Kumari Aunty: సోషల్ మీడియా నా కొంప ముంచింది.. డైలీ సంపాదన ఎంతో చెప్పిన కుమారీ ఆంటీ..

Kumari aunty reveals her daily income with curry stall in Hyderabad: హైదరాబాద్ లో కర్రీస్ ఫెమ్ కుమారీ ఆంటీ మరోసారి వార్తలలో నిలిచారు. ముఖ్యంగా ఆమె చేసిన వ్యాఖ్యలు వైరల్ గా మారాయి. కుమారీ ఆంటీ గతంలో.. మీది మొత్తం 1000 అయింది.. రెండు లివర్లు ఎక్స్‌ట్రా' అనే ఒక్క మాటతో సోషల్ మీడియాలో ఒక రేంజ్ లో వైరల్ గా మారి ఫెమస్ అయిన విషయం తెలిసిందే. మరోవైపు కుమారీ ఆంటీస్టాల్ ను రోడ్డుపక్క నుంచి తొలగించాలని పోలీసులు ఆదేశించారు. ఆ తర్వాత సీఎం రేవంత్ రెడ్డి పెద్ద మనసుతో కుమారీ ఆంటీకి  మరల బిజినెస్ చేసుకునేందుకు అవకాశం కల్పించారు.

 మరోవైపు కుమారీ ఆంటీని చాలా మంది నిరుద్యోగులు కలిసి సీఎం రేవంత్ కు జాబ్ నోటిఫికేషన్లు, వయసును పెంచాలని కోరాలని ఆమె స్టాల్ చుట్టు తిరిగారు. ఆమెను దాదాపు అన్ని మీడియా ఛానెల్ లు కూడా కవర్ చేసిన విషయం తెలిసిందే.అయితే.. సోషల్ మీడియాలో ఫెమస్ అయ్యాక.. తన బిజినెస్ అంతా పడిపోయిందని కుమారీ ఆంటీ ఇటీవల ఒక ఛానెల్ ఇంటర్య్వూలో చెప్పుకొచ్చింది.

గతంలో తన హోటల్‌కు రోజుకు 1500 మంది వరకు వచ్చేవారని, ఇప్పుడు ఆ సంఖ్య 1000కి తగ్గిందని కుమారి ఆంటీ తెలిపారు.  అంతే కాకుండా.. గతంలో కేజీ చికెన్ రూ.140 ఉంటే, ఇప్పుడు రూ.350 అయిందని చెప్పుకొచ్చింది. బియ్యం బస్తా కూడా రూ.1000 నుంచి రూ.1800కి పెరిగిందని వాపోయింది. 

దీంతో తనకు ముందులా లాభాలు రావడంలేదని ఆవేదన వ్యక్తం చేసింది. గతంలో  హైదరాబాద్ రాకముందు తన సొంత గ్రామంలో రోజుకు రూ.50 కూలీకి పొలం పనులకు వెళ్లానని, ఏదైనా సాధించాలనే తపనతో 2011లో హైదరాబాద్ వచ్చి ఈ హోటల్ ప్రారంభించానని కుమారీ ఆంటీ చెప్పిన విషయం తెలిసిందే. 

తన దృష్టిలో సీఎంరేవంత్ రెడ్డి దేవుడని, మనసున్న మారాజు అని కుమారి ఆంటీ భావోద్వేగంగా చెప్పారు. ప్రస్తుతం తన అభిమానుల కోసం 7 సినిమాల్లో చిన్న చిన్న పాత్రల్లో నటిస్తున్నట్లు  చెప్పారు. బిగ్ బాస్ కు ఆఫర్ వస్తే వెళ్తానని అన్నారు.