శ్రీవారి నవరాత్రి బ్రహ్మోత్సవాలకు సర్వం సిద్ధం.. నేడు ఘనంగా అంకురార్పణ ఘట్టం!

తిరుమల నవరాత్రి బ్రహ్మోత్సవాలు 2026

ప్రపంచ ప్రఖ్యాతి గాంచిన తిరుమలకు ప్రతిరోజూ వేల సంఖ్యలో భక్తులు వస్తుంటారు. ఇక్కడ నిత్య కళ్యాణం, పచ్చ తోరణంలా ఎప్పుడూ వేడుకలు జరుగుతూనే ఉంటాయి. అయితే, నవరాత్రుల సందర్భంగా ఈరోజు నుంచి బ్రహ్మోత్సవాలు కూడా ప్రారంభం కానున్నాయి.

తిరుమల అంకురార్పణ

తిరుమలలో అక్టోబర్ 11న రాత్రి అంకురార్పణతో పాటు సేనాధిపతి ఉత్సవం మొదలవుతుంది. యాగశాలలో శాస్త్రోక్తంగా ఈ ఘట్టాన్ని నిర్వహిస్తారు. ఆగమశాస్త్రం ప్రకారం అంకురార్పణ చేపట్టి నవధాన్యాలను మొలకెత్తిస్తారు. భూమండలం అంతా పాడిపంటలతో, పశుపక్షాదులతో సుభిక్షంగా ఉండాలని భగవంతుడిని ప్రార్థిస్తూ ఈ నవధాన్యాలను ఇలా చేస్తారు.

శ్రీవారి బ్రహ్మోత్సవాల షెడ్యూల్

శ్రీవారి సర్వ సైన్య అధ్యక్షుడు అయిన శ్రీ విశ్వక్సేనుడు ఆలయ నాలుగు మాడవీధుల్లో ఊరేగుతారు. బ్రహ్మోత్సవాల ఏర్పాట్లను పర్యవేక్షించేందుకు ఆయన మాడవీధుల్లో ఊరేగుతారని ప్రాశస్త్యం.

విశ్వక్సేన ఉత్సవం తిరుమల

ఈ నవధాన్యాలను మొలకెత్తించేందుకు భూదేవిని ప్రసన్నం చేసుకుంటూ మేదిని పూజ కూడా నిర్వహిస్తారు. ఆగమ శాస్త్రం ప్రకారం బీజవాపనం అత్యంత ముఖ్యమైనది. మట్టికుండలో పుట్టమను నింపి, నవగ్రహాల సంకేతంగా నవధాన్యాలను పోస్తారు. ఈ పద్ధతిలో నవధాన్యాలను తొమ్మిది రోజుల పాటు పెంచి, చివరి రోజున వాటిని వేరు చేసి స్వామివారికి అక్షతారోపణ నిర్వహిస్తారు.

తిరుమల తిరుపతి దేవస్థానం

తిరుమలలో అక్టోబర్ 11 నుంచి అంకురార్పణతో మొదలైన ఈ ఉత్సవాలు.. బంగారు తిరుచ్చి, పెద్దశేష వాహనం, చిన్న శేష వాహనం, హంస వాహనం, సింహ వాహనం, కల్పవృక్ష వాహనం, మోహిని అవతారం, హనుమంత వాహనం, సూర్యప్రభ వాహనం, చంద్రప్రభ వాహనం, స్వర్ణ రథం, అశ్వవాహనం, చక్రస్నానంతో ముగియనున్నాయి.