆ సమయంలో వారిద్దరి మధ్య ప్రేమ భావాలు ఏర్పడ్డాయని కొన్ని జీవిత చరిత్రలు చెబుతున్నాయి. అయితే ఆ సంబంధం ఎక్కువ కాలం కొనసాగలేదని కూడా పేర్కొంటాయి.

రష్మిక మందన్న

అందుకే బయోపిక్‌లో సుబ్బులక్ష్మి సంగీత జీవితంతో పాటు ఆమె వ్యక్తిగత జీవితాన్ని దర్శకుడు ఎలా చూపిస్తారనే విషయం ఆసక్తికరంగా మారింది. ప్రేమ, వివాహం, కుటుంబ జీవితం, సంగీత ప్రయాణం వంటి అంశాలను సినిమాలో ఎంతవరకు చూపిస్తారో చూడాలి. రష్మిక ఈ పాత్రను ఎలా పోషిస్తుందో తెలుసుకోవడానికి అభిమానులు ఆసక్తిగా ఎదురుచూస్తున్నారు. అయితే సినిమా కథ, దర్శకుడు, ఇతర నటీనటులు వంటి పూర్తి వివరాలు అధికారికంగా వెల్లడైన తర్వాతే స్పష్టత వచ్చే అవకాశం ఉంది.