Rajagopal Reddy: క్యారెక్టర్‌లో, క్రెడిబిలిటీలో నేను సీఎంకన్నా ఎక్కువ.. మరోసారి రెచ్చిపోయిన ఎమ్మెల్యే కోమటిరెడ్డి రాజగోపాల్ రెడ్డి..
Rajagopal reddy fire on cm revanth reddy: అన్ని నియోజకవర్గాలకు సమానంగా నిధులు కేటాయించడం లేదని మునుగోడు ఎమ్మెల్యే కోమటి రెడ్డి రాజగోపాల్ రెడ్డి సీఎం రేవంత్ రెడ్డిపై మండిపడ్డారు. ఈ క్రమంలో అధికార పార్టీకి చెందిన ఎమ్మెల్యే అయి ఉండి కూడా నిధుల కోసం అడుక్కొవాల్సిన పరిస్థితి ఏర్పడిందని తీవ్ర అసహనం వ్యక్తం చేశారు.
Komati reddy rajgopal reddy fires on cm revanth reddy govt: తెలంగాణ రాజకీయాల్లో మునుగోడు ఎమ్మెల్యే కోమటిరెడ్డి రాజగోపాల్ రెడ్డి చేస్తున్న వ్యాఖ్యలు తెలంగాణ రాజకీయాల్లో మరోసారి కాకరేపుతున్నాయి. గత కొన్ని రోజులుగా మంత్రి పదవిపై తరచుగా సీఎం రేవంత్ పై బహిరంగంగానే కోమటిరెడ్డి రాజగోపాల్ రెడ్డి విమర్శణాస్త్రాల్ని సంధిస్తున్నారు. ముఖ్యంగా తన నియోజక వర్గం డెవలప్ మెంట్ కు నిధులు కేటాయించక పోవడంపై కాంగ్రెస్ స్ పై తీవ్రమైన విమర్శలు చేస్తున్నారు. మొత్తంగా ఇటీవల అయిష్టంగానే సీఎం రేవంత్ రెడ్డితో కలిసి పనిచేస్తున్నట్లు చెప్పుకొచ్చారు.
మరోసారి సీఎం రేవంత్ రెడ్డి ప్రభుత్వంపై కోమటిరెడ్డి విమర్శలు సంధిస్తుండటం హాట్ టాపిక్ గా మారింది. తెలంగాణలో నియోజక వర్గాలకు వనరుల కేటాయింపులో అపోసిషన్ పార్టీ నేతల్లా అడుక్కొవాల్సి వస్తుందన్నారు. మంత్రి ఉత్తమ్ కుమార్ రెడ్డిపై సైతం విమర్శలు గుప్పించారు. నిధులన్నీ ఉత్తమ్ కుమార్ రెడ్డి కోదాడ, హుజూర్‌నగర్‌కే తీసుకెళ్తున్నారు. ఆయన తెలంగాణకు మంత్రా.. హుజూర్‌నగర్‌కే మంత్రా?.. అంటూ తీవ్ర ఆగ్రహం వ్యక్తం చేశారు. బీఆర్ఎస్ హయాంలో పూడిక తీసిన చెరువుల్లో నీళ్లు నిలిచి ఇప్పుడు రైతులకు ఉపయోగపడుతున్నాయన్నారు.
నేను చాలా పవర్ఫుల్ అని వాళ్లకు తెలుసు.. అందుకే నాకు మంత్రి పదవిఇస్తలేరు.. అదే విధంగా తన నియోజక వర్గంకు నిధులు కూడా ఇవ్వడం కూడా లేరన్నారు. తాను మంత్రిని, సీఎంను కాకపోయిన క్యారెక్టర్ లో, క్రెడిబిలిటీలో వారికన్న కూడా గొప్పనేతను అంటూ కోమటి రెడ్డి రాజగోపాల్ రెడ్డి కాంగ్రెస్ ప్రభుత్వంపై తన అసహానంను వ్యక్తం చేశారు.
