Pitru paksha 2026: సూసైడ్ లు, రోడ్డు ప్రమాదాల్లో మరణించిన వారికి మహాలయ పక్షాల్లో ఏరోజు పిండ ప్రదానం చేయాలి..?..

Pitru paksha pinda pradan rules and tradition: ప్రస్తుతం మనం పితృపక్షంలు జరుపుకుంటున్నాం. సెప్టెంబర్ 26న పౌర్ణమితో పితృపక్షం ప్రారంభమై, అక్టోబర్ 10న సర్వ పితృ (మహాలయ) అమావాస్యతో ముగుస్తుంది. ముఖ్యంగా ఈ పదిహేను రోజుల పాటు చనిపోయిన మన పూర్వీకులను స్మరించుకుంటూ పిండప్రదానాలు, తిలతర్పణాలు చేయాలి. కనీసం స్వయం పాకం లేదా సాహిత్యం అయిన చనిపోయిన వారి తిథి రోజున ఇవ్వాలి. ఈవిధంగా చేస్తే వారి ఆత్మలకు శాంతి చేకూరుతుందని చెబుతుంటారు. 

ముఖ్యంగా బ్రాహ్మణులకు అన్నదానం చేయడం, గోవులు, పక్షులు, ఇతర జంతువులకు ఆహారం, పేదలకు అన్న, వస్త్రదానాలు చేయడంతో  గతించిన పూర్వీకుల ఆత్మకు శాంతి చేకూరుతుందని పండితులు చెబుతున్నారు.  ఏడాదికి ఒక్కసారిపితృ దేవతలు భూమి మీదకు వస్తారని, వారి వంశస్తులు పెట్టే పిండ ప్రదానాలు, తిలతర్పణాల కోసం ఎదురు చూస్తుంటారని  పెద్దలు చెబుతారు. అయితే దీనిని శ్రద్దతో చేసిన వారికి పితృదేవతను ఆశీర్వదించి తమ లోకాలకు వెళ్లిపోతారని అనాదీగా ఈ ఆచారంను పాటిస్తున్నారు.

అయితే.. కొంత మంది ఏదైన ప్రమాదాలు లేదా ఆత్మహత్యలు చేసుకుని మరణిస్తారు. తమ నూరెళ్ల జీవితంను అర్థంతరంగా ముగించేస్తారు. ముఖ్యంగా ఆత్మహత్య అనేది మహాపాపంగా చెప్తారు. వీరికి అస్సలు శాంతి ఉండదని, జీవచ్చవంలా , కోరికలు తీరక తిరుగుతుంటారని చెబుతారు.  అందుకే ఇలాంటి వారికి మనం   పితృపక్షంలో అనాదీగా ప్రత్యేకంగా ఒక రోజున పిండ ప్రదానం చేయాలని చెబుతుంటారు. దీనిలో పాటు కొన్ని పరిహారాలు కూడా చేయాలని చెప్తారు. దీనిని
పాటిస్తే చనిపోయిన వారికి ముక్తి దొరుకుతుందని చెప్తుంటారు. 

ఆత్మహత్యలు,ఏదేనీ ప్రమాదాలు లేదా ఇతర అపమృత్యువు (అకాల మరణం) చెంది అసహజంగా చనిపోయిన వారిని  చతుర్దశి తిథి రోజున పిండ ప్రదానం చేయాలి. ఈ రోజున పిండ ప్రదానం, తర్పణాలు, దానధర్మాలు చేయడం ద్వారా అశాంతిగా ఉన్న ఆత్మలకు శాంతి, విముక్తి కలుగుతాయని హిందూ ధర్మ శాస్త్రాలు, పురాణాలు చెబుతున్నాయి.
వీరికి ఇష్టమైన వస్తువులు లేదా పదార్థాలు చేసి దానంగా ఇవ్వాలి.  ఇలా చేస్తే వారి ఆత్మలు శాంతించి పుణ్యలోకాలు ప్రాప్తిస్తాయని పండితులు చెబుతున్నారు.