Warangal: ఇదెక్కడి విడ్డూరం.. భార్య మాట్లాడటంలేదని ఏకంగా రైల్వే విద్యుత్ లైన్ ఎక్కిన భర్త.. వీడియో..

Husband climbs electric line in nekkonda railway station: సమాజంలో కొంత మంది భార్యభర్తలు ఇటీవల ప్రతి విషయాలకు గొడవలు పడుతున్నారు. చిన్న చిన్న విషయాలను పెద్దది చేసుకుని  డైవర్స్ వరకు వెళ్లిపొతున్నారు.  మరికొంత మంది  సుపారీలు ఇచ్చి మరీ కట్టుకున్న వారిని కాటికి పంపుతున్నారు. సంసారం అన్నక చిన్నపాటి గొడవలు, బేధాభిప్రాయాలు ఉంటాయి. వీటిని మాట్లాడుకుని సర్దుకుని పోకుండా, ప్రతి చిన్న విషయంను పెద్దది చేసుకుని కయ్యానికి ఒకరిపై మరోకరు కాళ్లుదువ్వుకుంటున్నారు. ఈ క్రమంలో వరంగల్ కు చెందిన భర్త తన భార్య మాట్లాడటం లేదని ఏకంగా రైల్వేస్టేషన్ లో విద్యుత్ లైన్ మీద ఎక్కి హల్ చల్ చేశాడు.ఈ వీడియో వైరల్గా మారింది. 

భార్య మాట్లాడటం లేదని.. రైల్వే విద్యుత్ లైన్ ఎక్కి వ్యక్తి హల్చల్ వరంగల్ జిల్లా నెక్కొండ రైల్వే స్టేషన్‌లో వెలుగు చూసిన ఘటన తన భార్య సుల్తాన్ సుబేర్ తనతో మాట్లాడటం లేదని ఆవేదన భార్య తనతో మాట్లాడాలని, లేదంటే దూకుతానని బెదిరింపులు సమాచారం అందగానే ఘటనా స్థలానికి చేరుకున్న పోలీసులు అతనికి నచ్చజెప్పి.. కిందకు దించి.. పీఎస్‌కు తరలించిన అధికారులు

— PulseNewsBreaking (@pulsenewsbreak) October 22, 2026

వరంగల్ జిల్లా నెక్కొండ రైల్వే స్టేషన్‌లో షాకింగ్ ఘటన వెలుగులోకి వచ్చింది. ఒక వ్యక్తి కొన్ని రోజులుగా  తన భార్య సుల్తాన్ సుబేర్ తనతో మాట్లాడటం లేదని రైల్వేస్టేషన్ కు వచ్చాడు. అందరు చూస్తుండగానే అక్కడున్న నెక్కొండ రైల్వేలైన్ మీద ఎక్కాడు.

 కాసేపు అధికారులకు చుక్కలు చూపించాడు. కరెంట్ తీగల్ని ముట్టుకుంటానని, చచ్చిపోతానని నానా హంగామా చేశాడు.  దీంతో ప్రయాణికులు షాక్ అయ్యారు. తనను భార్యతో మాట్లాడించాలని అధికారులతో వాగ్వాదంకు దిగాడు. ఈ క్రమంలో రైల్వే పోలీసులు రంగంలోకి దిగి అతడ్ని సముదాయించి అతడ్ని కిందకు దించి పీఎస్ కు తరలించారు.  ఈ ఘటనతో  వరంగల్ రైల్వేస్టేషన్ లో గందరగోళం తలెత్తింది. రైల్వే రాక పోకలకు సైతం అంతరాయం ఏర్పడింది.