• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Telugu
  • వార్తలు
  • ఫోటోలు
  • వీడియోలు
  • ఆంధ్రప్రదేశ్

  • తెలంగాణ

Add Zee Business As A Preferred Source
App
  • Live TV
  • ఆంధ్రప్రదేశ్
  • తెలంగాణ
  • జాతీయం
  • అంతర్జాతీయం
  • క్రీడలు
  • వినోదం
  • జీవనశైలి
  • ఆధ్యాత్మికం
  • జీ తెలుగు న్యూస్
  • /క్రీడలు
  • /భారత్ vs వెస్టిండీస్ తొలి టీ20: శ్రేయస్ సేనకు అసలైన పరీక్ష.. ఓపెనింగ్‌‌పై కొనసాగుతున్న ఉత్కంఠ..!

భారత్ vs వెస్టిండీస్ తొలి టీ20: శ్రేయస్ సేనకు అసలైన పరీక్ష.. ఓపెనింగ్‌‌పై కొనసాగుతున్న ఉత్కంఠ..!

India vs West Indies Playing 11: పొట్టి ఫార్మాట్‌లో కరీబియన్లతో తలపడేందుకు భారత్ రెడీ అయింది. లక్నోలోని ఎకానా స్టేడియం వేదికగా మంగళవారం తొలి టీ20 మ్యాచ్ జరగనుంది. ఆసియా క్రీడల్లో స్వర్ణం గెలిచి మంచి జోష్‌లో ఉన్న శ్రేయస్ సేనకు.. టీ20ల్లో విధ్వంసకరంగా ఆడే విండీస్ సేన గట్టి సవాలు విసరనుంది.

Written ByAshok Krindinti
Published: Oct 06, 2026, 16:55 IST|Updated: Oct 06, 2026, 16:57 IST
joinshare
భారత్ vs వెస్టిండీస్ తొలి టీ20:  శ్రేయస్ సేనకు అసలైన పరీక్ష.. ఓపెనింగ్‌‌పై కొనసాగుతున్న ఉత్కంఠ..!
Image Credit: India vs West Indies (BCCI/IANS)

About the Author

Ashok Krindinti

Ashok Krindinti

అశోక్‌ క్రిందింటి జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. ఇక్కడ 2022 నుంచి స్పోర్ట్స్, వినోదం, క్రైమ్, రాజకీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో ఏడేళ్లకుపైగా అనుభవం ఉంది.
Read More

ట్రెండింగ్

  • వార్తలు
  • ఫోటోలు
  • వీడియోలు
పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

2

బయట ఫుడ్ తినకపోయినా ఫ్యాటీ లివర్ వస్తోందా? ఇంట్లో చేసే ఈ 5 పొరపాట్లే అసలు కారణమా?

3

Congress: సంక్రాంతి తర్వాత 'ప్రజా బలం' చేపడతాం.. నాయకులు గ్రామాలకు వెళ్లండి: రేవంత్‌ రెడ్డి

4

Revanth Reddy: 'ఎమ్మెల్యేలు అనిరుధ్, రాజగోపాల్ రెడ్డిలను ఈసారి క్షమించేద్దాం: రేవంత్ రెడ్డి

5

Kishan Reddy: రెబల్ స్టార్ ప్రభాస్‌తో భేటీ అయిన కేంద్ర మంత్రి కిషన్ రెడ్డి.. అసలు కారణం ఏమిటంటే..?..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

India vs West Indies Playing 11: వెస్టిండీస్‌పై వన్డే సిరీస్‌ను నెగ్గిన టీమిండియా.. ఇప్పుడు పొట్టి సిరీస్‌లో సమరానికి సిద్ధమైంది. ఐదు మ్యాచ్‌ల టీ20 సిరీస్‌లో భాగంగా లక్నోలోని ఎకానా స్టేడియం వేదికగా తొలి టీ20 మ్యాచ్ జరగనుంది. విండీస్‌పై భారత్ వన్డే సిరీస్‌ నెగ్గినా.. ఆ జట్టు బ్యాటింగ్ ఆర్డర్ బలమేంటో తెలిసొచ్చింది. ఆసియా కప్‌లో స్వర్ణం నెగ్గిన శ్రేయస్ అయ్యర్ సేనకు ఈ సిరీస్‌ పరీక్షగా మారనుంది. కెప్టెన్‌గా ఐర్లాండ్, ఇంగ్లాండ్‌ సిరీస్‌ల్లో ఓడిపోయినా.. జింబాబ్వే, అఫ్గానిస్థాన్‌లపై విజయాలు.. తాజాగా ఆసియా క్రీడల్లో స్వర్ణం పతకం ఎంతో ఊరటనిచ్చాయి. అయితే పొట్టి ఫార్మాట్‌లో ఎవరినైనా మట్టికరిపించే సత్తా ఉన్న కరీబియన్లతో పోరు మాత్రం అంత తేలిక కాదు.  

ఈ మ్యాచ్‌కు తుది జట్టు ఎంపిక మేనేజ్‌మెంట్‌ను కలవరపెడుతోంది. ముఖ్యంగా ఓపెనింగ్‌ స్లాట్‌లో ఎవరిని ఆడించాలనే కన్ఫ్యూజన్ కొనసాగుతోంది. ఒక ఓపెనర్‌గా అభిషేక్ శర్మ ఫిక్స్ అయిపోగా.. రెండో ఓపెనర్‌ స్థానం కోసం వైభవ్ సూర్యవంశీ, సంజు శాంసన్ మధ్య కూర్చిలాట జరుగుతోంది. ఆసియా క్రీడల్లో అభిషేక్-వైభవ్‌ను ఓపెనర్లుగా పంపించి.. సంజును వన్‌డౌన్‌లో ఆడించారు. అయితే ఆసియా క్రీడల్లో కోచ్‌గా ఉన్నది వీవీఎస్‌ లక్ష్మణ్. కానీ రెగ్యులర్ కోచ్ గౌతం గంభీర్ ప్లానింగ్ విభిన్నంగా ఉంటుంది. వైభవ్‌ అవకాశాల కోసం మరింత కాలం వేచి ఉండకతప్పదని ఇటీవల తేల్చేశాడు. అభిషేక్ శర్మ-సంజు శాంసన్‌లను ఓపెనర్లుగా ఆడించేందుకు మొగ్గు చూపే అవకాశం ఉంది. ఒకవేళ అభిషేక్-వైభవ్‌ ఇద్దరినీ ఆడిస్తే సంజు వన్‌డౌన్‌లో రావచ్చు. ఒకరినే ఎంచుకుంటే మాత్రం తెలుగు ఆల్‌రౌండర్ నితీశ్ కుమార్ రెడ్డికి తుది జట్టులో ఆడే అవకాశం లభిస్తుంది.

అభిషేక్‌తో పాటు ఇషాన్ కిషన్, తిలక్ వర్మ, శివమ్ దూబె సూపర్‌ ఫామ్‌లో ఉండడం టీమిండియాకు కలిసి వచ్చే అంశం. అయితే కెప్టెన్ శ్రేయస్ అయ్యర్ బ్యాట్ నుంచి పెద్ద ఇన్నింగ్స్ రావాల్సి ఉంది. స్పిన్ విభాగంలో అక్షర్ పటేల్, కుల్దీప్ యాదవ్ జోడీ పటిష్టంగా ఉండగా.. పేస్ విభాగంలో మాత్రం అనుభవలేమి కనిపిస్తోంది. అర్ష్‌దీప్ సింగ్‌కు జోడీగా మయాంక్ యాదవ్ లేదా ప్రిన్స్ యాదవ్‌లలో ఒకరిని ఆడించనున్నారు.

వన్డే సిరీస్ కోల్పోయినా బ్యాటింగ్‌లో విండీస్‌ను తక్కువ అంచనా వేసేందుకు వీళ్లేదు. చివరి వన్డేలో అద్భుత శతకం బాదిన కెప్టెన్ షై హోప్‌తో పాటు షిమ్రాన్ హెట్‌మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్ వంటి మ్యాచ్ విన్నర్లు జట్టులో ఉన్నారు. వీరితో పాటు రొమారియో షెఫర్డ్, షమార్ స్ప్రింగర్ రూపంలో నాణ్యమైన ఆల్‌రౌండర్లు అందుబాటులో ఉన్నారు. ప్రపంచ స్థాయి స్పిన్నర్లు అకీల్ హొస్సేన్, గుడాకేశ్ మోటీలతో పాటు పేస్ బాధ్యతలను షమార్ జోసెఫ్, మాథ్యూ ఫోర్డ్ మోయనున్నారు.

మ్యాచ్ వివరాలు..

  • వేదిక: ఎకానా స్టేడియం, లక్నో 
  • టాస్ సమయం: సాయంత్రం 6:30 గంటలకు
  • మ్యాచ్ ప్రారంభం: రాత్రి 7:00 గంటలకు 
  • లైవ్ టెలికాస్ట్: స్టార్ స్పోర్ట్స్ నెట్‌వర్క్
  • లైవ్ స్ట్రీమింగ్: జియోహాట్‌స్టార్ యాప్, వెబ్‌సైట్  

 

హెడ్ టు హెడ్ రికార్డులు ఇలా..

  • మొత్తం మ్యాచ్‌లు: 31
  • భారత్ గెలుపు: 20
  • వెస్టిండీస్ గెలుపు: 10
  • ఫలితం తేలనివి: 1

తుది జట్లు ఇలా.. (అంచనా)

  • భారత్: అభిషేక్ శర్మ, సంజు శాంసన్, వైభవ్ సూర్యవంశీ / నితీశ్ కుమార్ రెడ్డి, శ్రేయస్ అయ్యర్ (కెప్టెన్), ఇషాన్ కిషన్ (వికెట్ కీపర్), తిలక్ వర్మ, శివమ్ దూబె, అక్షర్ పటేల్, కుల్దీప్ యాదవ్, అర్ష్‌దీప్ సింగ్, మయాంక్ యాదవ్ / ప్రిన్స్ యాదవ్.
  • వెస్టిండీస్: షై హోప్ (కెప్టెన్, వికెట్ కీపర్), కామిల్ పూరన్, షిమ్రాన్ హెట్‌మయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెఫర్డ్, గుడాకేశ్ మోటీ, అకీల్ హొస్సేన్, మాథ్యూ ఫోర్డ్, షమార్ స్ప్రింగర్, షమార్ జోసెఫ్.
Add Zee News as a Preferred Source
TAGS:
Cricket
Sports News
Telugu News