విశాఖ వాసులకు గుడ్ న్యూస్.. చర్లపల్లికి స్పెషల్ ట్రైన్! కానీ ఆ రూట్లలో పలు రైళ్లు రద్దు!

ప్రత్యేక రైలు

దసరా, బతుకమ్మ పండుగ సందర్భంగా ఇప్పటికే సౌత్ కోస్ట్ రైల్వే ప్రత్యేక రైళ్లను నడుపుతోంది. అయితే, చర్లపల్లి నుండి విశాఖపట్నం మధ్య ప్రయాణికుల డిమాండ్, రద్దీ ఎక్కువగా ఉండటంతో ఈ కొత్త ప్రత్యేక రైలును ఏర్పాటు చేశారు.

చర్లపల్లి నుండి విశాఖపట్నం

ట్రైన్ నంబర్ 07067 చర్లపల్లి నుండి విశాఖపట్నం స్పెషల్ ఎక్స్‌ప్రెస్, ఈరోజు గురువారం రాత్రి 9 గంటలకు బయలుదేరి, రేపు శుక్రవారం అర్ధరాత్రి 12:05 గంటల సమయంలో విశాఖపట్నం చేరుకుంటుంది.

పండుగ స్పెషల్ ట్రైన్

అదేవిధంగా, విశాఖపట్నం నుండి చర్లపల్లికి వెళ్లే ట్రైన్ నంబర్ 07068 స్పెషల్ ఎక్స్‌ప్రెస్, అక్టోబర్ 16న శుక్రవారం మధ్యాహ్నం 3:50 గంటలకు బయలుదేరి, మరుసటి రోజు శనివారం ఉదయం 5 గంటలకు చర్లపల్లి చేరుకుంటుంది.

దక్షిణ మధ్య రైల్వే

ఈ రైలు ప్రధానంగా నల్గొండ, మిర్యాలగూడ, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, తుని, అనకాపల్లి, దువ్వాడ వంటి స్టేషన్లలో ఆగుతుంది. ఈ రైలులో మొత్తం 22 ఎల్‌ఎచ్‌బీ కోచ్‌లు ఉంటాయి.

రైళ్లను రద్దు

ఇందులో రెండు జనరల్ సీటింగ్, ఒక జనరల్ సీటింగ్ కమ్ లగేజీ, ఒక మోటార్ కార్, నాలుగు సెకండ్ క్లాస్ ఏసీ, 8 స్లీపర్ క్లాస్, మిగిలినవి ఏసీ కోచ్‌లు కలిపి మొత్తం 22 కోచ్‌లు ఉన్నాయి. అయితే, సౌత్ కోస్ట్ రైల్వే పరిధిలోని ఝార్సీగూడ రైల్వే యార్డులో పునరుద్ధరణ పనుల కారణంగా కొన్ని రైళ్లను రద్దు చేయడమే కాకుండా, కొన్నింటి మార్గాలను మార్చారు.

భారతీయ రైల్వే

కాబట్టి ప్రయాణం చేసే ముందు మీరు వివరాలను తనిఖీ చేసుకోవడం మంచిది. ముఖ్యంగా చర్లపల్లి నుండి దర్భంగ అలాగే నాందేడ్ నుండి సంత్రగచ్చి, సత్తన్‌పల్లి నుండి నాందేడ్ వెళ్లే రైళ్లను రద్దు చేశారు. అలాగే యశ్వంత్ పూర్ నుండి టాటానగర్ వెళ్లే రైలును మళ్ళించారు.