Vemulawada: వేముల వాడలో హృదయవిదారక ఘటన.. బతికుండగానే శ్మశానంకు తరలించిన కుటుంబ సభ్యులు..

Family shifted man in cremation room vemulawada: ఇటీవల సమాజంలో చాలా అమానవీయ ఘటనలు ఎక్కువగా చోటు చేసుకుంటున్నాయి. డబ్బుల కోసం ఎంతకైన దిగజారుతున్నారు. రక్త సంబంధాలు అని కూడా చూడటంలేదు. డబ్బుల కోసం ఎంతకైన దిగజారుతున్నారు. డబ్బుల విషయంలో గొడవలు పడి, హత్యలకు కూడా వెనుకాడటంలేదు. ఈ క్రమంలో కట్టుకున్న వారిపై, కన్నవారిపై దాడుల ఘటనలు ఎక్కువగా వార్తలలో ఉంటున్నాయి. పొరపాటున ఎవరైన ఆస్పత్రిలో చేరితో ఇక వారి వైద్యానికి డబ్బులు లేకుంటే వారి ప్రాణాలు గాల్లో కలవాల్సిందే. ఈ నేపథ్యంలో రాజన్న సిరిసిల్లాలోని వేముల వాడలో తీవ్ర విషాదకర ఘటన వెలుగులోకి వచ్చింది.

రాజన్న సిరిసిల్ల జిల్లా వేములవాడ వైకుంఠధామంలో హృదయవిదారక ఘటన వెలుగులోకి వచ్చింది. చందుర్తి మండలం కిష్టంపేటకు చెందిన అమృత గత ఐదేళ్లుగా వేములవాడలో నివాసం ఉంటున్నారు.  వారి బిడ్డ గత కొన్నేళ్లుగా జాండిస్ తో ఇబ్బందులు పడుతున్నాడు.  ఇప్పటి వరకు రాకేష్ వైద్యం కోసం రూ.10 లక్షలు ఖర్చు చేసి అప్పులపాలయ్యారు.

ఇక చేసిన అప్పులు తీర్చలేక, ఇంటి అద్దె చెల్లించలేని పరిస్థితిలో బతికుండగానే కుమారుడితో కలిసి శ్మశానవాటికకు చేరుకున్నారు. జాండీస్‌తో పాటు శ్వాస సంబంధిత సమస్యలతో తీవ్ర ఇబ్బందులు క్రమంగా తగ్గక పోగా మరీ ఎక్కువైంది. దీంతో  శ్మశాన వాటికలోనే  ఉంటున్నారు. ఈ ఘటన స్థానికంగా వార్తలలో నిలిచింది. దీనిపై ప్రజాప్రతినిధులు, ప్రభుత్వం ఏదైన సాయం చేయాలని స్థానికులు కోరుతున్నారు.