Hyderabad: ఎల్ నినో ఎఫెక్ట్ వేళ.. హైదరాబాద్ లో రోడ్డుపై ట్యాంకర్ నుంచి నీళ్ల వృథా.. వీడియో..

Water wastage from tanker on road in hyderabad: తెలంగాణ వ్యాప్తంగా ఎల్ నినో ప్రభావంతో ప్రజల జీవనం అస్తవ్యస్తంగా మారిపోయింది. ఇప్పటికే ఎల్ నినో పై సీఎం రేవంత్ రెడ్డి ప్రభుత్వం ప్రజల్ని, అధికారులకు పలు సూచనలు చేసింది. ఇక నీటి సమస్యలు తలెత్తకుండా అధికారులు పటిష్టమైన చర్యలు తీసుకుంటున్నారు. ముఖ్యంగా హైదరాబాద్ లో తాగునీటి సమస్యలపై జలమండలి, జీహెచ్ఎంసీ సీరియస్గా ముందుకు వెళ్తుంది. ఎక్కడ తాగునీటిని వెస్ట్ చేసినట్లు తమకు ఫిర్యాదులు వచ్చిన వారి పట్ల కఠినంగా వ్యవహరిస్తుంది. భారీగా జరిమానాలు సైతం విధిస్తుంది. 

ఈ క్రమంలో హైదరాబాద్ లో పలు చోట్ల తాగునీటి కొరతతో ట్యాంకర్ లను ప్రజలు తెప్పించుకుంటున్నారు. జలమండలి ప్రత్యేకంగా ట్యాంకర్ ల తో నీటి సరఫరా చేస్తుంది. ఇదిలా ఉండగా హైదరాబాద్ లో నడి రోడ్డుపై ట్యాంకర్ గుండా నీళ్లు వెస్ట్ గా పోతున్నాయి. ఈ ఘటనను కొంత మంది వీడియో తీసి సోషల్ మీడియాలో పోస్ట్ చేశారు. హైద‌రాబాద్‌లో తాగునీటి కొర‌త ఏర్ప‌డుతుండటంతో పలు చోట్ల ట్యాంకర్ లతో సరఫరా చేస్తున్నారు.

 ఒక వాటర్ ట్యాంకర్ గుండా నీటిని సరఫరా చేస్తున్నారు. అది కాస్త ఫుల్ గా నీటితో నింపేశారు. అది రోడ్డు మీద ట్రాఫిక్ లో వెళ్తున్నప్పుడు నీళ్లు వృధాగా పోతున్నాయి. రోడ్డుపైన భారీగా నీళ్లు వృధాగా పోతున్న ట్యాంకర్ డ్రైవర్ కనీసం గమనించకుండా వెళ్లిపోతున్నాడు.

ఒకవైపు నీళ్లు కటకటతో నగరవాసులు ఇబ్బందులు పడుతున్న వేళ ఈ విధంగా ట్యాంకర్ డ్రైవర్ లు నెగ్లీజెన్సీగా నీళ్లను వృధా చేస్తు వెళ్లడంపై కొంత మంది వాహన దారులు వీడియో తీశారు. అది కాస్త సోషల్ మీడియాలో పోస్ట్ చేయడంతో వైరల్ గా మారింది. దీనిపై చర్యలు తీసుకొవాలని జలమండలికి నెటిజన్లు డిమాండ్ చేస్తున్నారు.