బ్రాహ్మీ ముహూర్తం అంటే ఏమిటి..? ఈ సమయానికున్న ప్రాముఖ్యత..

Brahmi Muhurtham: తెల్లవారు జామున 3 గంటల నుండి 6 గంటల వరకు ఉన్న ముహూర్తాన్నే బ్రహ్మ ముహూర్త కాలంగా పరిగణిస్తారు. కాల సమయం దాదాపు 2 గంటలకు పైగా ఉంటుంది . ఈ రెండు గంటల  సమయములో ఓజోన్ అనేటటువంటిది గాలిలో ఎక్కువగా ఉంటుందట. ఇది శరీరానికి తగలడం వలన శరీరానికి  ఉత్తేజిత మవుతుందట.  కనుక అందరూ తెల్లవారు జామున అనగా ఉదయం 3 నుంచి 6 గంటల లోపల స్నానం చేస్తే విస్తృత ప్రయోజనాలు అందుకోవచ్చని శాస్త్ర వచనంతో పాటు శాస్త్రీయంగా నిరూపతమైంది. దీని వెనకాల మరో  కారణం కూడా ఉంది . ఆ బ్రహ్మముహూర్త కాల సమయంలో దేవతలు భూలోక సంచారం చేస్తుంటారట.

అందువలన ఆ సమయంలో చేసే స్నాన ధ్యానాదులతో  భగవంతుడు ప్రసన్నడవుతాడని శాస్త్రాలు చెబుతున్న మాట. అందుకే మన హిందూ సంప్రదాయ దేవాలయాలన్ని బ్రాహ్మి ముహూర్త కాలాంలోనే భగవంతుడి మేలు కొలుపు, సుప్రపాతం వంటివి చేస్తుంటారు. ఈ సమయంలో నిద్ర లేస్తే మనసు ఉల్లాసంగా ఉంటుందట.  అందువలన దీక్ష కాలమున బ్రహ్మ ముహూర్తమున నిద్రలేచి శిరస్నానమాచరించి స్వామిని సేవిస్తుంటారు.

వత్తులు :- ఒక వత్తితో దీపం పెట్టడం వలన సామాన్య శుభం.. రెండు వత్తులు : కుటుంబ సౌఖ్యం..  మూడు వత్తులు : పుత్ర సుఖం...
ఐదు వత్తులు : ధనం , సౌఖ్యం , ఆరోగ్యం , ఆయుర్ధాయం, అభివృద్ధి దీపారాధనకు పత్తితో చేసిన వత్తి శ్రేష్ఠము.

దీపారాధన విధానం.. ఆవు నెయ్యి : ఆవునెయ్యితో  దీపారాధన చేసిన ఇంటిలో సర్వ సుఖాలు సౌభాగ్యాలు కలుగును .అదే సమయంలో నువ్వుల నూనె : నువ్వుల నూనెతో దీపారాధన చేసిన సమస్త దోషములు , పీడలు తొలగిపోవును.

ఆముదం : ఆముదముతో దీపారాధన చేసిన , దేదీప్యమానమగు జీవితం , బంధుమిత్రుల వలన శుభం కలగబోతుంది. దాంపత్య సుఖం వృద్ధియగును.

వేరుశెనగ నూనె : వేరుశెనగనూనెతో దీపారాధన చేసి నిత్య ఋణములు , దు:ఖం , చోర భయం , పీడలు మొదలగునవి జరుగును .
నెయ్యి , ఆముదం , వేప నూనె , కొబ్బరి నూనె , యిలప నూనె కలిపి 48 రోజులు దీపారాధన చేసిన వారికి దేవీ అనుగ్రహం  సిద్ధించును. 
వేపనూనె , నెయ్యి , యిలపనూనె మూడు కలిపి దీపారాధన చేసిన ఐశ్వర్యం సంప్రాతిస్తుందనేది శాస్త్రం చెబుతున్న మాట.  

దీపాల యొక్క దిక్కుల ఫలితములు :-

తూర్పు దిక్కున దీపం పెట్టడం వలన: కష్టములు తొలగును , గ్రహదోషములు తొలిగిపోవును.. 
పశ్చిమం : అప్పుల బాధలు , గ్రహదోషములు , శనిదోషములు తొలిగిపోవును..

దక్షిణం : ఈ దిక్కున దీపము వెలిగించరాదు కుటుంబమునకు కష్టము కలుగును.

ఉత్తరం : ధనాభివృద్ధి , కుటుంబములో శుభకార్యములు జరుగును.

దీప వత్తుల యొక్క ఫలితములు : పత్తి పత్తితో దీపము వెలిగించినదో ఆయుషు పెరుగును . 
అరటినార :-ఆరటి నారతో దీపము వెలిగించినదో చేసిన తప్పులు తొలగి కుటుంబమునకు శాంతి కలుగును. 
జిల్లేడినార:- జిల్లేడినారతో దీపము వెలిగించినచో భూత , ప్రేత , పిశాల బాధలు ఉండవట. 
తామర నార :-పూర్వ జన్మలో చేసిన పాపములు తొలగును. ధనవంతు లగుదురు .
నూతన పసుపు వస్త్రముతో  దీపం వెలిగించడం వలన అమ్మవారి అనుగ్రహమునకు పాత్రులగుదురు. 
నూతన ఎరుపు వస్త్రము :- పెళ్ళిళ్ళు అగును , గొడ్రాలికి సంతానము కల్గునట. 
నూతన తెల్ల వస్త్రము : పన్నీరులో ముంచి ఆరబెట్టి దీపము వెలిగించిన శుభకార్యములు జరుగును. సాయ కాలం సమయములందు శ్రీ మహాలక్ష్మికి దీపారాధన చేసి పసుపు కుంకుమతో అర్చన చేస్తే కుటుంబ క్షేమం , సౌభాగ్యం కలుగనని శాస్త్ర చెబుతున్న మాట.  

గమనిక (Disclaimer): ఇది కేవలం మన ధర్మ శాస్త్రాల్లో ప్రస్తావించిన అంశాలు.. ధర్మ సింధువు, నిర్ణయ సింధువులోని అంశాలనే మేము ప్రస్తావించాము. జీ న్యూస్ ఈ వార్తను ధృవీకరించడం లేదు.