Mahesh kumar goud: కొండా సురేఖను కాంగ్రెస్ అధిష్టానం పిలిచిందా..?.. బిగ్ షాక్ ఇచ్చిన పీసీసీ చీఫ్ మహేష్ కుమార్ గౌడ్..

TPCC Chief Mahesh kumar goud intresting comments on brs mock assembly: తెలంగాణ రాజకీయాల్లో కొండా సురేఖ అంశం మరోసారి హాట్ టాపిక్ గా మారింది. ఇటీవల వరంగల్ లో కొండా సురేఖ దంపతులు తమ అనుచరులతో మీటింగ్ నిర్వహించారు. పదవులు ముఖ్యం కాదని, మాట ముఖ్యమన్నారు. కాంగ్రెస్ పార్టీలోనే ఉంటామని, రాహుల్ గాంధీని ప్రధానిగా చూడటమే తమ టార్గెట్ అన్నారు. కార్యకర్తల కోసం ఎలాంటి త్యాగాలకైన వెనుకాడబొమన్నారు.ఈ క్రమంలో పీసీసీ చీఫ్ మహేష్ కుమార్ తాజాగా.. కొండా సురేఖ అంశంపై వినాయక చవితి పండగ వేళ చేసిన కామెంట్స్ కొత్త చర్చకు తెరతీశాయి.  ఇటీవల కొండా సురేఖకు కాంగ్రెస్ అధిష్టానం నుంచి పిలుపు వచ్చిందని వార్తలు వచ్చాయి. 

కొండా దంపతులకు కీలక పదవి ఆఫర్ చేశారని వార్తలు వచ్చాయి. అయితే దీనిలో భాగంగా కొండా సురేఖ వరంగల్ లో కార్యకర్తలతో సమావేశం నిర్వహించారు. కానీ పీసీసీ చీఫ్ మహేష్ కుమార్ గౌడ్ మాత్రం ..కొండా సురేఖను కాంగ్రెస్‌ హైకమాండ్‌ ఢిల్లీకి పిలిచిందన్న వార్తలపై తమకు ఎలాంటి సమాచారం లేదని గాంధీ భవన్ లో  మహేశ్‌ కుమార్‌ గౌడ్‌ తెలిపారు. అంతే కాకుండా.. ప్రభుత్వ ఆస్తులను ఎవరైనా కబ్జా చేసి ఉంటే.. ఆ వ్యవహారాలు బయటకు రావాల్సిందేనంటూ తెల్చి చెప్పారు.

ఇక బీఆర్ఎస్ ఇటీవల నిర్వహించిన మాక్ అసెంబ్లీపై కూడా ఫైర్ అయ్యారు. దళితుడిని ముఖ్యమంత్రిని చేస్తానని చెప్పి కేసీఆర్‌ మాట తప్పారని ఆరోపించారు. కేవలం ఓట్ల కోసమే కేసీఆర్‌ దళిత కార్డును ఉపయోగించారని విమర్శించారు. 

దళితులకు మూడెకరాల భూమి, దళిత బంధు పథకాలను ఎందుకు పట్టించుకోలేదని నిలదీశారు. అంబేద్కర్‌ విగ్రహాలు ఏర్పాటు చేయడం మాత్రమే కాకుండా ఆయన సూచనలను పాటించాలని బీఆర్ఎస్ కు చురకలు పెట్టారు. దళితులు నడిచిన నేలను శుద్ధి చేసిన ఘటనపై బీఆర్ఎస్ పై తీవ్ర విమర్శలు చేశారు.. బీఆర్ఎస్ పార్టీ వారు.. ‘‘నేలను కాదు.. మీ బుర్రను శుద్ధి చేయాలంటూ ఘాటు వ్యాఖ్యలు చేశారు.

 కేసీఆర్‌కు నిజంగా చిత్తశుద్ధి ఉంటే మాజీ మంత్రి తలసాని శ్రీనివాస్‌ యాదవ్‌ను ప్రతిపక్ష నేతగా చేయాలని సవాల్‌ విసిరారు. కేసీఆర్‌  అసెంబ్లీకి రావడం మానేశారని, కనీసం తలసానికి ప్రతిపక్ష నేత హోదా ఇవ్వాలని డిమాండ్‌ చేశారు. ఈ క్రమంలో పండగ వేళ పీసీసీ చీఫ్ చేసిన కామెంట్స్ హాట్ టాపిక్ గా మారాయి.