Tamannaah Bhatia: తమన్నా సినిమా.. ఇదేం పిచ్చి..థియేటర్లలో ఏం చేశారో తెలుసా..?

సిద్ధార్థ్ మల్హోత్రా సినిమా

తమన్నా భాటియా, సిద్ధార్థ్ మల్హోత్రా జంటగా నటించిన ‘ది వాన్’ (The Vvaan: Force of the Forrest) సినిమా ఇప్పుడు సోషల్ మీడియాలో హాట్ టాపిక్‌గా మారింది. సినిమా చూసేందుకు వచ్చిన కొందరు ప్రేక్షకులు చేస్తున్న పనులు అందరినీ ఆశ్చర్యపరుస్తున్నాయి. సాధారణంగా సినిమా అంటే థియేటర్‌కు వెళ్లి రెండు మూడు గంటలు సినిమా చూసి ఇంటికి వెళ్లిపోతాం. కానీ ‘ది వాన్’ విషయంలో మాత్రం కొందరు ప్రేక్షకులు సినిమాను ఒక ఆధ్యాత్మిక అనుభూతిగా భావిస్తున్నట్లు కనిపిస్తోంది.

ది వాన్

బిహార్‌లోని 400 ఏళ్ల నాటి వన్ దేవి ఆలయానికి సంబంధించిన కథ, స్థానిక నమ్మకాలు, సంప్రదాయాల నేపథ్యంతో ఈ సినిమాను తెరకెక్కించినట్లు తెలుస్తోంది. ఈ కారణంగా అక్కడి ప్రేక్షకులకు సినిమా కథతో ప్రత్యేకమైన అనుబంధం ఏర్పడుతోంది. కొందరు థియేటర్‌లోకి వెళ్లే ముందు చెప్పులు బయటే వదిలేస్తున్నారు. సినిమా ప్రదర్శన సమయంలో వచ్చే పూజా సన్నివేశాలను భక్తితో చూస్తున్నారు.

ది వాన్ థియేటర్లు

ఇక మరికొందరు ప్రేక్షకులు సినిమా చూసిన తర్వాత థియేటర్‌లోనే ప్రసాదాలు పంచడం కూడా చేస్తున్నారు. దీనికి సంబంధించిన వీడియోలు ఇప్పుడు సోషల్ మీడియాలో వైరల్ అవుతున్నాయి. థియేటర్‌లో సినిమా చూస్తున్న ప్రేక్షకులు ప్రసాదాలు తీసుకుంటున్న దృశ్యాలు కూడా కనిపిస్తున్నాయి. సినిమా కోసం ప్రేక్షకులు ఇంతలా స్పందించడం చూసి నెటిజన్లు ఆశ్చర్యం వ్యక్తం చేస్తున్నారు.

బిహార్‌లో ది వాన్

మరోవైపు ‘ది వాన్’ బాక్సాఫీస్ వద్ద కూడా మంచి వసూళ్లను సాధిస్తోంది. విడుదలైన ఆరో రోజు వరకు ఈ సినిమా దేశీయ బాక్సాఫీస్ వద్ద సుమారు రూ.49.20 కోట్లు వసూలు చేసినట్లు నివేదికలు చెబుతున్నాయి. తొలి రోజున రూ.8 కోట్లతో ప్రారంభమైన ఈ సినిమా వీకెండ్‌లో మంచి వృద్ధిని చూపించింది.

ది వాన్ ప్రేక్షకుల స్పందన

సిద్ధార్థ్ మల్హోత్రా ఇందులో రిషి అనే పాత్రలో కనిపించగా, తమన్నా భాటియా మమత పాత్రలో నటించింది. బిహార్‌లోని దేవాంచల్ గ్రామం నేపథ్యంలో సాగే ఈ కథలో చఠ్ పూజా సమయంలో జరిగే కొన్ని సంఘటనలు కీలకంగా ఉంటాయి.