Yadagirigutta: యాదగిరి గుట్టలో 9 అడుగుల భారీ కొండ చిలువ కలకలం.. వీడియో వైరల్..
Python spotted in Yadagirigutta: యాదగిరిపల్లి నుంచి మైలార్‌గూడెం వెళ్లే దారిలో కొండచిలువ ప్రత్యక్షమయ్యింది. అది ఏకంగా 9 అడుగుల పొడవుంది. ఈ క్రమంలో స్థానికంగా పాములను పట్టుకునే వారికి సమాచారం అందించారు.
Giant python enters a home in yadagirigutta residence video viral: ఇటీవల పాములు, కొండ చిలువలు తరచుగా జనావాసాల్లోకి వస్తున్నాయి. ఇంట్లో పార్కింగ్ చేసిన కార్లలో, షూస్ లు, గుబురుగా ఉండే చెట్లలో కోబ్రాలు ఉంటున్నాయి. ఈ క్రమంలో పాములు, కొండ చిలువలతో జాగ్రత్తగాఉండాలని నిపుణులు తరచుగా చెప్తారు. చీకటిగా ఉండే ప్రదేశాలు, ఎలుకలు ఎక్కువగా ఉండే చోట కూడా ఇవి ఎక్కువగా ఆవాసం చేస్తాయి.
ఈ క్రమంలో యాదాద్రి భువనగిరి జిల్లా యాదగిరిగుట్టలో కొండచిలువ ప్రత్యక్షమయ్యింది. యాదగిరిపల్లి నుంచి మైలార్‌గూడెం వెళ్లే దారిలో కొండచిలువ కన్పించడంతో అందరు భయంతో వణికిపోయారు. రాచకొండ చిన్నరాజు ఇంట్లోకి 9 అడుగుల కొండచిలువ చొరబడింది.
వెంటనే అప్రమత్తమైన ఇంట్లోని వారు పాములను పట్టుకునే వారికి సమాచారం అందించారు. అది పలు మార్లు అక్కడున్న వారి మీద దాడికి సైతం యత్నించింది.
దీంతో రంగంలోకి దిగిన స్నేక్ క్యాచర్ కొండచిలువను ఎంతో చాకచక్యంగా పట్టుకున్నారు. ఆ తర్వాత దాన్ని అడవిలో తీసుకెళ్లి వదిలేశారు. కొండచిలువను జాగ్రత్తగా పట్టుకోవడంతో కాలనీవాసులు ఊపిరి పీల్చుకున్నారు.
