కాకా వర్సెస్ విశ్వంభర.. సంక్రాంతి బరిలో చిరుకు చిరు సినిమానే పోటీ..?

Chiranjeevi Vs Megastar: సంక్రాంతి బరిలో చిరంజీవి నటించి ‘కాకా’ రావడం గ్యారంటీ అని చెబుతున్న అందుకు తగ్గట్టు ప్రమోషన్స్ కనిపించడం లేదు. కానీ పొంగల్ రేసులో  ఉన్న మిగిలిన సినిమాలన్నీ బ్యాక్ టు బ్యాక్ అప్‌డేట్స్ ఇస్తూ ప్రమోషన్స్‌తో అదరగొడుతున్నాయి. కాకా మూవీ నుంచి మాత్రం ఇప్పటివరకు ఒక్క టీజర్ మాత్రమే బయటకు వచ్చింది. ఈ సినిమా ఫస్ట్ సింగిల్ డిసెంబర్‌లో రాబోతుందని తమన్ చెప్పడంతో.. బాబీ అండ్ టీమ్ రిలీజ్‌కు సరిగ్గా నెల రోజుల ముందు మాత్రమే తమ ప్రమోషన్స్ ప్లాన్ చేస్తున్నారని విషయం క్లారిటీ ఇచ్చినట్టు అయింది.

విశ్వంభర సినిమా రిలీజ్ వ్యవహారం అయితే మేకర్స్‌కు పెద్ద సవాల్‌లాగా మారిపోయింది. ముందే కుదుర్చుకున్న ఓటీటీ డీల్ ప్రకారం ఈ సినిమాను కచ్చితంగా జనవరి 13 లోపే థియేట్రికల్  రిలీజ్ చేయాల్సి ఉండటంతో డెడ్ లైన్ ప్రెజర్‌లో పడిపోయారు దర్శక నిర్మాతలు. ఈ రెండు భారీ సినిమాల క్లాష్ నివారించడానికి మేకర్స్ మధ్య ఇంకా ఏవైనా చర్చలు జరుగుతున్నాయా అనేది ఆసక్తికరంగా మారింది.

ఈ రిలీజ్ టెన్షన్స్ అన్నీ పక్కనపెడితే.. చిరంజీవి మాత్రం నెట్‌ఫ్లిక్స్ కోసం చేస్తున్న మెగావర్స్ టాక్ షో పనుల్లో బిజీగా ఉన్నారు. ఈ షో కోసం ఇప్పటికే నాగార్జునతో కలిసి అదిరిపోయే ఫస్ట్ ఎపిసోడ్‌ను కూడా చిరు షూట్ పూర్తి చేసారని తెలుస్తుంది. మరోవైపు రజినీకాంత్, కమల్ హాసన్‌లతో చిరు ఎపిసోడ్ కూడా పూర్తి కావొచ్చింది.  ఒకవైపు కొత్త టాక్ షోతో మెగాస్టార్ ఓటీటీ ఎంట్రీ ఇస్తుంటే.. మరోవైపు కాకా, విశ్వంభర సినిమాల ఫ్యూచర్ ఏంటో త్వరలోనే తేలనుంది. చిరంజీవి మాత్రం ఈ సినిమాల చేయడం వరకే తన బాధ్యత అని.. రిలీజ్ డేట్స్ ఆయా నిర్మాతలే తేల్చుకోవాలని స్పష్టం చేసినట్టు తెలుస్తుంది. ఈ పోరులో మెగాస్టార్ సినిమాతో మెగాస్టార్ సినిమానే పోటీకి దిగుతుందా లేదా అనేది వెయిట్ అండ్ సీ.